شيفاي : انا عارف ومتاكد انكم مش هتصدقوا كلامي ويمكن في منكم هيقول عليا اتجننت من كتر ما حبست نفسي وعزلتها عن العالم اللي حواليا ... ومنكم اللي هيقول اني بهرب من اللي حصلي ومش مركز في اللي بقوله وفي اللي عايز اعمله ... لكن انا بأكدلكم كلكم ان قوايا العقلية سليمة ومفيش لا حبسة ولا حاجة اثرت فيها دا غير اني فكرت كويس اوي قبل ما اوصل للقرار اللي هبلغكم بيه دلوقت
تيج : شيفاي انت كلامك كلوا ما فهمنيش البنت دي كانت فين من ساعة ما دخلت هنا ... وايه علاقتها بالكلام اللي انت بتقوله دا ...
شيفاي : اصبر يا خالي وانت هتفهم وهتعرف كل حاجة ...
بينكي : استني يا تيج يا اخويا لحد ما نعرف ايه اللي عنده ...
شيفاي : اولا انتوا عارفين ان انا قررت اننا نعزل من هنا ... بس اللي ما تعرفهوش ان مش انا وماما ومليكة بس اللي هنمشي من هنا ... لا كمان خالي وبناته هيمشوا معانا من هنا ...
نظروا جميعا الي بعضهم ولاول مرة نظرت انيكا اليه مباشرتا ليلمح في عينيها سؤالا جاوب عليه من قبل ان يسأله احدا منهم اليه...
شيفاي : ما تستغربوش اوي كدا ... انا عارف ايه اللي بيدور في راسكم دلوقتي بس انا عايزكم تطمنوا وتسمعوني ... الحكاية كلها تتلخص في كلمتين هما ان انا لما خرجت مع خالي من كام يوم وفرجته علي الفيلا اللي هنسكن فيها انا وماما ومليكة انتهزت الفرصة وفرجته كمان علي الفيلا اللي هيسكونوا فيها هما كمان ...
مليكة : ايه دا ... انت مش قلت انها فيلا واحدة ...
شيفاي : ايوة ...
بافيا : طب ايه حكاية الفيلا التانية دي ... وهي فعلا فيلا غير اللي حضرتك اتكلمت عليها قبل كدا والا هي نفسها ... انا مش فاهمة حاجة
تيج : لا يا بافيا ... هما اتنين او بالاصح فيلا لشيفاي وعمتك ومليكة واحنا شيفاي ما نسيناش وجابلنا شقتين في عمارة قبل فيلتهم بمسافة يجي ميت او متين متر كدا وفتحهم علي بعض زي الفيلا بالضبط ...
بافيا : واووووووووووووووووووووو ... بجد عايزة اشوفها ...
شيفاي : بكرة الصبح حنروح كلنا نشوفها ...
مليكة : وانت عملت كل دا امتي بس ... بجد انت تجنن بلد ...
شيفاي : حسابك بعدين ...
بينكي : والله يا ابني لو ما كنتش قولت ان اخويا هيكون معانا في نفس المكان ما كنت وافقت ولا قبلت امشي من هنا واسيبه لوحده هو بناته
شيفاي : ما انا عارف يا اني يا حبيبتي وعشان كدا عملت اللي عملته دا... ما هو مش معقولة خالي اللي كان معانا في المرة قبل الحلوة اسيبه كدا وامشي ...
تيج : والله يا بينكي انا ما كنت هوافق لولا انه ضغط عليا باللي ما قدرش ارفضه ابدا ...
