كانت تجلس في سريرها تتوسد راسها ارجلها لتغطيها بيدها وهي تبكي بقوة المنهزم المنكسر الذي ضاع حلمه دون ان يعرف سببا لانهزامه وضياعه من صاحبه ... كانت تغسل همومها وافكارها بتلك الدموع التي باتت هي اقرب اصدقائها ...
انيكا "في بالها" : محدش فاهمك ولا حد بيفكر يفهمك ... حتي الانسان الوحيد اللي حبتيه طلع مش حاسس بيكي ورافض حبك وقالهالك في وشك ما تنكريش ... بعد ما ذلتي نفسك وعرف اللي خبتيه طول عمرك عنه عشان ما توصليش للحظة اللي يموتك فيها ... وايه النتيجة ... وصلتي للي كنتي بتحلمي بيه واللي كنتي عايزاه يحصل اهو بقي حلم مش ممكن تنوليه ... لا واللي زاد انه احتقرك ... واخته كانت بتهينك وكان فاضلها شوية وتشمت فيكي وانتي ساكته مش قادرة توقفيها عند حدها ... طبعا ما هي شافت اللي انتي كتباه بخط ايدك وفهمت وعرفت اللي جواكي لاخوها ... وهي طول عمرها روحها في اخوها وما بتستحملش عليه الهواء وهي عارفاة كويس اوي وعارفة انه لا يمكن يحبك ..."
لترفع راسها وهي تضربها بيدها ...
انيكا : حمارة وغبية طول عمري ... انا اللي عملت كدا في نفسي ... انا اللي اديتهم الفرصة وخلتهم يعرفوا يضحكوا عليا ... بس ملحوقة ... انا هعرفهم مين هي انيكا ... لازم ارجع زي ما كنت ... لازم انسي ... "
ما ان قامت من مكانها واتجهت الي الشباك ولازالت دموعها ساخنة لم تجف ... نظرت الي الطريق امامها لتجد صوتها يعيد تلك الجملة التي لم تفهمها منذ ان سمعتها منها ...
مليكة : ادلك ... مش انا اللي هدلك ... هتعرفي لوحدك اول ما تلاقي خط الايد ...
التفتت حولها حائرة النظرات ...
انيكا : كانت تقصد ايه بالكلام دا ... وخط ايد ايه اللي لما القيه هفهم منه ... " امسكت براسها بيديها " ... دماغي هتقف ... مخي ... مش عارفة افكر ولا عارفة ... استني استني يا هبلة ... تكونش قصدها ان الاقي حاجة مكتوبة في ... " ونظرت الي دفتر خواطرها وجريت وامسكت به وهي تقلبه " فيك ايه ... اكيد فيك حاجة ... حاجة مكتوبه ... بس ايه ... ايه هي ... ايه ... "
لتفيق علي دقات علي بابها ... تركت ما بيدها واتجهت الي الباب لتفتحه
فتحت لترتسم فجاءة علي وجهها ابتسامة ممزوجة بدموع تساقطت فجاءة من عيناها غير مصدقة انها تراه امامها ...
ابتسم ومد يده ومسح دمعة كانت حائرة علي باب عيناها ...
شيفاي : ايه مفيش اتفضل ...
انيكا : لا ...
شيفاي : هو ايه اللي حصل بس عشان تسيبينا كدا وتطلعي هنا لوحدك ... مالك ... وليه الدموع دي بس ...
انيكا : ماليش ...
شيفاي : لا فيكي حاجة متغيرة ... مليكة قالتلك حاجة زعلتك ... والا تكوني زعلتي مني عشان
