نزل ولم يكد ينهي درجات السلم حتي وجد تيجوان وخلفه رجل في الثلاثينات من عمره ... اكمل وجذب تيجوان وحدثه بهمس ...
شيفاي : مين دا ...
تيجوان : دا الدكتور ...
شيفاي : ما انا عارف ... بس دا شكله صغير ...
تيجوان : ااااااااه ... فهمت حضرتك ... لا اطمن خالص ... الدكتور فيكرام دكتور شاطر اوي علي قد ما هو يبان صغير كدا علي قد ما هو دكتور ما في منه الصراحة ... يعني حضرتك طمن بالك وما تخافش ...
شيفاي : هو اسمه فيكرام ...
تيجوان : ايوة يا بيه ... اتفضل معايا تعرفكم علي بعض ...
شيفاي : قدامي ...
كان يتقدم نحوه وهو يتطلع عليه بنظره من اعلي الي اسفل وما ان وصلا اليه ...
تيجوان : دكتور فيكرام ...
فيكرام : ايوة ...
وما ان استدار حتي احس كمن سكب عليه برميلا من المياة الباردة ...
تيجوان : اعرفك ... دا الاستاذ شيفاي بيه ... الساكن الجديد وصاحب العمارة الجديد كمان ...
فيكرام " ماددا يده " : اهلا وسهلا ...
شيفاي مد يده وسلم عليه واكتفي بهز راسه فقط ...
تيجوان : ودا بقي ...
شيفاي : عارف ... الدكتور فيكرام ... مش كدا ...
فيكرام : ايوة ... خير ان شاء الله ... يعني تيجوان قالي ان في مريض هنا ... بس انا شايف حضرتك صحتك عال العال ...
تيجوان : لا يا بيه ... مش البيه اللي عيان ...
فيكرام : اومال مين ... هو في حد تاني هنا غير الاستاذ ...
تيجوان : اي ...
ليقاطعه قبل ان يكمل ...
شيفاي : لا ... انا بس اللي هنا ...
نظر اليه تيجوان باستغراب ولم يعرف ما يقول غير انه فضل الصمت علي ان يقول ما يظهر به كذب شيفاي واخفائه وجود زوجته معه ...
فيكرام : طب حضرتك بتشتكي من حاجة معينة ...
شيفاي : كنت ... كنت مش قادر اصلب طولي ومش شايف قدامي... دا حتي تيجوان هو اللي طلعني لحد هنا ... " ونظر الي تيجوان " ... مش كدا يا تيجوان ...
تيجوان هز راسه بمعني الموافقة ...
شيفاي : شوفت ...
فيكرام : طب ممكن اسال حضرتك سؤال ...
شيفاي : اتفضل ...
فيكرام : ممكن حضرتك تقولي اكلت ايه النهاردة ...
شيفاي : هااااااااااا ... ثانية واحدة ...
وتركهم وصعد سريعا الي انيكا ... فتح ودخل وهو لا يكاد يلتقط انفاسه ...
