حبيس الذكريات ✔️✔️✔️

Part 37

ما ان خرجوا حتي اتجهت بينكي الي الشباك ونظرت منه وما ان تاكدت بانهم قد غادروا بالفعل عادت الي الترابيزة مرة اخري وحضرت طبقا وصنعت بعض السندوشات ووضعتها به وحضرت معهم كوب من الحليب وحملتهم وخرجت ...

اتجهت الي هذا البيت الصغير والذي يقع في اخر جزء من الحديقة والذي بني مخصوص ليكون بيتا للضيوف ... ما ان وصلت اليه فتحت بابه ودخلت ...

لتجدها قد استيقظت وتنتهي من صلاتها كما اعتادت اما هو فلا يزال نائما في غرفته ...

وضعت ما بيدها وجلست حتي انتهت من صلاتها ...

بينكي : صباح الخير ... عاملة ايه النهاردة يا رادها ...

رادها : صباح الفل عليكي يا ست الكل ... برضو انتي اللي جايبة الاكل بنفسك ... مش قولنا بلاش تتعبي نفسك انتي ويا تبعتيه مع اي حد من الموجودين يا تكلميني وانا اجي اخده ...

بينكي : ابعته ايه وكلمك ايه ... دا دي فرصتي عشان اكون مع حبيب قلبي ونور عيني ... تصدقي بايه ... دا انا بستني مواعيد الاكل تيجي عشان اجي اشوفه واقعد معاه الشويه دول ...

رادها : والله الولد حالته تصعب علي الكافر ... وهو اللي كان فاكر انه لما يكون مع باباه الوضع هيختلف ... واتاري الحالة واحدة يعني لما كان عند امه كان لوحده ودلوقتي وهو عند ابوه برضو لوحده ...

بينكي : والله معاكي حق ... ذنبه ايه الطفل دا في اللي بيحصل بين الكبار ... يعني هو عارف انه مش هيكون فاضيله ليه خده من امه وجابه هنا وحابسه الحبسة دي ...

رادها : ايوة صحيح هو البيه فين ... يعني من يوم ما جينا هنا وهو ولا مرة جيه يشوفه حتي ولو من بعيد ... طب كان عشمه ليه وخلي الولد يحس انه معاه هيكون احسن من وهو مع امه

بينكي : ما تخافيش انا النهاردة هحسم معاه الموضوع دا ولازم...

لتصمت ما ان سمعت صوته ...

شيفاي : لازم ايه يا امي ...

التفتت اليه ...

بينكي : اخيرا حنيت وقررت تشرفنا وتحسس الغلبان اللي نايم جوا دا ان عنده اب ...

دخل وامسك بيدها وقبلها ...

شيفاي : براحة عليا يا امي مالك كدا داخلة فيا شمال ...

رادها : اعذرها يا ابني ... يعني هي ام وجدة وقلبها موجوع علي الولد اللي مالوش ذنب في اي حاجة دا ...

شيفاي : شيفانش ... ماله ... انا مش بكلمك كل يوم وبتقوليلي انه كويس ...

بينكي : طبعا لازم تقولك كدا ... كدبت عليك زي ما كلنا كدبنا عليك ... والحقيقة اللي حضرتك ما تعرفهاش ان الولد من يوم ما جيه هنا وهو جوا الاوضة دي حابس نفسه ما بيخرجش منها خالص ولا بيلعب ولا ليه نفس لاي حاجة ... دا حتي الاكل لولا انا بتحايل عليه شوية ورادها شوية ما كانش اكل وكان زمانه ...