حنين ✅✅✅✅

الحلقة التاسعة

فتح عيناه ونظر اليها ليس متعجبا ولا مستغربا ولكنها نظرة محب يعرف محبوبته حق المعرفة وها هو يراها كما اعتاد منها ...

رفع وجهها لتتلاقي الاعين من جديد ...

شيفاي : اسفة علي ايه ...

انيكا : عشان جرحتك بكلمتي ...

شيفاي : لا ما تقلقيش ... انا لا اتجرحت ولا حاجة ...

انيكا : بتكدب ...

لترفع يدها الاخري وتضعها علي صدره مكان قلبه ...

انيكا : اشتكالي حالته اول ما سمع كلمتي ...

شيفاي : ما تصدقهوش ...

انيكا : لا هصدقه ... لانه هو اصدق من لسانك ...

شيفاي : وما دام عارفة كدا ... ليه ...

ليصمت لم يقوي علي تكرار كلمتها والتلفظ بها ...

انيكا : انا اتصدمت من اللي سمعته ... كلامك وكلام بريانكا بجد حسيت مخي اتشل ما بقاتش شايفة ولا فاهمة حاجة وبقيت مش عارفة اللي بقوله ولا ...

وضع يده علي فمها لتصمت وقرب راسها من صدره ليقبلها من جبينها ...

شيفاي : عارف ان مش انتي اللي كنتي بتتكلمي ... وعارف ان صدمتك من اللي عرفتيه عامتك وخليتك تخرفي كتير في الكلام...

لتضحك وهي بين احضانه ليهتز جسدها بين يديه ...

شيفاي : ايوة اضحكي بعد ما خلتيني اتجنن منك ومن عمايلك ...

انيكا : خلاص سامحتني ...

شيفاي : تصدقي انك هبلة بجد ... ما انتي عارفة قلبي وازاي ما بيتحملش يزعل منك ...

انيكا : صحيح ... لانه مكاني اللي بيطمني ويعرفني مكانتي عندك شكلها ايه ...

شيفاي : وما دام عارفة كدا بتجننيني معاكي ليه ...

انيكا : انت عارف ...

شيفاي : لا وحياتك لا بقيت عارف ولا فاهم حاجة خالص ... انا حاليا اغبي انسان في الدنيا ... يلا عرفيني بقي ...

انيكا : لا مش قايلة وخليك غبي كدا ... بتبقي عاقل وانت غبي...

شيفاي : كدا ... طيب ...

وهم ليقف ... امسكت به واجلسته بقوة ...

انيكا : رايح فين ...

شيفاي : اشوفلي مكان تاني وناس تانية تفهمني ...

ابتعدت عنه ونظرت اليه بقوة وهي تطوق يدها حول صدرها ...

انيكا : لا والله والناس اللي هنا مالهم ...

شيفاي : مالهومش بس هم حابيني غبي وانا مش حابب نفسي كدا ...

انيكا : وانا بقي بحبك في الحالتين ... غبي والا مش غبي انا مش هتنازل عنك ... انت عايز براحتك ...