حنين ✅✅✅✅

الحلقة التاسعة عشر

نظر اليه وهو يحاول ان يفهم ويستعب كل ما يقوله اليه الا انه وجد نفسه امام حائط لا يعرف كيفية العبور منه ...

شيفاي : ارناف ارجوك انا كدا فعلا مابقاتش قادر افهمك ...

ارناف : ايه كلامي لوغريتمات ومش عارف تحلها ...

شيفاي : لوغريتمات قصاد اللي انت بتقوله دا اسهل ميت مرة...

ارناف : بص انا هحاول افهمك ...

شيفاي : اتفضل ...

ارناف : طبعا انت فاكر اول مرة شوفت فيها اختك ...

شيفاي : يوم المحكمة لما خرجتها من المستشفي كنت انت معايا وسيبتك معاها ودخلت احضر الجلسة ...

ارناف : يومها كانت اول مرة اشوفها فيها ... وما اكدبش عليك انا ما كنتش مصدق اللي سمعته عنها الا لما شوفتها بنفسي ...

شيفاي : اللي بيتقال عليها ... وهو ايه بقي ان شاء الله ...

ارناف : كنت دايما اسمع عنها انها حلوة وجمالها مفيش زيه وكمان انها ليها شخصية كدا تشدك وتخليك حتي لو مش طايقها ما تقدرش تبعد عنها ... كان كل الكلام عنها بالشكل دا ... خصوصا انها قدرت لوحدها توقف شركات ابوها علي رجلها مرة تانية وترجعلها سمعتها في السوق ويمكن دا خلي كتير من منافسيها علي قد ما كانوا بيخافوا منها علي قد ما كانوا بيحترموها ومعجبين اوي بيها ...

شيفاي : اوك معاك ...

ارناف : يوم ما سيبتني معاها مش عارف ليه ومن غير ما تقول اي كلمة والا تبصلي حتي كنت هموت واكلمها حتي لو ما ردتش عليا والا ما عبرتنيش من اساسه بس كنت لازم اعمل كدا ... وفعلا كلمتها ... كنت بتكلم وهي بتسمع وبس ... ما كانش باين عليها اي حاجة افهم منها اذا كانت قابلة كلامي والا لا ... المهم فضلت اتكلم لحد ما فجاءة بصتلي ساعتها ما اقولكش علي اللي حصلي ...

شيفاي : ايه يعني ... اتشليت والا موت ... ما انت زي القرد عادي اهو ...

ارناف : قرد ... صحيح طول عمرك لسانك متبري منك ... نفسي افهم الست اللي اتجوزتك دي ازاي مخدوعة فيك لحد دلوقت ...

شيفاي : بقولك ايه ما تهربش وكمل حكايتك انت ومالكش دعوة بيا انا ومراتي ...

ارناف : اوك ... المهم اول ما بصتلي حسيت زي ما يكون جردل ماية متلجة اتدلق عليا وما بقاتش لا حاسس ولا شايف قدامي غيرها ... ولاول مرة عرفت اني بحب بجد مش هزار ...

شيفاي : معاك بس ما تنكرش انك لما طلبت تتجوزها كنت عارف وفاهم التجربة اللي مرت بيها وكنت عارف ان الموضوع بينكم مش هيكون بالسهولة اللي انت متصورها ...

ارناف : وانا ما بنكرش اني اخترت اخوض المعركة دي بنفسي واخترت انها تكون معايا وانا عارف انها لسي بتعاني من اللي حصلها ... ومش هنكر اني كنت حاطط نسبة رفضها ليا اكتر من انها تقبل بيا ... بس لما وافقت قولت يمكن حست بيا في الكام مرة اللي قابلنا بعض فيهم ويمكن يكون في حاجة جوها من ناحيتي ...