حنين ✅✅✅✅

الحلقة الثانية

كان مع حصانه يحاول ان يخرجه من تلك الحالة الحزينة التي يشاركه فيها ولكن كيف وهو نفسه لا يقوي علي اخراج حزنه والم الفراق من داخله ...

ليفيق علي صوتها ...

بافيا : شيفاي ... انت هنا ...

التفت اليها ... وما ان رائها حتي احس بفرحة تسري بداخله وان كانت تشوبها لمحة الحزن التي تسكن داخله ...

شيفاي : بافيا ... انتي بتعملي ايه هنا ...

بافيا : جاية انفذ الوصية ...

شيفاي : وصية ... وصية ايه ...

بافيا : وصية انيكا ...

شيفاي : ايههههههههه ... هي انيكا حصلها حاجة ... اتكلمي ابوس ايدك انا مش مستحمل ...

بافيا : ايه مالك اتخضيت كدا ليه ... اهدي كدا ... انيكا كويسة وبخير الحمد لله ...

ليتنفس بقوة ...

شيفاي : الحمد لله ... حرام عليكي كدا تخضيني عليها مش كفاية العذاب اللي انا عايش فيه ...

بافيا : ولحد امتي هتفضل في الحالة دي ...

شيفاي : لحد ما ربنا يحلها من عنده ...

استغربت مما تسمعه منه ... ليلوح لها ذلك السؤال الذي لم تقوي علي طرحه من قبل ...

بافيا : شيفاي انا صحيح عارفة حكايتك انت وانيكا من زمان بس ولا مرة اتجراءت اسالها لانك عارف هي قد ايه كتومة بس انا بقي عايزة اسئلك واعرف منك اجابة لسؤال محيرني من سنة ونص ...

شيفاي : سؤال ... سؤال ايه ...

بافيا : انت وانيكا اللي بينكم كان حب وبس والا ...

شيفاي : والا ايه ...

بافيا : ما هو انا مش عبيطة ولا انت هتقدر تضحك عليا ولا تخليني اصدق ان واحد زيك في مركزك دا غير انك لسي شاب وفي عز شبابك وممكن تلاقي الف مين تتمناك قابل علي نفسك انك تعيش منكسر وحزين بالشكل دا عشان خاطر حبيبتك اللي سابتك وسافرت ... اي حد تاني في مكانك كان زمانه نسي وعاش حياته ...

شيفاي : اولا هي ما سافرتش بمزاجها ... هي سافرت بعد ما اخوها وصلها للقرار دا ... وبالنسبة لسؤالك ... اديكي سألتي وجاوبتي عليه بنفسك ... اي حد تاني غيري كان ممكن انما انا لا ... انا وانيكا بينا عهد ... وانا عاهدتها هكون ليها لاخر لحظة في عمري وانا لا يمكن ارجع في عهدي ابدا

بافيا : بس دا جنون ...

شيفاي : جنون اني اكون وافي لاطهر قلب عرفته في حياتي ... جنون اني احافظ علي اطهر حب حسيته من قبل حتي ما نصارح بعض بيه ... لو دا جنون انا قابل اكون مجنون واعيش بينكم وانا مجنون ...

بافيا : شيفاي انا اسفة بس تقدر تقولي اخر الحكاية دي ايه ...

شيفاي : اخرها عندها هي ...