حنين ✅✅✅✅

الحلقة الثانية والستون

ما ان راوئه امامهما ... نظرا اليه مستغربين هدوئه وابتسامته التي تعلو وجهه ...

نظرت اليه واقتربت منه ...

بريانكا : شيفاي ... انا عايزة اعرف حاجة واحدة بس ...

شيفاي : عارف ...

بريانكا : عارف ان داكش هنا في بيتك ...

شيفاي : ايوة ... داكش هنا في بيتي وهو فوق مع مراتي اللي هي اخته دلوقتي ...

بريانكا : ايههههههههه ... ازاي ... ازاي تسمحله يدخل بيتك وازاي تسيبه مع مراتك لوحدهم وهو راجل غريب عنها ...

شيفاي : اولا داكش اتربي مع انيكا يعني هم اخوات بحكم التربية ... ثانيا انا وهو خلاص اتفاهمنا علي كل حاجة ووصلنا لحل لكل مشاكلنا معاه وخلاص الماضي اللي بينا انتهي ...

بريانكا : الماضي انتهي ... وايه ...

شيفاي : هههههه ... هو ايه اللي ايه ...

بريانكا : ايه مش هتعمله حاجة ... هتسيبه يعدي بكل اللي عمله فيا وفيك وفي انيكا كدا بمنتهي سهولة من غير عقاب ...

شيفاي : لازم ...

ارناف : هو ايه اللي لازم ... انت بجد هتجنني ...

شيفاي : ممكن تهدوء بس وانا هفهمكم ...

اوم : ايوة يا ريت تفهمنا بدل ما احنا عاملين زي الاطرش في الزفة ...

شيفاي : اوك ... تعالوا معايا وانا هفهمكم كل اللي انتوا عايزين تفهموه ...

لياخذهم جميعا ويتجه الي غرفة المكتب ...

كانت لاتزال نائمة وهو جالس امامها ينتظرها ان تصحو من نومها وفي باله يحاول ان يستجمع ما يمكنه ان يقوله اليها لتغفر له ما حدث منه في حقها ...

ارخي جسده علي الكرسي الذي كان يجلس عليه وارجع راسه الي الخلف ونظر الي الاعلي ليجد شريط ذكرياته معها يمر من امام عيناه ... ليكتشف بان ليس هناك بينهما اي لحظة طيبة يمكن ان تكون داعما له لديها حتي تغفر له ما فعله معها ...

انزل عيناه لينظر اليها ...

داكش : " معقول غبائي وحقدي عاموني اني اعمل معاها حاجة واحدة كويسة ... كل تاريخي معاها اسود مفيهوش ولا نقطة بيضاء ليا معاها ... طب هتسامحني علي ايه والا ليه ... ياههههههه دفعتها تمن قساوة وكره حسيتهم من صغري ... قساوة ما عرفتش سببها وكره حاربت الدنيا عشان اغيره واتاريني بغبائي كنت بزوده ... واديني في قاعدة واحدة عرفت السر وراء كل اللي كان بيحصلي زمان ... "

وقف واتجه اليها ... جلس بجوارها ومسح علي راسها بيده بخفة وقرب راسه ليضعها بجوار راسها علي المخدة وهمس لها ...

داكش : " يا ريتني اقدر اعيد الزمن من تاني وارجع انا وانتي صغيرين يمكن ساعتها اقدر امحي كل اللي عملته فيكي وكل العذاب اللي عذبتهولك عشان لما اطلب منك تغفريلي غلطي في حقك تغفريلي وانا ليا رصيد كويس عندك لكن دلوقتي ماليش وش اطالبك بحاجة ولا اني اتجراء واقولك سامحيني ... لكن طول عمرك طيبة وانا عارف ومتأكد من دا بس كفاياني انانية ... انا مش ... "