حنين ✅✅✅✅

الحلقة الرابعة

كانت تجلس مع انيكا في شرفة الشقة منذ ان رجعتا من ذلك المشوار الذي انتهي باحلي لحظات عاشتها ما ان سمعت صوته...

كانت مع نفسها تسترجع صوته وكلماته كما لو كانت تحارب نفسها بالا تنسي شئ منها حتي تاتي تلك اللحظة التي تراه فيها ...

اما غوري والتي كانت تريد ان تعرف ما حدث عندما تلاقت الاصوات بعد غياب طال اربعة اشهر ... ولكنها ومنذ ان دخلت معها من ذلك الباب وهي تجلس بجوارها تشاهدها وهي تعيش بعالمها دون الاحساس بوجودها معها ...

غوري " بعلو صوتها " : لا مش معقولة كدا ... بقالي ساعتين قاعدة القاعدة اللي مالهاش اخر دي وانتي ولا انتي هنا ... ايه يا ست انتي ... ايه عبريني شوية مش معقولة قلة القيمة دي...

لتفيق علي صراخها عليها ...

انيكا : ايه يا مجنونة انتي ... بتصرخي كدا ليه ... ايه فاكرة نفسك لسي في بيتكم تصرخي والموضوع يعدي عادي كدا ...

غوري : لا والله ... علي رائ المثل سكت دهر ولما اتكلم قولنا يا ريته كان فضل ساكت احسن ...

انيكا : هههههههههههههه ...

غوري : ايوة ايوة ... ما هو دا اللي باخده منك ... يا تضحكي عليا يا تزعقيلي ... انما تعبري اهلي وانا قاعدة معاكي زي خيال الظل كدا ... ابدا

انيكا : يا مفتريه ... بقي انا مش معبراكي ...

غوري : ايوة ... والا تحبي افكرك ...

انيكا : تفكريني ... ليه بقي ... كنت عملتلك ايه وناسية ...

غوري : ناسية ... دا اللي انتي عملاه فيا لسي ما بردش ...

انيكا : اللي هو ايه ...

غوري : يعني ترميلي كلمة لا مش كلمة دا اسم الاستاذ شيفاي اللي اتقالي واحنا في الشارع وقولتي هتكملي اول ما نوصل البيت وادينا بقالنا ساعتين قاعدين في وش بعض وانتي في مكان تاني خالص ولا عبرتيني ولا حاجة ...

انيكا : ههههههههههههههه ... طب براحة علي نفسك شوية لحسن يجرالك حاجة وانا هنا لوحدي ...

غوري : يا سلام ... خايفة عليا اوي ... طب ما تريحيني وتقوليلي اللي حصل في التليفون ...

انيكا : اقولك ايه بس ...

غوري : كل كلمة ... كل همسة ... كل ...

انيكا " مقاطعتا " : ايهههههههههه ... حالك ... انتي هتقلبيها غنا والا ايه

غوري : كدا ... بتتريقي حضرتك ... ماشي انا الغلطانة ... ويلا انا قايمة انام

انيكا : بدري كدا ...

غوري : النوم احسن من القاعدة معاكي ...

انيكا : تبقي زعلانة بقي ...

غوري : زعلانة ومش هكلمك تاني ...

انيكا : كدابة ... انا عارفاكي ...