حنين ✅✅✅✅

الحلقة الخامسة والعشرون

نظرتا كلا منهما لتجدا راسه تتوسط راسهما وان كانت تميل اكثر ناحية زوجته ليكون بكل ثقله يستند علي كتفها هي ...

شيفاي : اظن عيب اوي توقفوا تتكلموا وتوشوشوا بعضكم كدا وانا واقف معاك ...

نظرتا الي بعضهما وكلا منهما تكتم ضحكة بداخلها ...

ابعدت عيناها ما ان احست بعيناه تخترقهما بقوة وبعد ان احست بانفاسه الدافئة علي وجهها وهو يحدثهما لقربه الشديد منها ... اما غوري فقد قطعت الصمت ...

غوري : هو انت معاك حق بس تعمل ايه كلام ستات مالكش انت فيه ...

شيفاي : ماليش فيه ... اوك ... المهم ناوين تعملوا ايه النهاردة ...

غوري : لسي مفيش حاجة معينة ... " وانتبهت لانيكا وحركة يدها اليها " ... دا بالنسبة لي ... انما بالنسبة لانيكا بقي فهي مراتك وهي قدامك اسالها ...

انزلت يده من علي كتفها واتجهت لتبتعد عنها ...

التفت اليها بسرعة ...

شيفاي : غوري ...

انتبهت اليه ...

غوري : ايوة ...

شيفاي : ممكن تستني شوية ... عايزك في موضوع كدا ...

انيكا " هامستا " : عايزها في ايه ...

شيفاي : هقولك بس اخلص معاها الاول ... ممكن تسيبيني لوحدنا ...

انيكا : اوك ...

واتجهت الي المطبخ ...

اوقفتها ...

غوري : تعالي هنا رايحة فين وسيباني معاه لوحدي ...

انيكا : ايه مالك خايفة كدا ليه ...

غوري : لا مش حكاية خايفة بس انا يعني مش متعودة اتكلم معاه من غيرك ...

انيكا : بس هو عايز يتكلم معاكي لوحدك وهو طلب مني ان اسيبك معاه لوحدكم وانتي عارفة انا مابعرفش ارفضله طلب ...

غوري : معلش ارفضيه المرة دي عشان خاطري ...

انيكا : لا ما اقدرش ...

غوري : عشان خاطري ...

انيكا : خاطرك علي عيني بس هو مش عايزني اكون معاكم وهو بيكلم ... وعلي العموم ما تخافيش هو من النوع الاليف مش هياكلك يعني ...

غوري : ايهههههههههه ... ياكلني ... لا ما تخافيش انتي انا اكل بلد مش جوزك اللي يخوفني للدرجة ...

انيكا : ههههههههههه ... ايوة كدا خليكي جامدة لحسن لو نخيتي انا مش مسئولة عن اللي هيحصلك بصراحة ...

غوري : طب امشي بدل ما خليه يتفرج عليكي وانا بضربك بجد... امشي امشي يا بايخة ...

انيكا : انا عن نفسي همشي بس يا رب ما لقكيش جاية تجري ورايا عشان ارجع اكون معاكي وهو بيكلمك ...