حنين ✅✅✅✅

الحلقة السابعة

كان قد وصل الي المكان الذي يريد ...

ما ان نزل من سيارته ورفع راسه الي اعلي حتي وجدهم بانتظاره وهم يلوحون له فارحين برؤيته ... بادلهم التحية واشار لهم بان يستقبلوه بالداخل ... لينطلقوا الي الباب وليصعد هو تلك الدرجات حتي يصل الي الباب الرئيسي ...

وقف واخذ نفسا عميق وضرب الجرس ... ليفتح له الباب ... ليدخل ويصعد الدرجات حتي يصل الي الباب الذي يريد وقبل ان يدقه هو وجده يفتح لينطلق منه هولاء الصغار اليه ...

نزل اليهم وضمهم الي صدره ... وهو يقبلهم من جميع انحاء وجوههم ...

شيفاي : وحشتوني ...

ارجون : انت اكتر ...

باري : انا لا ...

شيفاي : يا مجرمة ... بقي انا ما وحشتكيش ...

باري : اههههه ...

شيفاي : ليه ...

باري : عشان انا ...

شيفاي : ها ...

باري : انا كنت عالفة انك جاي ...

نظر اليها وهو يضحك ... وقبلها من خدها ...

شيفاي : كنتي عالفة ...

باري : هزت راسها بالموافقة ...

شيفاي : ازاي ...

ياري : امبالح وانا نايمة شوفتك بتنادي عليا وتضحكلي ...

شيفاي : ايه دا بجد ... كنت بناديلك وبضحكلك ...

ارجون : لا ... مش كدا ...

شيفاي : ايه ... قصدك ايه بقي يا كابتن ارجون ...

ارجون : هي قالتلي انها شافتك وهي نايمة ولما شاورت لك قومت انت ضحكت وناديتلها بس ...

شيفاي : ايوة ...

ارجون : ناديتلها عشان ... عشان تجيلك بس هي بقي بدل ما تروحلك مشيت بعيد عنك ...

نظر اليها وامسك بها وقربها منه ...

شيفاي : وليه ما جيتليش ...

باري : عشان انت كنت بعيد اوي ومش عالفة الوحلك ازاي ...

شيفاي : طب كنتي قوليلي اجيلك انا ...

باري : ما انا صحيت بقي ...

شيفاي : خلاص المرة الجاية لما تشوفيني في الحلم وما عرفتيش تروحيلي ابقي قوليلي عشان اجيلك انا ...

باري : ماشي ...

ليضمها الي صدره وهو يضحك بقوة ... ليرتمي اخيها عليه هو ايضا ليضمهما معا اليه ...

ارناف : كنت عارف اني هلقيك معاهم ...

رفع وجهه ونظر اليه ...

شيفاي : ارنو ... تصدق كنت قربت اصدق انك مش هتسال فيا وتيجي عشان ترحمني من ولادك دول ...