حنين ✅✅✅✅

الحلقة الخامسة والخمسون

مر الاسبوع الاخير لهما لينقضي شهر عسلهما سريعا بعد ان كانت قد حلمت بانها ستكون حياة هادئة مستقرة هنا بعيدا عن المشاكل والصراعات التي لا تنتهي الا انها امام اصراره علي الرجوع مرة اخري لمصر لم تستطع ان تثنيه عنما يريد لتردخ لقراره داعيتا ان تمر ايامهما الاولي بعد العودة علي خير ...

ها هي تجلس الي جواره في الطائرة عائدتا الي بلدها ومسقط راسها ... عائدتا الي ذكريات طفولتها التي لا تمحي ... عائدتا الي الشاهد الوحيد علي قصة حبها بمراحل تطورها المختلفة ... كانت تجلس بجوار النافذة لتطل منها للحظات وللحظات اخري كانت تجول بعيناها علي من معها في رحلة العودة ... فها هي غوري تعود معها كما سافرت معها من قبل ولكنها هذه المرة عائدتا وهي زوجة وحبيبة ... نعم فقد عقد قرانها علي اديتيا في لحظات جعلت الابتسامة ترتسم علي شفتيها وهي تنظر اليهما ليلوحا بايديهما اليها ... لتذهب بنظرها الي تلك الزاوية من الطائرة الخاصة التي تحملهم عائدين الي ارض الوطن لتجدهما متلازمين متشابكي الايدي وطفلهما يلعبان امامهما والضحكات تعلو وجوههم ... ابتسمت وتمنت بقلبها ان تظل سعادتها هذه والاحبة جميعا من حولها كما هم الان حتي نهاية العمر ...

انيكا " في بالها " : ربنا يخليكم لبعض ... الظاهر ربنا بيحبني وماما كانت دعواتها ليا مستجابة عشان خلاني احب واتجوز واحد زي شيفاي وادخل عيلته وبيبقي عندي العيلة اللي كل واحد فيها بيحب التاني زي ما بيحب نفسه بالضبط ... " لتضع يدها علي بطنها " ... يا رب يكون ابني والا بنتي زي ابوه وعمته وجوز عمته وكلهم يحبوه وهو يحبهم وما يفكرش في نفسه وبس ... يا رب...

فاقت من نوبة سرحانها علي قبله دافئه تطبع علي يدها ...

التفتت لتجده ينظر اليها مبتسما ابتسامته التي تعشق ...

شيفاي : ممكن افهم الجميل سرحان في ايه ...

وهي تتبطأ ذراعه واضعتا راسها علي كتفه ...

انيكا : فيك ...

شيفاي : ياهههههههه ... معقولة انا اللي شغالك كل الوقت دا من ساعة ما الطيارة طلعت ...

انيكا : وهو انا عندي مين غيرك عشان يشغلي قلبي وعقلي ويشغلني كلي علي بعضي كدا ...

كاد ان يطير وهو بجوارها ... احاطها بذراعه وضمها اليه بقوة وهو يقبل جبينها ...

شيفاي : يعني انتي مش لاقية غير الوقت دا تقوليلي فيه الكلام دا ... يعني مش عارفة ايه اللي بيحصلي بس اسمع منك كلمة واحدة تقومي خبطاني بكل الكلام دا مرة واحدة كدا ...

رفعت وجهها ...

انيكا : لا اعقل كدا وبلاش جنان خالص ... ايه ناسي اننا في طيارة ومعانا ناس يعني احنا مش لوحدينا ...

كان قد قرب منها ليقبل رقبتها بخفة ...

شيفاي : ما انا عارف بس اعمل ايه في نفسي ... يعني انا لوحدي ومن غير اي كلمة منك ما بعرفش امسك نفسي تقومي تولعيني زيادة ... طب اعمل ايه انا دلوقتي ...