حنين ✅✅✅✅

الحلقة الثانية عشر

ابتعدت عنه ونظرت اليه وهي تكاد تجن ... فكيف له ان يعرف انيكا دون ان يكون لا يعرف اخيها

كانت تنظر اليه نظرات تحمل له اتهاما صريح ليفهم ...

ارناف : اتكلمي بلاش تبصيلي كدا وانتي ساكتة ...

بريانكا : اتكلم ... لا انت اللي المفروض تتكلم وتوضح معني كلامك اللي قولته من شوية ...

ارناف : كلامي واضح ... بس ...

بريانكا : ايوة بس ايه بقي ... تقدر تفسري ازاي كنت تعرف انيكا قبل كدا

ارناف : هقولك ...

بريانكا : وانا هسمعك ...

جلست وجلس مقابل لها ...

تنهد بقوة ونظر اليها ...

ارناف : الحكاية اللي هتسمعيها دي حصلت من اربع سنين ... كنتي انتي لسي مرات داكش وانيكا كانت لسي في البلد اللي بتدرس فيها 

نظرت اليه بمعني الاختصار ...

ارناف : اوك هختصر بس كان لازم تعرفي انا عرفت انيكا امتي وايه الظروف اللي عرفتها فيها ... المهم ... انا كنت بحضر الماسترز بتاعي في نفس الجامعة اللي انيكا كانت بتدرس فيها ... كانت مواعيدنا مختلفة وعمري ما قابلتها ولا حتي صدفة بس كنت بسمع عنها كتير خصوصا من مجموعة البنات اللي كانوا بيحضروا معانا الماسترز وكانوا للصدفة من بعض البلدان العربية وكانوا للصدفة كمان ساكنين معاها في نفس العمارة اللي هي ساكنة فيها ... مش هكدب عليكي كتير اتمنيت اني اتعرف علي الشخصية اللي بسمع عنها واشوفها ولو لمرة واحدة بس ...

بريانكا : وهو ايه اللي كانوا بيقولوه عليها خلاك هتموت وتشوفها والا تتعرف عليها ...

ارناف : بصي انا لو قولتلك انهم كانوا بيتكلموا عنها زي ما تكون ملاك مش انسان هكون بظلمها ... بس كانوا كتير بيشكروا في جدعنتها معاهم وازاي بتوقف جنبهم وقت الشدة ومن غير ما يطلبوا منها دا ... واوقات ما يكونوا فعلا في ضيقة ومش عارفين يتصرفوا بيلاقوها معاهم ... رجلها قبل رجلهم وتفكيرها قبل تفكيرهم وكانوا هيتجننوا من قدرتها الغريبة والسريعة علي حل اصعب المشاكل واكتر من مرة اتاكدوا فعلا ان ليها وجه نظر سليمة وعرفوا قدرتها علي اجبار الكل انهم يحترموها ... كانوا بيتكلموا عن راجل بس في صورة بنت ... حسيت اني قدام عقل فريد من نوعه ... ولازم اتعرف عليها باي شكل ...

بريانكا : واتعرفت عليها ...

ارناف : ايوة ... فضلت اتابع كلامهم من بعيد لبعيد لحد ما مرة سمعتهم وهم بيتكلموا علي مواعيد حضورها للجامعة ... فقررت اني اشوفها من غير ما تشوفني ... وفعلا استعديت وروحت الجامعة في يوم قبل ميعادي عشان الحقها ... بس المشكلة اللي ما كنتش عامل حسابها هي ...

بريانكا : ايه ... مش عارف شكلها مثلا ...

ارناف : لا ... المشكلة اللي معملتش حسابها هي اخوكي ...