حنين ✅✅✅✅

الحلقة الثلاثون

نظرا اليه مستغربين ما يقوله ...

شيفاي : ايه الكلام الكبير دا ... حريف ايه وقاهر ايه ... انا شيفاي وبس ... الانسان العادي واللي بيحب يعيش حياته زي ما بيحب وعلي مزاجه ... شيفاي اللي شاف بنات اشكال والوان ويوم ما قلبه قرر يحب اختار احلي واطهر قلب ممكن يلاقي معاه الامان اللي بيدور عليه وافتكر انه خلاص بقي عمله نادرة ومش موجود بس طلع موجود ومستنيه ... شيفاي اللي ...

لتكمل هي ...

انيكا : شيفاي اللي عمره ما فكر في الماضي ولا بص وراه ... شيفاي اللي علمني الحياة وازاي لازم تتعاش ... شيفاي اللي معاه حسيت ان الامان والظهر والسند رجعولي تاني ومابقاتش اخاف اني اغمض عينيا لاني عارفة ان فيه اللي بيحرسني وبيسهر عشان راحتي وما بيسمحش للحظة عذاب تعدي وتقولي سلام ...

نظر اليهما وهو يستمع لكلماتهما والتي يكملها كلا للاخر ... ليتاكد بانه امام قصة خيالية لم تعد موجودة في الواقع وانما تعيش في عالم الاساطير والحكايات ...

أديتيا : انا ... انا بجد مش عارف اقولكم ايه ... انا لو مش عارف ومتاكد اني صاحي مش نايم وانكم قاعدين قصادي دلوقتي وسمعت الكلام دا منكم انتوا مش اتقالي من حد تاني كنت زماني ما صدقتش ان في وقتنا دا ممكن يكون فيه حب لدرجة العشق لا لدرجة ان روحين يندمجوا ويكونوا روح واحدة عارفة كل اللي بيحس بيه كل واحد منكم وبتلبي له احتياجاته زي ما انا حاسس معاكم كنت قولت اني بحلم والا بخرف والا بيتهيئلي ... بس الظاهر ان زمن المعجزات ما خلصش زي ما كنت فاكر ... وانه زي ما كان فيه زمان عنتر وعبلة ... قيس وليلة ... روميو وجوليت... بقي في قصة جديدة انضمت للقصص دي ... شيفاي وانيكا ... بجد مش لاقي كلام يقولكم اللي جوايا بس ربنا يهنيكم ويسعدكم واحسن انكم اتجوزتوا وما سمحتوش لداكش بامراضه وعقده انه يحطمكم...

نظرا اليه وابتسما ...

انيكا : المهم قولنا بقي ... ايه اللي جابك لندن ... " لتتذكر " ... اوعي يكون داكش معاك ...

أديتيا : هههههههههههه ...

ضحك بقوة ...

انيكا : ايه بتضحك علي ايه ...

أديتيا : عليكي ... سوري يا شيفاي بس مراتك بجد ساعات يعني دمها بيبقي خفيف ...

شيفاي : لا عادي ... ما دام عرفت الحقيقة والنقط انحطت علي الحروف ... خلاص مابقاش فيه منك خوف ...

أديتيا : انا من الاول وانا مفيش مني خوف ...

شيفاي : هههههههه ... ازاي ... دي مش فاهمها ...

أديتيا : هقولك ... اللي انت ما تعرفهوش ولا حتي انيكا تعرفه اني طول عمري ببصلها كاخت صغيرة ليا ... عمري ما اتخيلتها غير كدا ...

نظرا كلاهما لبعض مستغربين ...

أديتيا : ومالكم مستغربين كدا ليه ...