حنين ✅✅✅✅

الحلقة الرابعة عشر

كانت تتابع ما يحدث امامها وهي تضحك علي هذا الثنائي الفريد من نوعه

غوري : والله انتوا مجانين ... يا رب اوعدنا بقي ... وابقي مجنونة انا راضية

لترفع راسها قليلا لتنظر اليه ...

انيكا : استلم ...

شيفاي : وايه الجديد ... عادي متعودين والا نسيتي ...

انيكا : ايوة بس انت فضحتنا بجد ...

شيفاي : لا ما تخافيش مش كل حاجة بتتقال برضو ... جوزك واعي مش اي كلام يعني ...

انيكا : طب يلا لحسن حاسة لو فضلت في حضنك اكتر من كدا هنام زي العيلة الصغيرة ...

شيفاي : يا ريت تنامي في حضني علي طول وما تبعديش عنه...

انيكا : ايوة وتمشي بيا زي الحيل اللي بيطلع للناس بس هم بيطلعلهم في ظهرهم انت بقي هيطلعلك في صدرك مش كدا...

شيفاي : يا ستي انا قابل ولعلمك بقي هيبقي احلي حيل وهيبقي علي قلبي زي العسل ...

انيكا : طب يلا قوم بقي والا مش ناوي تروح لبريانكا ...

شيفاي : لا لازم انتي عارفة هي مشيت وهي مش عارفة حاجة غير اللي شافته قصادها وبس ...

انيكا : طب يلا عشان ما نتاخرش ...

شيفاي : انتي لسي مصممة تروحي معايا عندها ...

انيكا : انا قبليك بس اديني العنوان عشان ما اتوهش ...

ابتسم من تعليقها ... وقبلها من جبينها ...

شيفاي : الموقف مش هيبقي حلو عشانك وانا ...

وضعت يدها علي فمه ...

انيكا : ممكن تسكت انا عارفة اللي ممكن يحصل وعارفة ازاي هقدر اواجهها ... لا تقلق عليا ...

شيفاي : يا سلام لما تقلبي لغة عربية فصحة ...

انيكا : البركة فيك ... لولاك كان زماني ما بتكلمش ولا كلمة عربي اصلا ...

شيفاي : طب قومي لحسن غوري فاضلها شوية وتيجي تقعد في النص ما بينا ...

انيكا : مجنونة وتعملها ...

وابتعدت عنه ونظرت الي غوري التي ارتسم علي وجهها علامات الاستغراب من تجاهلهم المستمر لها ...

انيكا : غوغو ...

غوري : بلا غوغو بلا فنوغي انتي كمان ... ايه دا ما دام مش عايزين حد معاكم عزمتني معاكم ليه ما كنتوا سيبتوني في البيت وبعتولي فطاري دليفيري ...

شيفاي : احنا اسفين يا افندم ونوعدك اننا مش هنكررها تاني ...

غوري : لا ما توعدنيش ...

انيكا : ليه بس يا بنتي ...

غوري : عشان انتوا مش هتوفوا بوعدكم لانكم اصلا ما بتستحملوش تبعدوا عن بعض يبقي هتوعدوني بالمستحيل ليه... يلا تعالوا وصلوني وروحوا مشواركم ... ويا ريت يعني لو اتغدوا برا ودا احسن يعني تبقوا تجيبولي اكلي معاكم دليفيري... اوك ... " ونظرت اليهم " ... اوك ...