حنين ✅✅✅✅

الحلقة التاسعة والاربعون

كان الاجتماع الاخر لازال علي وضعه فمنذ ان دخلا ثلاثتهم الي تلك الغرفة واغلقوا الباب عليهم وهم يجلسون يحدقون لبعضهم البعض دون ان يتجراء احدا منهم علي الكلام ...

ظل ينظر اليهما ليقرر ان يكسر هذا الصمت المجبر عليه ...

ارناف : ممكن بقي حد يتكلم بدل القاعدة اللي مش شايفلها لازمة دي ...

نظرا اليه مستغربين ...

ارناف : ايه مالكم مستغربين كدا ليه ... بقالنا نص ساعة قاعدين ومفيش غير الصمت هو اللي مخيم علينا ... يا الاستاذ اديتيا ينطق ويقول اللي عنده يا نخرج من الاوضة دي وكل واحد يشوف حاله ...

نظرا الي بعضهما ...

شيفاي : ارناف معاه حق ... اديتيا انت من ساعة ما قولتلي انك عارف بموضوع القضية وازاي داكش عرف ياخد حكم فيها وانا مستنيك تتكلم ... واحنا من ساعة ما دخلنا هنا وانت ساكت وما قولتش حاجة ... وبصراحة انا ابتديت اقلق ...

نظر اليه واحس بانه قد تسرع عندما اعترف بما يعرفه مسبقا ... ارخي عيناه ناظرا للارض عاقدا اصابع يده بعضهما البعض ...

اديتيا " في باله " : انا ايه بس اللي خلاني اتسرع واقول اللي قولته دا ... ما كنتش قادر امسك نفسي شوية ... كدا كل حاجة هتتلغبط واللي انا جاي عشانه مش هعرف اوصله ... "رفع بصره ونظر الي شيفاي وارناف الذان كان ينظران اليه منتظرين كلمته"... مش هيسيبوني الا لما يعرفوا ويفهموا كل حاجة ... خلاص بقي انا هقول كل اللي عندي وربنا يستر ...

شيفاي : اديتيا ... انت معانا والا فين ...

انتبه اليه ...

اديتيا : معاك ...

ارناف : طب ايه ... ما تتكلم وتقول اللي مقعدنا هنا عشان نسمعه ...

اديتيا : هتكلم ... بس الاول ... " ونظر لشيفاي " ... عايزك تسامحني ...

فهمه غلط ...

ارناف : اسامحك ...

اديتيا : مش انت ...

شيفاي : انا ... عايزني انا اسامحك ...

اديتيا : ايوة ...

نظر الي ارناف الذي نظر اليه بدوره وعلامات الاستغراب والتعجب تكسو وجههيهما ...

شيفاي : اديتيا اتكلم وقول اللي عندك قبل ما دماغي والافكار اللي فيها توديني لمكان غير اللي انت تقصده ...

ابتلع ريقه بصعوبة وتنهد بقوة كما لو كان يلقي بحملا ثقيل خارج صدره ... رفع عيناه وجال بهما بين شيفاي وارناف ... ليعيدهما الي شيفاي ...

اديتيا : شيفاي قبل اي حاجة لازم تعرف ان سفري وحضوري للندن ما كانش صدفة ولا هو شغل زي ما قولتلك قبل كدا ...