حنين ✅✅✅✅

الحلقة السابعة عشر

أرناف : عارفة لو رجع بيا الزمن تاني لوراء وقابلتك وعرفت حكايتك برضو هتجوزك ولو انتي غيرتي رائيك ورفضتي برضو هتجوزك ولو غصب عنك ...

بريانكا : ياهههههه يا ارناف ... بقالك كتير اوي ما اتكلمتش معايا كدا ولا حسستني اني مهمة في حياتك كدا ...

ارناف : كنت هعمل ايه يعني وانتي كل ما احاول انطق مش المس كنتي بتكهربيني بكلامك ونظراتك لدرجة افتكرت اني خلاص بقيت عامل زي خيل الحكومة اول ما تكبر يضربوها بالنار عشان يخلصوا منها ...

بريانكا : انا كنت بوصلك لكدا ...

ارناف : طبعا ولو مش مصدقة ...

بريانكا : ايهههههههه ... اوعي تكون عملت زي المجانين اللي هنا وبيسجلوا لمراتتهم ...

ارناف : والله فكرت ...

بريانكا : ايهههههههههه ...

ارناف : بس كنت برجع في قراري عشان عارف انك لو شميتي خبر انا هروح في خبر كان علي طول ...

بريانكا : ليه يعني هو انا شريرة اوي كدا ...

ارناف : انتي فعلا شريرة وقدرتي تعلقيني بيكي بشكل مخليني مش شايف ولا عايز اشوف غيرك انتي وبس ...

واقترب منها ليقبلها ... وضعت يدها بين شفاه وشفتاها ...

ارناف : ايه تاني ... رجعتي في كلامك والا ايه ...

بريانكا : لا بس خلي كل حاجة لوقتها ...

ارناف : وليه مش دلوقت ... دي حلاوتها في حموتها ...

بريانكا " بدلع " : لما نبقي لوحدينا ... ايه انت ناسي اخويا ومراته برا ...

ارناف : عارف اننا مش لوحدنا وعارف ان الاستاذ اخوكي والست مراته برا ... بس اراهنك انهم دلوقتي عدونا بمراحل ...

بريانكا " وهي تنظر اليه بقوة " : ارناف ايه اللي انت بتقوله دا ...

ارناف : ايه مش مصدقاني ... طب تعالي معايا ...

بريانكا : اجي فين ... استني بس ...

كانت تمشي معه دون ان يلتفت الي كلماتها ...

وصلا الي ذلك الباب الذي يفصلهما عنهما ...

اطل براسه بسرعة ونظر اليها مرة اخري ...

ارناف : شوفي بنفسك ...

بريانكا : اشوف ايه انت كمان ... لا طبعا ...

وابعدته واغلقت الباب ووقفت ساندا ظهرها عليه ...

ارناف : ايه خايفة تبصي لتعرفي انك مش فاهمة اخوكي زي ما انتي فاكرة

بريانكا : لا انا فاهمة اخويا كويس اوي بس مش لدرجة اني اتفرج عليه وهو مع مراته ... عيب كدا ...