حنين ✅✅✅✅

الحلقة الحادية و الثلاثون

كان يستغرب ما يسمعه منه فهو يعلم انه سبب الألم لداكش ولكنه لم يجرحه عن قصد لهدف غير ان يرد اعتبار اخته وعائلته التي حاول ان يتلاعب بها ...

كان يتابع نظرته واستغرابه وفهم حيرته ...

أديتيا : شوف انت يمكن ما تعرفش القصة غير من نصها لكن انا بقي عارفها ومن اول ما القلم كتب اول حرف فيها علي اول سطر... ها مستعد تسمع ...

شيفاي : .................................

انيكا : اكيد ...

أديتيا : اسمعوا ...

اظن انا وضحتلكم قبل كدا ان داكش انسان طموح وطموحه يخوف اي حد يعرفه او يقرب منه ... ما بيتنازلش بسهولة عن اللي عايزه الا لو حد جبره علي كدا ... بيتنازل وهو مجبور ومن جواه بيفكر ويدبر ازاي يرجع اللي اتنازل عنه دا مهما كان التمن...

داكش من اول ما فكر انه يدخل عالم البيزنس وهو كان حاطط هدف واحد لازم يوصله وهو انه يكون الولد اللي يكوش علي كل حاجة ليه لوحده وما حدش يفكر يعمل حاجة والا انه يكسب قرش الا بامره هو ...

انيكا : بس دا حرام ... يعني المفروض يعيش ويخلي غيره يعيش ...

أديتيا : الكلام دا عندي وعندك وعند شيفاي ... عند كل انسان عنده ضمير وبيتعامل مع غيره علي اساسه لكن داكش ضميره مات من يوم ما اتولد ... عاش عمره كله معدوم الضمير والانسانية يبقي ازاي تطالبيه يتعامل بحاجة مش موجودة عنده... فاقد الشئ لا يعطيه يا أنوش ...

احست بان دلعه لها امام زوجها سوف يقيم حربا بينهما الا انها استغربت هدوئه وصمته وعدم مشاركته في الحديث معهما ...

امالت عليه وهمست ...

انيكا : شيفاي ... مالك ... سرحان في ايه ...

شيفاي : هااااااااا ... لا ولا حاجة ...

انيكا : لا في حاجة وما تضحكش عليا ... ايه ضايقك كلام أديتيا والا خايف من اللي هيقوله ...

شيفاي : كلام أديتيا مش جديد عليا ... واللي هيقوله يمكن اكون مش محتاج اعرفه ...

انيكا : هااااااااااااااا ... ليه ...

شيفاي : لاني ببساطة عارفه ...

انيكا : ايه ... عارفه ازاي ...

رفع وجهه ونظر الي أديتيا ... وبداء يحكي ...

شيفاي : هكملك انا ... داكش اول ما نزل السوق كان فاكر انه هيقدر يعمل كل اللي في نفسه من غير ما حد يوقفله بس اللي ما كانش يعرفه ان اللعبة ليها كبير ... وكبير الكل بيحترمه ويقدره قبل ما يكونوا بيخافوا منه ... كبير عرف ازاي يجمع الكل حواليه وعرف ازاي يكسب تقدرهم واحترامهم ... عمر ما حد بصله علي انه بعبع السوق ولا انه الغول ... لا كان اخ كبير للكل ... كان بيشتغل ويسيب غيره يشتغل وكان حاطط قوانين الكل كان محترمها وملتزم بيها ... بس داكش بقي ومن اول عمليه ليه ضرب في ناس كان فاكر اللعب معاه سهل ويعدي من غير خساير ...