حنين ✅✅✅✅

الحلقة الثامنة والاربعون

كانت تجلس مسترخيه علي سريرها الا ان افكارها وعقلها في مكان اخر ... كانت تشعر بان هناك الكثير من المفاجاءات بانتظارها ولكنها كانت تعلم جيدا انها سيبعدها عنما يمكن ان يؤذيها خاصتا بعد الذي حدث معها من مكالمة واحدة عرفت فيها اهم خبر واعنف خبر ايضا ...

انيكا " في بالها " : هيخاف عليا ومش هيقولي حاجة ... انا عارفة انه مش هيستحمل يجرالي حاجة خصوصا بعد الرعب اللي عاشه عليا ... حرام يعني اترعب مني مرتين ... هو معاه حق بس انا كمان لازم اعرف ... لازم افهم داكش بيك مخبيلي ايه وناويلي علي ايه 

لاحظت شرودها واجزمت بما لا يدع مجالا للشك انها معها جسديا لكن روحها وعقلها قد ذهبت معه ...

اقتربت منها وبصوتا حنون ...

بريانكا : انيكا ... ها روحتي فين ...

التفتت اليها ... وتصنعت الابتسامة ...

انيكا : هكون فين يعني ... معاكي اهو ...

بريانكا : لا مش معايا وما تحاوليش تكدبي عليا ... باين انك مش هنا خالص ... انتي جسمك هنا لكن  " واشارت الي عقلها وقلبها " دول بقي مش هنا وخرجوا مع اللي خرج من نص ساعة ...

انيكا : قلقانة مش هنكر وخايفة وحاسة اننا هندخل دوامة مش عارفة هنخرج منها امتي وازاي ...

بريانكا : كل دا عشان داكش ...

انيكا : وهو اللي عمله شوية ... يعني هو عارف ان انا وشيفاي بنحب بعض صحيح ما يعرفش موضوع الجواز بس اديكي شوفتي عمل ايه وهو لسي ما يعرفش اومال لو عرف هيعمل ايه ...

بريانكا : ولا حاجة ...

نظرت اليها مستغربتا ردها وهي اكثر من يعمل ما يمكن ان يصل اليه داكش لينتقم منهما ...

انيكا : بريانكا ... انتي بتتكلمي جد والا بتهزري ...

بريانكا : انا عارفة انك مستغربة كلامي بس انا فعلا بتكلم بجد ...

انيكا : جد ... بتتكلمي جد ...

بريانكا : ايوة ... ايه مالك مستغربة كدا ليه ...

انيكا : يعني لما انتي تقولي الكلام دا وانتي اكتر واحدة عارفة اللي ممكن داكش يعمله ...

بريانكا : ايوة معاكي ... انا عارفة داكش ممكن يعمل ايه بس برضو انا عارفة اخويا وعارفة هو يقدر علي ايه ويعرف ازاي يوقف داكش عند حده ...

نظرت اليها بتمعن وتكاد علامات التعجب تخرج من وجهها اليها حاملتا اليها سؤالا كم تمنت ان تعرف اجابته ...

ابتسمت ...

بريانكا : اسالي وما تخافيش ...

انيكا : انا اسفة بس انا بجد نفسي اعرف ايه اللي عمله شيفاي عشان يبعدك عن داكش ...