حنين ✅✅✅✅

الحلقة الثالثة و الثلاثون

كانت قد وصلت الي الشقة وما دخلت حتي بدائت بسرعة تبحث عنها حتي تجهزها كما اتفقت مع شيفاي ...

انيكا : غوري ... غوررررررري انتي فين ...

كانت في المطبخ لم تنتهي من اخفاء معالم الجريمة التي فعلتها... بدائت في الارتباك واخذت تلملم الاشياء المتبقية بسرعة ...

غوري : ايه دا ... ايه اللي جابهم دلوقتي بس ... مش كانوا يتاخروا شوية ... يا ربي اعمل اي انا دلوقتي دي لو شافت الاكل المحروق دا هتفرح فيا فرحة عمرها ... طبعا ما هي حذرتني وانا اللي اتحدتها ...

لتتذكر ما حدث بينهما قبل ان يتركاها ويخرجا ...

انيكا : يا بنتي تعالي معانا ... شيفاي هيفسحنا ...

غوري : يا ستي اخرجي انتي واتفسحي وانا هستناكم هنا ...

انيكا : ليه العند بس ... دا انا وانتي من يوم ما جينا هنا واحنا من البيت للسوبر ماركت والعكس وبس ما خرجناش خالص ويوم ما تجيلنا خروجة نشم فيها نفسنا تقومي تقولي لا ... وبعدين انتي هتقعدي هنا لوحدك تعملي ايه ...

غوري : اعمل اللي اعمله بقي ... سيبيني براحتي وما تخافيش انا هعرف اصرف نفسي ما تقلقيش عليا خالص ...

انيكا : هتصرفي نفسك ازاي بس ... انتي هتضحكي عليا ما انا عارفة اللي فيها ... يلا بقي وبلاش غلاسة قومي البسي خلينا نخرج من الاربع حيطان دول ... ايه ما زهقتيش منهم ... يلا بقي شيفاي مستني ...

غوري : انوش بصي روحي لجوزك واخرجي معاه واتفسحوا وسيبيني انا مش عايزة اخرج ... ممكن تسيبيني براحتي وما تتضغطيش عليا ...

انيكا : ما هو انا مش هخرج من باب الاوضة دي الا لما افهم ... ايه مكسوفة تخرجي معانا عشان شيفاي يعني والا ...

غوري : مكسوفة من شيفاي ... انيكا بجد انتي عبيطة ... شيفاي جوزك دا عمري ما بصتله غير انه اخويا الكبير ومش معقولة يعني هتكسف من اخويا

بنفاذ صبر ...

انيكا : طب ايه بس ... فهميني ...

غوري : انيكا انا هسالك سؤال واحد ويا ريت تجاوبيني بصراحة...

استغرب سؤالها فهي تعلم اجابته ولا تحتاج ان تسمعها منها ...

انيكا : واحنا من امتي كان بينا حاجة غير الصراحة ...

غوري : اوك ... احنا صحاب بقالنا قد ايه ...

انيكا : كتير ... ليه ...

غوري : اصبري عليا ... يعني انتي حفظاني وعرفاني زي ما انا كمان حفظاكي وعارفاكي كويس ... صح ...

انيكا : صح ... غوري ايه لازمة كل دا ...

غوري : لانك عايزة تحسسيني اني معدوم اللون الاحمر وان اللي بيجري في عروقي دا ماية مش دم ...