حنين ✅✅✅✅

الحلقة الثالثة

كانت لاتزال تمسك بالسماعة علي الرغم من اغلاقها للخط بيدها الا انها كانت تحتضن السماعة في صدرها بقوة لتجد نفسها تعود بالذكري الي تلك المرة التي بكت فيها امامه وضمها اليه ...

كانت لاول مرة في حياتها تخوض تجربة المناقصات من خلال احدي المناقصات التي كلفها شقيقها بالاهتمام بها وانهائها كما يجب ...

لم تعرف لمن تلجأ بعدما ظهرت نتيجة التصفيات لتعرف بان المناقصة قد ذهبت الي شخص اخر غير شقيقها ...

اتصلت عليه واصرت علي مقابلته ... ليتقابلا في حضور مارد كما اعتادا ...

شيفاي : أنيي حبيبي مالك ... ايه اللي حصل ... تليفونك وصوتك قلقوني

انيكا : شيفاي انا اسفة اني قلقتك بالشكل دا ... بس ما كنتش عارفة اروح لمين واتكلم مع مين ...

شيفاي : يا سلام ... وتتاسفي ليه ... دا انا ما بصدق اشوفك ... وكنت كل مرة افكرلك في حجة عشان توافقي ونتقابل ... يبقي لما انتي تطلبيها تعتذري ...

انيكا : انا عارفة انك وراك شغل كتير ومش معقولة يعني هتسيب شغلك و ...

وضع يده علي فمها ليسكتها ... نظرت اليه والي يده علي فمها ليبعد يده بسرعة وتمالك نفسه وتكلم كما لو يحدث شئ ...

شيفاي : وايه بس ... بقولك انا بتلكك اصلا ... وبعدين انا كلي تحت امرك ... وقت ما تلاقي نفسك مضايقة ومش مطايقة اللي حواليكي والا نفسك تضربي حد والا تعضي حد انا تحت امرك يا قمر انتي ...

لتضربه علي كتفه ...

انيكا : بجد مش عارفة انت بتعمل فيا ايه ... بتقدر في ثواني تشقلب حالي ...

شيفاي : الحمد لله ... طلع ليا فايدة ... المهم بقي الجميل كان زعلان ليه

انيكا : لو عرفت السبب انتي اللي هتضحك عليا ...

شيفاي : لا ما تخافيش مش هضحك ... يلا قولي ...

انيكا : انت عارف ان لاول مرة داكش يطلب مني امسك مناقصة واخلصها

شيفاي : ايوة صح انتي قولتيلي علي الموضوع دا ...

انيكا : المهم انا عملت كل حاجة ... درست المشروع كويس جدا وشوفت المواد والتكلفة وعملت الحسبة يعني وقدمت العرض ... والنهاردة ظهرت النتيجة ...

شيفاي : ايوة ... ايه اللي حصل ...

انيكا" بصوت مثل الاطفال" : خسرت المناقصة ...

شيفاي : وايه يعني ... يا شيخة خضتيني فكرت حاجة تانية ...

انيكا : يا سلام وهو فيه حاجة افظع من دي ...

شيفاي : ليه بقي انا شايف الموضوع عادي ، ايه يعني خسرتي مرة ... المرة الجاية تكسبي ...

انيكا : يا ريت داكش يتقبل الموضوع بهدوء زيك كدا ...

شيفاي : ليه يعني ... هيعمل ايه ... مناقصة زيها زي غيرها ...