حنين ✅✅✅✅

الحلقة العشرون

كان منغاظا منهما ومن ضحكهما المستمر دون مراعاة له ولما يحدث معه

ارناف : بذمتك انت صاحب انت ...

شيفاي : ايه بقي انت مش قادر عليها هتتلفتلي انا ...

ارناف : طبعا لما تكون صاحبي واقرب واحد ليا وشايفني في الحوسة دي ونازلي انت ومراتك حب في بعض ... طب استنوا لما تروحوا بيتكم مش لازم يعني قصادنا ... ايه يعني بتغظني والا تكون ناوي تكمل عليا وتحرق دمي ... مش كفاية الست اختك عليا ...

بريانكا : انا نفسي افهم انت شايل ومعبي مني ليه ...

وقفا واتجها اليهما ...

لتمسك انيكا ببريانكا وتبتعد بها عنهم ... وياخد هو ارناف علي جنب ...

شيفاي : ايه يا مغلبني معاك ... ايه مش عارف تمسك لسانك دا شوية ... نازل تشريح في بريانكا كدا عيني عينك ... طب احترم وجدي علي الاقل ...

ارناف : بذمتك ليك عين احترم وجودك وانت سايبها تفترسني بالشكل دا ونازلي حب وغرام انت والست مراتك ...

شيفاي : الله اكبر في عينيك ... ايه مالك نازل حسد فيا ليه ... وبعدين انت ومراتك احرار في بعض انا مالي ...

ارناف : انت مش اخوها ...

شيفاي : و انت جوزها ... بقولك ايه اطلع من دماغي ويلا أعقل كدا وصالح مراتك خليني اخد مراتي ونمشي ... احنا من الصبح هنا 

ارناف : اصالحها ... انا ما غلطتش فيها ...

شيفاي : قصدك ايه يعني ... عايزها هي اللي تصالحك ... لا اسمحلي كبيرة ...

ارناف : هي ايه اللي كبيرة ... ايه يعني عيب الست تصالح جوزها ...

شيفاي : دا لو كانت غلطت ... بس مش عشان اختي لا هي فعلا ما غلطتش فيك ... وانت اللي غلطت بكلامك وتلمحاتك عليها ...

ارناف : وهو انا يعني لما اهزر والا اغلس عليها شوية يبقي دا غلط ...

شيفاي : لا مش غلط ... بس تبقي عارف ومحدد هتلاعبها ازاي مش تدخل كدا وش من غير ما تعرف امتي تضرب وامتي تلاقي...

ارناف " ضاربا جبهته بيده " : اخخخخخخخخخ ... كبستني وفعلا معاك حق ... انا ضربت من غير ما اعرف ازاي الاقي ...

شيفاي : طب يا غشيم افندي ... اتفضل قدامي ومن غير ما تطول لسانك والا تفتح بوقك بكلمة ... اعتذرلها وطيب خاطرها يلا اتلحلح شوية ...

ارناف : طيب ... " وفي سره " ... ربنا يستر ...

كانت انيكا في تلك الاثناء تحاول ان تهدئ بريانكا والتي كانت لاتفهم تصرف زوجها وكلامه معها بتلك الطريقة ...

انيكا : واخرتها يعني ...

بريانكا : يعني ما انتش شايفة اللي بيعمله والا اللي قاله ...