حنين ✅✅✅✅

الحلقة الثامنة عشر

كانت قد خرجت الي حيث انيكا تكون ... وقفت تنظر اليها من بعيد في صمت وهي تحدث نفسها

بريانكا : والله معاه حق يحبك ويتحدي كل الدنيا عشانك ... اذا كنت انا اللي فكرتك ... ههههههه ... فعلا ليكي سحر خاص بيكي بتقدري علي الصعب وتخليه طوع امرك ... وفعلا كان لازم افتكر كلامي اللي بعتهولك وما عرفتش ردك عليه الا النهاردة ... عرفت انك فتحتي قلبك ونسيتي خوفك ورميتي الماضي وراء ظهرك وعرفتي تعيشي وتعيشي اللي معاك بجد ... وانا مش اقل منك ولازم انسي عشان اعيش واخلي كل اللي حواليا يعيشوا بدل ما انا حبساهم في ماضي رافضة اخرجه من حياتي بس بعد اللي حصل بيني وبينك هخرجه ولو بالقوة ومش هسمحله يلعب بيا تاني كفاية اللي راح من حياتي ...

كانت انيكا قد لمحت تلك الصور الموضوعة علي الدفاية لطفلين صغار ...

قامت واتجهت اليهما واخذت تنظر الي هذين الطفلين بحب لا يخفي علي من يراه ...

انيكا : ياهههههه لو يبقي عندي ولد وبنت زي القمرين دول ... ياههههههههه بجد هكون حققت كل اللي بتمناه ... الاول اتمنيت ان جوازي يكون عن حب وحصل ... بس الحمد لله ... ربنا ما خزلنيش ونولني منايا وكل اللي حلمت بيه لقيته في شيفاي ... بس المرة دي غير ... نفسي يكون بينا ولد والا بنت مش هعترض بس تكمل فرحتي وسعادتي بيه ...

كانت قد اقتربت منها دون ان تشعر بها ...

بريانكا : حلوين مش كدا ...

انتبهت اليها ...

انيكا : ولادك ...

بريانكا : ايوة ... دا ارجون عنده خمس سنين دلوقت ... ودي بيقي حبيبة قلبي ... باري ... لسي مكملة التلات سنين من شهرين...

انيكا : بجد ... كل سنة وهي طيبة ...

بريانكا : وانتي طيبة ...

انيكا : وفعلا حلوين ... ربنا يخليهوملك وتفرحي بيهم ...

بريانكا : ان شاء الله بس الاول افرح بابن والا بنت اخويا الاول والا انتي ليكي رائ تاني ...

ابتسمت بخجل ...

انيكا : ربنا كريم ...

بريانكا : اكيد ... وانا شايفة قد ايه انتي وشيفاي بتحبوا بعض ...

نظرت اليها بقوة ... اعتقدت بانها رائتهما وهما يقبلان بعضهما منذ لحظات

انيكا : وانتي عرفتي منين ...

بريانكا : ههههههه ... طب وانتي مالك كدا مخضوضة ليه ...

انيكا : لا مخضوضة ولا حاجة بس مستغربة كلامك ...

بريانكا : لا ما تستغربيش اوي ... انا بفهم اللي قدامي من اقل حركة يعملها ايش حالك باخويا ابن امي وابويا ... دا بقي انا حفظاه وعرفاه زي ما انا عارفة نفسي ويمكن اشك في نفسي وما اشكش فيه ...