حنين ✅✅✅✅

الحلقة الثانية والاربعون

ظلت عيناها عليها وعقلها يكاد ان يقف من هول الصدمة منما سمعت منها

علي الرغم من توقعها لما يمكن ان يكون قد فعله الا انها لم تتوقع ان يصل به حقده وجحوده الي هذا الحد ...

بريانكا : معقول ... عايز يحجر عليكي ... اخته ...

انيكا : ههه " بسخرية " ... وايه الفرق ما هو عملها معاكي زمان وانتي كنتي مراته ...

بريانكا : لا اسمحيلي الفرق كبير يعني انا كنت مراته وكان ممكن تكون اي واحدة غيري يعني الزوجة بتتغير بس انتي اخته من لحمه ودمه ومهما حصل بينكم لا انتي هتعرفي تغيريه ولا هو هيعرف يغيرك ...

انيكا : لا ما تخافيش ... " كانت تستعدل جلستها وهي تساعدها " ... اي حاجة مع داكش تنفع يعني لو حب يغير ابوه وامه يعملها ...

بريانكا : بصراحة في دي معاكي حق ... المهم هتعملي ايه في القضية ...

انيكا : هو انا لسي هعمل ... ما خلاص ...

بريانكا : يعني ايه ...

انيكا : البيه استغل هروبي وعرف ازاي ياخد حكم لصالحه ...

ضربت كفا بكف ...

بريانكا : كمان ... يعني خلاص كدا اتحكمله ...

انيكا : دا اللي فهمته من كلام شيفاي ...

انتبهت واستعارت كلمتها الاخيرة كل خلية من عقلها ...

بريانكا : شيفاي ... هو عرف ...

انيكا : التليفون كان جايله هو وانا كنت في الحمام بس اول ما سمعت اسم داكش خرجت زي المجنونة ووقفت وراه اسمع اللي هيقوله ...

بريانكا : وبعدين عملتي ايه ...

انيكا : سمعت وفهمت وحسيت بالاوضة بتلف بيا وبقيت بردانة وعايزة اللي يدفيني ... جريت عليه وطلبت منه يحضني ... افتكرني بدلع والا بغلس عليه بس لما حضني عادي قولتله لا جامد وكان كل ما يقوي ايديه حواليا اقوله لا اقوي لحد ما حسيت بدراعته وعضلاته بتكسرني ... بس كنت ساعتها فعلا دخلت في حالة اللاوعي واغمي عليا فعلا وهو كان فاكر اني نمت في حضنه ...

لتضحك وهي تشير اليها بيدها ...

بريانكا : انتي ... اخخخخخخخخخ منك ... بقي كدا تخضيه الخضة دي عليكي ...

انيكا : انا خوفت ...

وهي تتصنع الغباء ...

بريانكا : من ايه ...

انيكا : خوفت عليه بجد ...

ضربت كفا بكف وهي تهز راسها متعجبا ...

بريانكا : انتي يا مجنونة فعلا يا اما بتمثلي علينا الجنان وناوية علي جناني وجنان الراجل اللي بيتمنالك الرضا ...

انيكا : انا ...

بريانكا : ايوة انتي ...

انيكا : ليه بقي ...