For The Love of Eos

Chapter 49: Babies

Kinda short one, babawi ako next! muahx!

xxEOSxx

SA HAPAG kinabukasan ay nakasimangot ang dalagang si Andrea. Maaga pa lang ay nagising na siya dahil sa ilang bangungot na humahabol sa kaniya. Ang daming masasamang pangyayari na patuloy na nagbabalik sa kaniyang gunita at patuloy siyang pinahihirapan. Napailing siya sabay tungga sa di niya alintanang may kainitang kape sa kaniyang harapan.

"Mam, bakit po ang lungkot niyo?" Tanong ni Bebang.

"Wala, may iniisp lang ako." Maiksing tugon niya.

"Ah nariyan na ho pala si sir Eos." Anang kasambahay habang sinasalinan nito ng fresh lemon juice ang mga baso sa mesa. "Dumating ho kaninang madaling araw."

Sukat sa narinig ay nag-angat ng mukha si Andrea. Dumating na pala ang bayaw niya?! "Nasaan ho sila?" Hindi maitago ang excitement niya.

"Naku nasa kuwarto pa. Mukhang miss na miss ang isat-isa!" Kinikilig pa si Bebang. "Hay ang sweet talaga ni sir Eos! Tatahi-tahimik pero sweet talaga! Biruin mong umuwi pa talaga siya ng dis oras ng gabi para lamang makita si mam Usha!"

"Hmp.! Wala na akong ganang kumain!" Padabog na tumayo siya sa upuan. "At ikaw mahadera ka! Napaka-tsismosa mo!" At saka niya tinalikuran ang napatangang si Bebang.

SI BEBANG naman ay napailing na lang habang tanaw ang papalayong si Andrea. "Sinasabi ko na nga ba at may crush ang hitad na ito sa asawa ng ate niya!"

"Hoy!" Si Manang na may dalang tray ng mga prutas. Kanina pa pala ito nakikinig sa kusina. "Intriga ka na naman!"

"Naku Manang! Ipupusta ko ang buong sahod ko ng isang buwan ay walang gagawing matino ang Andrea na iyan dito! Alam niyo ho bang nahuli ko iyan sa laundry room na inaamoy-amoy ang mga pinaghubarang damit ni sir Eos! At higit pa don ay napapansin kong iniirapan niya si mam Usha kapag hindi ito nakatingin sa kaniya! Ku maldita ang babaeng iyan!" Iiling-iling pa ito.

"Hay naku, maging ako ay mabigat ang dugo sa batang iyan... Pero wala tayong magagawa dahil kapatid siya ni mam Usha."

"Kapatid nga ba talaga?!" Nakataas ang kilay na gagad ni Bebang.

"Bebang!" Pinanlisikan ni Manang ng mga mata ang babae. "Tumigil ka na diyan ha! Wag tayong manghimasok sa buhay ng mga amo natin, wala tayong alam!"

"Sabi niyo eh." Inis na bumalik na lang sa kusina si Bebang.

SI ANDREA naman ay paroot-parito sa malawak na hardin ng bahay nina Usha. Maya-maya lang ay kinuha nito ang cellphone at nag-dial.

"Hello Kendo!"

"Sabi ko na nga ba't hindi mo din ako matitiis eh!" Maangas na wika ng lalaki sa kabilang linya. "Nami-miss na kitang mayakap at mahalikan! Aba parang masisira na ang ulo ko nang sabihin mong ayaw mo na sa akin!"