For The Love of Eos

Chapter 64: Evil Plans

x E O S x

"JERUSHA!!!" Namimilog ang mga mata ni Eos habang nakatingin sa kaniya.

"Ah... E-Eos..."

"Shit!" Mura nito na sinundan pa ng maraming mura dahil sa pagkataranta.

Ang huli niyang natandaan ay ang pag-angat ng kaniyang katawan at ang mga bisig ng kaniyang asawa.

"Hold on! Hold on please!" Nagpa-panic ang boses ni Eos.

--

NAALIMPUNGATAN siya sa mga haplos sa kaniyang pisngi. Malamig ang paligid at tila hinang-hina ang kaniyang pakiramdam.

"E-Eos..." Sa pagmulat ng mga mata niya ay ang lalaki agad ang nakita niya.

Ngumiti ang maputlang mukha nito, tila pagod na pagod at walang tulog. "You're okay now..." Anito habang hinahalikan ang kamay niya. Nanlalalim ang mga mata nito at gulo ang buhok.

"N-nasaan ako?" Tanong niya. Inilibot niya ang paningin sa puting silid.

"Sa Hospital... 10 hours ka ng tulog..." Hinalikan siya nito sa noo. "I'm sorry Usha... I'm sorry..."

Nagtataka siya. Ano bang nangyari?

Biglang bumukas ang pinto ng hospital room na iyon at saka pumasok ang isang lalaking naka-puting Hospital gown.

Lumapit ito at saka siya nginitian. "Gising na pala ang pasyente. Congratulations Misis. Nagda-dalang tao ho kayo... 6 weeks. Napa-swerte niyo at isa ring himala na malakas talaga ang kapit ng bata..." Anito.

"B-Buntis ako?" Nanlaki ang mga mata niya. Totoo?! Bumaling siya kay Eos.

Tumango ito bilang pagkonpirma. "Yes, at nauunawaan ko na kung pinaglilihian mo man ako." Muli nitong pinupog ng halik ang isang kamay niya. "You made me a happy man." Nangingislap ang kulang sa tulog na mga mata nito.

"Ah..." Napatango na rin siya. Kaya pala...

"May masakit ba sa'yo ha?" Si Eos, alalang-alala ito dahil sa pananahimik niya.

"B-Buntis ako..." Hindi pa rin siya makapaniwala. "Magkaka-anak na tayo..." Napuno ng kaligayahan ang puso niya.

Masayang pinisil ni Eos ang kamay niya. "Yeah... you're having our babies."

"Babies?" Nagtaka ang Doktor.

Pero hindi ito pinansin ni Eos, sa kaniya lang ito nakatingin. "Seth and Samael."

"Ha?" Ano daw?

Nagsalita ulit si Eos. "Seth at Samael ang gusto kong ipangalan natin sa kanila." Excited na wika nito.