LᴏVᴇ DᴇVᴏTɪOɴ ❤️(Completed)

LD-P48|အတ္တစွက်တဲ့အချစ်ဟာ အဆုံးသတ်မလှ[Edited Version]

#Unicode

အခန်း(၄၈)| အတ္တစွက်တဲ့အချစ်ဟာ အဆုံးသတ်မလှ

သူ့ဘဝမှာ အမှားလေးတစ်ခုပဲရှိခဲ့တာပါ၊ လူတစ်ယောက်ကို ချစ်မိသွားတဲ့အမှား၊ ဒီအချစ်မှာကျရှုံးမိတဲ့သူက အဆုံးသတ်မှာတော့ ဒီလိုနေရာမျိုးမှာတဲ့လား။

***
                        

တင်းကြပ်နေသောခံစားမှု...။ ခန္ဓာကိုယ်တစ်ခုလုံး လှုပ်လို့မရအောင် စည်းနှောင်ခံထားရသလိုမျိုး။ ရုန်းကြည့်သည် မရ...၊ လက်တွေက ကျောနောက်ဘက်မှာ ကပ်နေပြီး ပူးကပ်နေ၏။
မျက်ခွံများထက်၌လည်း ဖွင့်လို့မရအောင် တစ်ခုခုက တင်းတင်းကြပ်ကြပ် နေရာယူထားလို့။ မျက်ခွံများအောက်မှာရှိနေတာက အမှောင်ထုပင်...။

ဒီအေးစက်မှုကြီးက ဘာလဲ...? ငါ ဘယ်ကိုရောက်နေတာလဲ..? ဘယ်လိုလုပ် ဒီကို ဒီကို...

နဂိုကတည်းက အမှောင်ကြောက်သူမို့ ဒီအနေအထားကြီးက သူ့အတွက် ကြက်သီးမွှေးညှင်းများထစေတယ်။ တစ်ချက်တစ်ချက် ဝေ့တိုက်လာတဲ့ လေကလည်း အေးစက်ကာပင်။

အကူအညီ ရလိုရငြား အော်ပြီး အကူအညီတောင်းရန်ပြင်သော်လည်း ဖွင့်လို့မရအောင် တင်းစေ့နေတဲ့ နှုတ်ခမ်းသားများကြောင့် ထွက်လာသည်က ဗလုံးဗထွေးနှင့်။

“အု အွန်း အွန်း အွန်း”

ဒီကိုဘယ်လိုရောက်လာသလဲ ပြန်စဉ်းစားမိသည်။ သေချာတာတစ်ခုက သတိမမေ့ခင် စိမ်းရွှင်ရွှင်အနံ့တစ်ခုရလိုက်ပြီး ကိုယ့်ကို လူတစ်ယောက်ကကြည့်ကာ မသတီစရာ‌ ကောင်းအောင် ပြုံးနေသည်ကို မြင်ဖြစ်အောင်မြင်လိုက်သည်။ အဲ့နောက်ပိုင်း ဘာမှမသိတော့...

ပွဲမစခင် တစ်နာရီအလို၊ 5:01pm

ကိုယ့်အလှည့်က အစီစဉ်နောက်ဆုံးမှဖြစ်သော်ငြားကကွက်များကို ထပ်တလဲလဲ အဖန်တရာလေ့ကျင့်လို့နေတယ်။

ဆယ့်ငါးမိနစ်လောက်နေတော့ Designer အမက လာခေါ်တာကြောင့် Dressing Roomဆီ သွားဖို့အပြင်...

“အစ်ကို.. အစ်ကို.. လူတစ်ယောက်က အစ်ကို့ကို တွေ့ချင်လို့တဲ့... အစ်ကို့ ချစ်သူဆိုပဲ”