الحلقة الثانية
منذر :: ممكن نحكي معاكي وتسمعيني
نا:: صكرت المصحف
منذر:: لعند امتا بتقعدي ع الحال هضا كذا قوليلي راضيه علي وضعك هكي لكي سنة مانطقتي بحرف تحرقي ف قلب امك عليكي وترقد ودمعتها ع خدها مش تقولي هضا همي بروحي ومحد لاه دخل لا بالعكس الحوش كله زعلان عشانك ومن وقت الي صار ماشفنش ضحكة ف الحوش ولا فرحنا يعني انتي ضعيفه للدرجة هذي عشان تستسلمي للي صار وتنعزلي ع العالم هضا قضاء ربي راه ومهما درتي مش حتقدري تغيري فيه شي الموت حق وكلنا لهاا تذكري زمان بعد توفت هبة الله يرحمها شن صاار فيا سيبت شغلي وقعدت ف داري بروحي وندخن وخلاص من الي طلعني من الحالة الي انا فيهاا غيرك انتي قلتيلي لو الدنيا توقف را وقفت بعد توفى باتي الله يرحمه انتي الي قلتيلي نصيبك اتعرف علي هبة وتحبها وتخطبها بس مش نصيبك تجوزها ونصيبها تموت بسبب قلبها انتي الي قلتيلي ربي مستحيل يحمل الانسان فوق طاقته وان ربي مبلاكش بالشي هضا الا لانك تقدر تستحمله هذي الدنيا والمكتوب بيصير يعني الواحد تسيرله مصيبه حياته توقف خلاص هكي كأنك تعارضي ف حكمة الله عز وجل
نا:: نسمع ف كلامه ودموعي ينزلن حاراااات ونحس ف قلبي بيطلع معاهن
منذر:: انا الوحيد من بين هلي كلهم الي مبيتش نحكي معاكي لاني حسيت باللي حسيتيه بس القصة زادت عن حدها وانتي هكي بتقتلي روحك وهضا الشي حرام ابكي صرخي عيطي بس ردي مارسي حياتك ردي لشغلك لصاحباتك لهلك لامك لوو كان باتي عايش كان قالك اضحكي يامهيوة نبي نشوف غمازاتك كان قالك شينه بعد تبكي وتزعلي عارفه شنو الي خلاني نجيكي توا ونحكيلك بالذات استلقيت شويه وانا ف المستشفى وخداني النوم شفت باتي ف الحلم جايني ويقولي زعلان من مهاا انا قوللها باتك زعلان
نا:: بمجرد ماسمعت سيرة بابا انهرت بالبكاء وحضنت منذر وقعدت نبكي لعند جسمي كله يهز
منذر:: رافع راسه فوق مايبيش دموعه ينزلن( كان ديما مايبيش يحكي علي هبة عشان مايبكيش بس توا حكا عليها ) ابكي طلعي كل الي ف خاطرك بس ردي مهاا اختي الي الضحكة متفارقش وجها ردي زي ماانتي وهذي الدنياا فيهاا الزين وفيها الشين ومتندريش ع الي جاي
نا:: قعدت نبكي ف حضنه وساكته قريب ربع ساعه وبعدها. مسحت دموعي وصبيت
منذر:: ياريت ماتزعليش باتي
نا:: خذيت المصحف وخشيت للدار وحطيت راسي ع المخدة وقعدت نبكي واذكرت كل الي صار معايا وكل شي مر قدام عيوني بالتفاصيل
:( قبل حوالي سنة و8 شهور :(
مريم:: تي ريحي روحك كنك تزني
نا:: مشعارف بس حسيت ايهم تأخر
مريم:: تي شن تأخر حرام عليكي توا كيف كلمتيه ولا خلاص معش تبينا توا
نا:: خزي يابارده
مريم:: اهاا هضا هوا لقيتي حبيبك معش تبينا توا
نا:: حبيبي لياا شهرين عايشه معاه تحت سقف واحد وانتو عشت معاكم 22 سنة
مريم:: هههههه وتحسب فيهن اخرا
نا:: طبعاً مالا شنو نحبه شن اندير رايفت عليه تصدقي
مريم:: راعي مشاعري باهي نمص ف الليم قاعده
نا:: اين ليم ياعسل وانتي من واحد لواحد اس متخلينيش نفضح بيك
مريم:: هههه كلهم تكسيدة نبي واحد هكي يحبني صاح كيف ايهم
نا:: ايهم ف منه طرف واحد بس وخذيته انا
مريم:: خاطري نعرف كيف قدرتي تصبري 6 سنين وانتي معاه
نا:: عادي اصلاً سنتين عشتهن بخوف ونخاف حد يزرق علياا و4 اللاخرات قدامهم كلهم
مريم:: هههههههه شاطرة اختي دبساته فيها من تانيه ثانوي
نا:: هههه تصدقي لعند توا نقول واو كيف حبيته ونا كنت منطيقش وجه
مريم:: ههههه نعلياا من الكذب تي انتي احتمال يجو يشوفو دمك يلقوه ايهم
نا:: نجيه لياا ياربي بس مش تقول تأخر صاح
مريم:: جربي رني عليه
نا:: ميحبش نرن عليه وهوا يسوق
مريم:: عادي قوليلا تأخرت
نا:: اووك ومسكت الفون وقعدت نرن عليه
طووط طووط طووط طووط طووط
مريم:: مردش
نا:: لالا طوو
الشاب:: الو السلام عليكم
نا:: باستغراب وعليكم السلام مش هضا موبايل ايهم
الشاب:: صاحب الموبايل دار حادث يااختي وتوا الاسعاف شايله للجلاء
نا:: من اول ماقال حادث جيت طايحه علي طولي ومعش حسيت بشي
مريم:: مهااا كنك حي علياا ياااماماااا الحقيني يامااااماااا
ماما:: جت تجري كنكم شن في وشافتني طايحه خبطت يدها علي صدرها حي علياا كنها اختك
مريم:: مشعارف مشعارف كانت تحكي بالفون وطاحت
ماما:: مسكتني وقعدت تخبط علي وجي وتحاول تنوضني مهاا ياماماا ردي علياا مهااا
مريم:: قعدت تبكي حي عليااا كنهاا
ماما:: امشي جيبي عطرر وكلمي معااذ بسررعة
مريم:: طلعت تجري جابت عطر وكلمت معاها معاذ الي كاين راقد ف داره وخشو هما الاثنين يجروا
معاذ:: كنكم شن صار
ماما:: مشعارف بروحها بروحها طاحت
مريم:: قعدت تشمم فياا ف العطر وماما تنوض فياا
نا:: بديت نصحصح بالشويه بالشويه وبمجرد مافتحت عيوني قعدت نبكي ونعيط نبببي اييييهم شيلوووني لااااه
ماما:: كنك بسم الله شن في
نا:: نبكي بشكل هستيري وماسكة ف يدين ماما ايييهم يامااامااا ايييهم بيااخذوه مني شيلوني لاه شيلوووني
مريم:: مهاا الله يربحك قوليلي شن في
معاذ:: مهاا ردي علياا من الي بياخذ ايهم ردي
نا:: نبكي ونحكي ايييهم داار حاادث وبيسيبني داار حادث وقاعد ف الجلاء شيلووني نبي نمشيلا
معاذ:: انصدم باهي صبي هياا بسرعه
ماما:: حي علياا ومشت تجري لبست عبايتها
مريم:: حطت اشرب علي راسها. وطلعت معانا
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
