الحـلقـة الثانية والخمسون
وطلعنا وركبنا ف السيارة ومشينا وخطم انس علي صاحبه وحط عنده حاجات مريم ومشينا وانس يسوق ويهدرز وينابش ف يزن وماري وفجأة
نا:: انسسسسسس افططططن
انس:: نشوف كنك تعيطي
نا:: قعدت نبكي قريب خشت فينا السيارة
انس:: عليش تبكي تواا السيارة بعيده كانت
نا:: سكتت وقعدت نمسح ف دموعي بس هناا مازالن ينزلن
انس:: درس ع اليمين والتفت علياا ومسكني من يدي حبيبي عاد بلا بكاء
نا:: نحكي بصوت مخنوق خفت نخبطوا اخراا
انس:: مازالت مأثرة فيكي الفجعة الاولى انتي سامحيني وخداني ف حضنه
يزن:: حط يدي علي كتفي من لاوره ماماا تنت
انس:: مكنها شي حبيبي خافت شويه بس
نا:: خفت ع العيال وخفت عليك انت وبحتت فيه وجت عيني ف عينه حياتي متسوش شي بلاك
انس:: حبيبي ربي يقدرني ونوفيكي حقك
نا:: ابتسمت
انس:: مسحلي دموعي خلاص عاد مافيش داعي للبكاء ومعش تخافي
نا:: حاضر
انس:: وين نمشو تواا
نا:: نمشو لاطفالنا قبل نشوف للعيال
انس:: ولع السيارة ومشا شن حاطه ف بالك انتي
نا:: يزن نبيله بدلة رسمية
انس:: كيف هواا العريس مالا
نا:: ههههه اهاا احلا عريس
ومشينا للمحل وقعدت نشوفلهم ف دبش وخذيت ليزن بدلة ولماري قفطان ابيض مبوج ومعاه طاقيه حلوه وبسيطة وطلعنا وقعدنا نبرموا ف المحلات نشوف ف دبش لياا ومافيش حاجه عجبتي خذيت كم لبسه عاديه عشان ايام العرس بس محصلتش قفطان حلو
انس:: ها شنو تواا
نا:: نشوفو محلات اخراا شنو الي شنو
انس:: باهي يلا ف محل لصاحبي ف شارع دبي نشوفوه
نا:: باه
ومشينا لمحل صاحب انس ونزلت وكانت عنده بضاعة حلوه بكل وقعدت نشوف ف القفاطين وكل قفطان ف منه طرف واحد بس وعجبني 2 بكل واحترت بينهن رخديتهن ع اساس انوريهن للبنات وناخذ منهن واحد وطلعنا وخذيت كعب بس مش عالي واجد لان انس قعد يزن وانتي حامل وانتي وانتي والاسطوانه المشروخه هذي وخطمت خذيت مكياج وحاجات ناقصتني ومشيت لحوش هلي قريب من اذان العصر وخشيت ولقيتهن الي هذي ادير ف حاجه ومريم توتي ف روحها عشان الحناية شويه وحتجيها وخشيت قست القفاطين
نا:: ها شنو هضاا
هبة:: حي يهبببببل بكككل هضاا احلا
رؤية:: بالعكس عجبني التاني اناا
نا:: يعني هضاا شين
نرجس:: كذا وريني لالا بالعكس هضاا احلا
نا:: وانتن كنكن ساكتات
مريم:: هضاا احلا التاني مطلعك ارقيقه واجد
منى:: صاح اهاا حتي طويل مطولك
نا:: خلاص يعني الاخر نرده
مريم:: عليش ترديه رورو مش مازال ماشريتي انتي
رؤية:: اهاا
منى:: صااح خوذيه انتي التاني يطلع امعاكي تحفة لانك اطول من مهاا
رؤية:: هكي تقولن
هبة:: صاح خيرلك من الشحوره
نا:: لنقنها شحوره
رؤية:: تو نمشي نقيسه معناها
وخشت رؤية قاساته وعجبها وقررت تاخده ورنيت علي انس وقتله خلاص خذاته مرات محمد عجبها وغيرت دبشي وشويه وجت الحناية ومعاها بنتها وبدت الحناية ف مريم ويساعدن فيها نرجس ورؤية لانهن محنيات ونا بنت الحناية بدت فياا وتساعد فيهاا هبة ومنى تحني ف ماما
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
