الحلقـة السابعة والعشرون
وادندن بصوت واطي وتغني
انااااا انا كلي ملكك ..انا كل حاجة حبيبي فياا بتناديك
انااااااا انا مش بحبك ..الحب كلمة اقليّله بالنسبة ليك
انت فرحة جت لعندي بعد عمر من التعب .. والسعادة الي بعيشها ياحبيبي انت السبب
ضحكتك عقلك جنونك والحنان الي ف عيونك هوصف ايييه واحكيلك اييييه
وخش معاذ بسرعه للمطبخ يبي يشرب ويلقا ملاك قدامه وتغني بصوتها البرئ الهادئ الي يخلي الواحد يسرح فيه. وشكلها وهياا تغني وشعرها الي نازل علي وجهاا وسرح فيهاا. وانسند ع الباب وقعد يبحت ومبتسم حاجة 5 دقايق وهياا مش حاسه بيه بككل وكملت ملاك وبرمت ف يدها كباية عشان تشرب اميه وتلقا معاذ قدامها وانصدمت لعند طاحت منها وانكسرت
معاذ:: اسف مش قصدي نفجعك كنت جاي نبي اميه
ملاك:: توترت ومعش عرفت شن ادير ونزلت راسها وجت بتطلع
معاذ:: مسكها من يدها بسرعه وطلع بيها ف الجنان ( كان ف باب للجنان من المطبخ )
ملاك:: منصدمة فيه ونفس الوقت خايفه ومنزلة راسها حول بنخش
معاذ:: صبا قدامهااا ويبحت فيهاا ملاك ممكن تعرفي شن نبي
ملاك:: معاذ حول بنخش تو يشوفنا حد ويفهمنا غلط
معاذ:: محذ يهمني
ملاك:: بس اناا يهموني
معاذ:: باهي مش عطيتك رقمي رني علياا وحتفهمي كل حاجة
ملاك:: معااذ لو سمحت حول من قدامي بنخش
#وفجأة ينفتح باب المطبخ الي يطلع ع الجنان وانصدموا هما 2. يلقو قدامهم مؤيد
مؤيد:: حط يده علي فمه هيييي معاذ شن ادير هناا
معاذ:: تخزرط ومعش عرف شن يدير ( لان مؤيد معروف عليه الي يشوفها او يسمعها ينشرها ف الحوش كله )
ملاك:: انحرجت ووخرت وجت بتطلع
معاذ:: شن تبي يافرخ جاي هناا
مؤيد:: ماما قالتلي كلم ملاك باتها جا وقاللها هياا
ملاك:: خشت تجري ووجها حمر وترعش علي بعضها
مؤيد:: بحت ف معاذ بخبث شن كنتو اديروا اه
معاذ:: جا مسكله وذنه تعرف يافرخ نسمعك قايل حاجة هنا ولا هناا نهااارك اسود بعدها
مؤيد:: اطلقني را نمشي نقولها لماما
معاذ:: طلقه وشن بتقوللها
مؤيد:: نقوللها لقيت معاذ هوا وملاك بروحهم ومشعارف شن يديروا
معاذ:: رفع يده بيضربه يانعن
مؤيد:: قعد يعيط يامامااا
معاذ:: حط يده علي فمه اس يافرخ را خيرلك
مؤيد:: حول يد معاذ تجي شوري نقولها للحوش كله
معاذ:: امشي خش للدار امشي من قالك اطلع اصلاً
مؤيد:: لا مانيش خاش وبحت ف معاذ بهزوة وخش
معاذ:: يانعن والله انوريك هي
.
.
.
.
.
.
مريم:: لوكا خليكي باتي معاياا اليوم وبكرا نمشو مع بعضنا للجامعة
ملاك:: متلخبطة وف رعشه ف يديها لالا مش حجايبه حتي دبش اصلاً
مريم:: كنك جوك مشعارف كيف في حاجة
ملاك:: لالا يلا باي بابا يراجي من امبدري
مريم:: باي
ملاك:: طلعت تصبحو علي خير
كلنا:: قدامك الخير
وطلعت ملاك لباتهاا وتلقا معاذ مصبي قدام الباب وقعد يبحت فيهاا وهياا ركبت بسرعه وعدو وخش معاذ جواا خذا مفاتيحه وطلع ونحنا قعدنا نهدرزو وشويه هكي وجاني انس وروحت
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
عاطفيةرواية ليبية شرقاوية مميزة بقلم الكاتبة Bent_benghazi
