الحلقـة التاسعة عشر
وفتحت عيوني ف الصبح لقيت روحي راقده علي صدره وانس راقد بدبشه ابتسمت لا شعورياً وحسيت روحي تريحت اني لقيته جنبي وغطيته وصبيت خشيت للحمام( حشاكم) غسلت وجي وفرشيت سنوني وتوضيت وطلعت صليت ومشيت وتيت الفطور ودرت القهوة وخشيت علي انس ف الدار لقيته مش قاعد مشيت للحمام برضوا مش قاعد ومشيت لدار المعيشه لقيته يصلي دغري ارتسمت علي وجي ابتسامة عريضة وكمل صلاته وقعد مقمعز ع الصلايه قربت منه وطبست عليه وحضنته من لاوره ويديا حوالين رقبته وبسته علي خدي
نا:: صباح الخير
انس:: مسكني من يدي وجابني قدامه وحطني بين كرعيه وسكر علياا صباح الورد ياطشتي وباسني من تحت وذني
نا:: تحشمت ونزلت راسي
انس:: نعلياا متأكدة هذي انتي مهاا
نا:: ههههه ليش
انس:: يعني بصرااحه حاس انك مش انتي امس تحضني فياا وخليتيني نرقد بدبشي واليوم مصبحتيني علي بوسه وااجد علياا هكي
نا:: هههه وبحتت فيه وجت عيني ف عينه وحطيت يدي علي وجه كيف يعني تبيني انرد كيف قبل
انس:: ههههه لا دخيلتك خليكي هك محلاكي
نا:: هياا باهي الفطور واتي
انس:: خلاص فطرت عليكي انا
نا:: ههههه هياا يابارد تو تبرد القهوة
انس:: هياا باهي منزعلوكش
وصبا انس وصبيت معاه وحط يده علي كتوفي ومشينا للمطبخ وقعدنا نفطروا
انس:: هياا وتيلي دبشي وقت ع الجامع
نا:: اليوم جمعة نسيت بككل
انس:: اهاا جمعة
نا:: بحتت فيه وابتسمت قصدك بتمشي لصلاة الجمعة
انس:: ان شاء الله لكن كان قعدتي ع الحالة هذي ف حنوصل ف صلاة العصر
نا:: ههههه خلاص اهو مصبية نوتيلك دبشك
انس:: عندي جلابيه بيضاء ف الدولاب وفرملة سودا حدديهن لياا
نا:: بحتت فيه ومرفعه حاجبي ونضحك نص اخراا وعربي اخراا لالا كذا خليني نشوف حرارتك وحطيت يدي علي جبهتة
انس:: هههههه كنك هبلة انتي يلا صبي
نا:: صبيت ونا نضحك ربي يدوم
.
.
.
.
.
.
.
.
.
.
.
.
وخش انس يدوش ونا طلعت الدبش الي قال عليه وحددته وطلع انس ولبس الجلابية وقعد حايس معش عرف يسكر البطم قربت منه ونا مبتسمة سكرتلا بطم الرقبه ولبسته الفرملة وطلع منظرة يهبببل بككل وخصوصاً لان طويل وعريض وكنت اول مره نشوفه بالعربي قعدت مبتسمة
.
.
.
.
.
.
.
انس:: ماسك ضحكته كنك ياطشة
نا:: شي هياا تو اتأخر ع الصلاة
انس:: مديلي ساعتي
نا:: تفضل
انس:: مسك العطر ويبي يدير منه
نا:: لالا هضا احلا وخذيت واحد من ع الزيانة
انس:: مع اني نحب هضاا لكن ماشي ياستي حنغيره عشانك
نا:: ابتسمت
انس:: خدا دخانه ومفاتيحه وحطهن ف جيب الفرملة متأخريش علي امي
نا:: حاضر توا حنلبس ونمشي
انس:: تبي حاجة
نا:: سلامتك
وطلع انس وعدا هواا وعمي وسليم للجامع ونا دوشت ع السريع ولبست تنوره بيج بالبنّي وبلوزة بنّية وخششتها فيهاا وجففت شعري ورفعته فوق ونزلت قصتي ع الجنب ولبست ذهبي ودرت ايلاينر خفيييف من فوق وقلم قهوي من تحت وروج وقلوس شفاف وبلاشر برونزاج وحطيت اشرب علي راسي وخذيت مفاتيح الحوش وموابايلي ومشيت لحوش عمي وخشيت لقيت عمتي ف المطبخ تبرم ف الكسكسو
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Любовные романыرواية ليبية شرقاوية مميزة بقلم الكاتبة Bent_benghazi
