الحلقـة الثالثة عشر
عمي:: خير ب بنيتي السمحه
نا:: خيرات ياباتي وبست علي راسه
عمي:: ها شن اخباارك احسن
نا:: الحمدلله بخير
عمي:: وفكرتي ف الموضوع
نا:: .......
عمي:: يامهيوة ياباتي نحنا عطلنا واجد ع الناس والمفروض انردوا عليهم من زمان لو وافقتي قولي ولو رفضتي برضوا قولي هذي حياتك ومفيش حد لاه دخل بيها
نا:: الي تشوفه كويس ديره معنديش كلام بعد كلامك
عمي:: متأكدة من قرارك
نا:: ان شاء الله
عمي:: علي خير ان شاء الله
وصبيت اناا وخشيت لداري وحاسه بشعور غريب بس مكنتش نبي نبكي خلاص بكيت واجد نبي نقعد قويه ونبين للناس كلها اني قد روحي وعمي قالها لماما وماما فرحت بككل. وقالتها لخوتي ومراد كلم انس وماما كلمت عمتي صالحة وقالتلها خلاص ان شاء الله نهاية الاسبوع نجو انلبسوها تلبسية خفيفه لان يبوه العرس تواا بعد شهرين وانا تفاجأت بعد عرفت الموعد بس مكنتش تفرق واجد عندي لان ف كل الاحوال حنجوز وجا اليوم الي قبل التلبيسة وماما خواتي يجهزن ويضمن ف الحوش واناا مش معبرة الموضوع ولا كأنه اناا الي نبي نجوز
مريم:: ياماما جبتو الحلويات
ماما:: اهاا معاذ ماشي يجيبهن
مريم:: من بوعشرين
ماما:: اهاا اهاا خلاص وجعتيلي راسي الموالح وتيتنهن
منى:: بعدين حيجيبهن خالد وهواا جاي يروح بياا
نرجس:: مهاا وينها كنها مطلعتش
مريم:: قاعده بروحها وخلاص وكأنها بيجوزوها بالغصب
منى:: وكيف يسير ف قفطانها مازال ماشراته
نا:: طلعت عليهن ومنبيش نشريه
مريم:: والله وشن حتلبسي وبتلبسي اسود
نا:: فنصت فيهاا مريم لو سمحتي اسكتي
مريم:: انفصلت وقعدت تهزب لا مانيش ساكته سكتت واااجد خلاص ساااد عااد تواا بنرن علي منذر وتطلعي زي البنت الطيبة ونشروا قفطانك ونحجزلك ف الكوافيرا تجي اديرلك فتلة وحواجب تي شوفي شكلك هضا شكل عروس هضاا
نا:: لا منيش عروس كانهي مره وقعدت عروس واجوزت
مريم:: سكري فمك كذا وكلامي كلله حديريه وغصبن عنك
كلهم:: يبحتو فياا انا ومريم ومنصدمين
نا:: مريم خلاص اسكتي وامشي انتي اقعدي عروس كان خاطرك
مريم:: اس باهي وسكري فمك وخشي البسي
نا:: مانيش
مريم:: صبت ومسكتني من يدي لا حتخشي
وخششتني للدار وفتحت الدولاب وطلعت جاكة حلد طويله لونها ازرق وسويت طويل شويه لونه ابيض وجينز وبوت سكري واشرب ازرق فيه ورد بالابيض
مريم:: امشي اغسلي وجك وحتجي تلبسي هض تسمعي فياا
نا:: مانيش قلت خلاص
مريم:: لا حتلببسي عليش تحرمي ف روحك وتقتلي ف روحك خلاص ايهم ماااااات مااااات خلاص افهمي يعني معش حيرد من جديد
نا:: وهياا تقول مااات الكلمة قعدت ترن ف وذني وطحت ع الارض ونهرت بالبكاء وصوتي دوب ما يطلع ومختلط بدموعي وشهقات بكايا بس انا نحببه ليش يخلي فياا
مريم:: تحكي بانفعاال هضاا عمره ربي هكي يبي وانتي وافقتي علي انس برضاكي ومحد غصبك ف متضلميش معااكي لان ملش ذنب قررتي تكملي معاه حيااتك معناها حتحبيه وتحطيه ف عيونك واطلعي من راسك انك ملك لايهم لان ماااات تفهمي ولالا مااات خلاص وطلعت وسيبتني
نا:: قعدت نبكي وكلام مريم يرن ف وذني وينزل علياا كيف السم كان كلامها وكأني اول مره نسمعه انفرض علياا اني انصدقه لان كله صاح
.
.
.
ماما:: تي شن درتي انتي معقوله تحكي معاها هكي
مريم:: تشرب ف ميه خليهاا بيش تحس ان زودتها وهيا تعذب ف روحها
منى:: وينهاا هياا
مريم:: خليتها جوا تبكي
رؤية:: تو نمشي نشوفها
مريم:: خلنهااا مافيش وحده تمشيلها حتبكي وحتنوض علي روحها وتحس باللي كانت ادير فيه كنت نساير فيهاا بس زودتها خلاص الموت حق عليناا كلنا ومش اول وحده يموت راجلها وكلهن يكملن ف حياتهن
نرجس:: كلامها صاح راه خليناها علي راحتها واجد
منى:: موبايلك يرن
مريم:: هضاا معاذ ايوا ها اهاا انا رنيت امبدري نبي نمشي انا ومهاا للسوق نشوفو قفطان. اها كنت نبي منذر بس قالي مش فاضي باهي تمام خلاص معناها تو نلبس بس متأخرش اوك سلام
ماما:: شن قالك
مريم:: قال قاعد نراجي ف الحلويات وجاي ف الطريق
ماما:: اختك مرات ماتمشيش
مريم:: لاحتمشي وغصبن عنها. هياا الي وافقت عليه برضاها معناها تعطيه حقه
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
