الحلقـة التاسعة والثلاثون
وخشو هل تميم امه وهدى اخته ونيروز اخته الكبيرة وباقي عيلته وقعدن يسلمن وضيفناهم وقعدوا الناس يشوفوا ف الدبش الي جابوه ومريم كانت مقمعزة وجنبها ملاك ويوصلها مسج تشوفه وتنفجع وتبحت ف ملاك وبرمت وجهها وشافت تميم خاش من الباب ولابس بدلة رماديه وقميص اسود وفاتح اول بطمتين وماشط شعره فوق وراسم لحيته وكان منظرة يهبل وقعدت تبحت ومصدومة كيف صار وامتا خش وكيف مراتي هذي وكان المسج مكتوب فيه ( قعدتي لياا وقعدتي مراتي ياسمايل ) وقرب منها تميم و هياا صبت ومسكلها يدها وباس علي راسها وجا عند وذنها
تميم:: شن رايك ف المفاجأة
مريم:: تضحك ومصدومة
تميم:: باهي ماتبيش تقمعزي
مريم:: ههه اه وقمعزت
تميم:: فرحانه
مريم:: مش مصدقة والله
تميم:: مقرب منهاا ووجوههم ف وجوه بعضهم ويحكو بصوت واطئ
مريم:: بس كيف خلاك مراد تخش
تميم:: مرااتي عاد
مريم:: من وين الوين
تميم:: ههههه والله مراتي هي
مريم:: علامات الصدمة علي وجهها من وراياا
تميم:: امبدري وانتِ ف الكوافيرا قرينا الفاتحة
مريم:: كيف كيف
تميم:: بعدين تو نحكيلك
وحابتلهم امه الدبل ومريم اصرت تلبسها اليمين ولبسها الطاقم والانسيالة والساعة. وهياا مش مصدقة روحها وحاسه انها تحلم وجابت هدى التورتة وقصوها ووكلوا بعضهم وهدرزوا شويه وبعدها طلع تميم وخش للصالون ومريم خشت تلبس ف القفطان اللي جابوه لها ولبساته وكان لونه احمر دم غزال وشمواا ويد كمها طويل وحوافه مطرز بالذهبي واليد التانية مافيهش كم وقصير وضابط ع الجسم ومن لاوره فيه فتحه. بسيطة طويله طول حوافها مطرزات بالذهبي وكعب ذهبي وحطت شعرها ع الجنب اللي من غير كم وطلعت وكان منظرها. روووعه وقمعزت شويه وبعدها قالتلها هدى ان تميم يبيك ف الصالون صبت وطلعت وشافت منظرها ع المراية وزادت عطر وروج وخذت نفس وفتحت الباب وكان تميم مقمعز ومطبس راسه وسكرت الباب وقربت منه وهوا. مازال منزل راسه
مريم:: احمم
تميم:: رفع راسه وقعد يبحت فيهاا وعيونه قلوب قلوب وصبا وقعد لاصق فيها
مريم:: وجهها قرب حمر وتحشمت
تميم:: فتح يديه ومبتسم تعالي ف حضني يلا
مريم:: قربت منه وحضناته والفرحة اللي ف الدنيا كلها حست بيها وقتها
تميم:: أخيراً قعدتي حلالي
مريم:: تضحك و فرحانه
تميم:: وخرها منه وعيونهم ف عيون بعضهم نحببك ياسمايل
مريم:: تضحك والسمايل تموووت فيك
تميم:: قرب منها وباسها من ......... بوسه طوووويله وحلوه
مريم:: ساحت ف مكانها ومدارتش اي ردة فعل
تميم:: قعد ينزل علي رقبتها ومريم توخر وسخنت كلها مع بعضها لعند لصقت ف الساس
مريم:: حبيبي خلاص حول تو يجي حد
تميم:: يبحت فيها مراتي
مريم:: مراتك وحلالك بس مزلت ف حوش هلي
تميم:: عض علي شاربه قطانك وشكلك كلك مغريه مقدرتش نمسك روحي
مريم:: هههههه معناها نطلع خير ماادير حاجة اخرا
تميم:: هههههه خزي خوافه بعدين نا مستحيل اندير حاجة تضرك
مريم:: عارفتك ياروحي
تميم :: خلاص يلا عدي
مريم:: جت بتطلع
تميم:: سقمي شكلك قبل ماتخشي عليهم
مريم:: حاضر
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Lãng mạnرواية ليبية شرقاوية مميزة بقلم الكاتبة Bent_benghazi
