#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر

الحلقة30

الـحلـقـة الـثـلاثـون

ملاك:: انا مضطرة نسكر
معاذ:: تي استني ازف والله العظيم تسكري نجيك ف حوشكم باهي
ملاك:: خافت شن تبي باهي
معاذ:: بدون لف ولا دوران انتي عجبتيني وحاب انتعرف عليكي اكثر لو ممكن يعني
ملاك:: لا مش ممكن
معاذ:: وليش باهي عرفتي خيري من شري انتي وفكري قبل
ملاك:: يااخي منبيش نعرف خيرك لا شرك.
معاذ:: تي لييش بس
ملاك:: لاني مرتبطة وانحبه
معاذ:: اهاا تحبيه وسيبك وجرحك وخلاك تبكي
ملاك:: انصدمت ودمعتها نزلت لان اذكرت الي صارلها معااذ لو سمحت
معاذ:: ملاك ماتخلينيش نفضل عليك
ملاك:: لا معلش افصل علي غيري من بدايتها هكي هياا
معاذ:: يعني شنو توا
ملاك:: يعني خطاني وشرف غيري
معاذ:: تمام تمام بس صدقيني حيجي يوم وتقولي وينك يامعاذ بس مش حتلقيني
ملاك:: باه لكن مش حيجي اليوم هضا
معاذ:: تمام باه وسكر ف وجها
ملاك:: البهيم هضاا شن يحساب روحه وسكر ف وجي اخراا
معاذ:: ماشي ياملاك بس صدقيني انتي الي حتقعدي تجري ورايا والايام بيناتنا  وحط الموبايل جنبه وولع سيارته ومشاا

هبة:: طالعه بعدين شويه شايله بابا للعيادة
منذر:: ليل تواا
هبة:: ها نفوت موعد بابا يعني
منذر:: ومن ماشي معاكي
هبة:: انا وماما
منذر:: من المستشفى للحوش ماتمشيش هكي ولا هكي
هبة:: حاظر ان شاء الله مافيش اوامر اخراا
منذر:: هههه لا مافيش خلاص سكري بنمشي للتراويح
هبة:: اووك سلام
منذر:: ردي بالك من روحك
هبة:: حاظر

وطلع انس للتروايح ونا صليت وغيرت دبشي ولبست تنورة طويله سودا وبلوزة بيضا شفوني ومن حوافها ذهبي ودرت ميك اب خفيف ومشيت لحوش عمي وخشيت ولقيت رتاج وعمتي مقمعزات ويهدرزن سلمت عليهن وقمعزت

عمتي:: شن اخباارك اليوم احسن
نا:: الحمدلله احسن من قبل
رتاج:: رايحه ناقصة يامهيّا
عمتي:: اهاا بكل
نا:: حتي الدكتورة قالتها لياا مع اني ناكل بس مشكلة الاستفراغ حشاكن هواا الي متعبني
رتاج:: صمتي اليوم ولا فطرتي
نا:: كل يوم نصيم وتمام بس مجرد مانخش للمطبخ نطلع نستفرغ ويخرب صيامي تعبت وحق زبي
عمتي:: اجرك علي الله بس اهم تاكلي
نا:: اها ناكل شن اخبارها اسماء جابت
عمتي:: اليومين هذينا موعدها ويستر الله وقالولها احتمال عمليه
نا:: ياروحي ربي يكون معاها واعره العملية
رتاج:: اهاا بككل اسأليني نا
نا:: جبتي بالعمليه انتي
رتاج:: اهاا بالعملية

وقعدنا نهدرزو ومشا الوقت وروحت لحوشي ووتيت السحور وخش انس وغير دبشه وجا قمعز جنبي

انس:: كيف حاله حبيبي السمح
نا:: الحمدلله
انس:: ماتعبتيش
نا:: تعودت خلاص
انس:: ربي ينوضك بالسلامة
نا:: ان شاء الله

وكملنا سحورنا ولميت المطبخ وقمعز انس ع التي في ونا لقيا غسيل قلت خليني نولع عليه ومشيت للدار عشان ناخذ دبش انس وشفت جيوب السروال ولقيتهن فاضيات ومسكت القميص وبحتت فيه وانصدمت وكان ف اثر روج عليه من جهة اليد اليسار من فوق  ودموعي قعدن ينزلن ومعش استوعبت الي شفته معقوله ياانس تغافلني هكي وتخوني معقوله وقمعزت ع السرير وماسكة القميص ف يدي ونبكي ونسمع ف انس ينادي فياا بس مرديتش عليه مكنتش نبي نسمع صوته ولا سيرته يعني هكي يغافلني ونا مراته وحامل منه معقوله للدرجة هذي رخيصه عندك ياحبيبي لعند مشاعري مش مهمات بالنسبة لكي وخش علياا انس ولقاني نبكي وجاني يجري