الحلقـة الرابعة عشر
وفتحت اول باب وكان الحمام خشيت ودوشت ودهنت كريمة لجسمي وجففت شعري وسقمت لبستي وطلعت وشفته قاعد ف الدار خشيت للمطبخ ووانصدمت م الي شفته وحسيت بيه مصبي ورايا وبرمت وجي وكان لاصق فيااا وخررت دغري
نا:: بنبرة صوت عاليه. ونرعش شنوو هضا
انس:: شنوو كنك
نا:: قربت من الطاولة وكان عليهاا شيشة فاضيه وشيشه مليانه امتاع سكير هضاا هضاا شنو
انس:: يحكي ببرود شنو يعني عادي بالجو نشرب
نا:: انصدمت وعيوني تعبن دموع وحسيت روحي ضعت تي شنو الي عادي الشي هضاا حراااام حرااام
انس:: والله انا طول فترة عيشتي برا كنت نشرب فيه مش مدمن بس بالجو ف مديريش منه قصة
نا:: انصدمت من وقاحته وكيف خوتي سألوا عليه وقالو كويس وهواا يشرب وهلك يعرفوا
انس:: عليش بيعرفوا وانا واخذها بالجو
نا:: خنقتني العبرة بس
انس:: خلاص بلا بس كنك كبرتي الموضوع وجا قرب مني وحط يده علي وجي متخربيش علينا الليلة
نا:: دفيته وخرررر متحاولش تقرب مني فااهم ولا
انس:: والله مراتي وانا حر وقرب مني ومسكني من خصري
نا:: قعدت نرعش وكان في موس ع المرمارة مسكته ووجهته شوره وقعدت نعيط بعددد والا والله نقتلك نقتل روحي
انس:: خاف ووخر اهدي وعطيني الموس
نا:: قعدت نبكي مانيش وخررر قتلك نبي نطلع
انس:: وخر اطلعي هي
وطلعت نجري وخشيت للدار وقفلت الباب علي روحي ورقدت ع السرير وقعدت نبكي يااااربي شنوو هضاا شن الي خلاني نوافق وندمر حيااتي ليش ديما هكي حظي ليش الدموع والزعل نصيبي ليش معقوله هذي نهايتي ناخذ واحد سكار باهي خوتي سألو عليه والناس شكروه ليش تواا شن صار حتي بعد قررت نكمل حيااتي هكي يصيرلي لييش يااربي ليييش والله منتحمل اكثر نبي انتريح انااا نبي انتريح وبكيت لعند دخت ورقدت
منى:: مريم يامريم
مريم:: نعم ها
منى:: هاكي شيلي السفرة هذي لمعاذ براا هوا واصحابه
مريم:: تي خلي حد اخرا يشيلها حتي قفطاني مازال ماغيرته
منى:: غير هياا والله بسرعة بسرعة
مريم:: اوووف منك نمشي نلبس حاجة
منى:: تي مافيش حد وتو يصقع الاكل
مريم:: هاتي وانتي رايحه سكاانه بككل
وخذت مريم السفرة وطلعت للجنان. من باب المطبخ وكان قفطانها لونه احمر طويل وصدره مفتوح ودايره تسريحه لشعرها ومشت ف الجنان الجانبي كله ووقفت قبل ماتخش للقدامي وقعدت تنادي ف معاذ
مريم:: معااذ يامعااااذ
.
.
.
وقعدت تستني ومطبسه راسها وشويه هكي وشافت كرعين ورفعت راسها وكان تميم قعدت تبحت فيه ومنصدمة ونست ان قاعده بلا حجاب وبالقفطان ومتوقعتش ان تشوفه بكل وتميم بروحه كان متوقع انها بالحجاب وقعد سرحان فيهاا وبعدها فطن لروحه
تميم:: هاتي من يدك
مريم:: اه هاك بس افطن ثقيله
تميم:: خشي خلاص ومعش تطلعي هكي افرضي حد اخرا شافك
مريم:: منحسابش في حد
تميم:: بحت فيهاا وبرم وجه بيمشي
مريم:: تميم شويه
تميم:: برم وجه نعم
مريم:: انا اسفه علي صار يومتها انت فهمتني غلط
تميم:: مريم خلاص فوتي الموضوع وانا معش بنزعجك واتعبري روحك معرفتينيش
مريم:: بس اناا
تميم:: خشي خلاص
مريم:: عيونها تعبن دموع تميم اسمعني والله فهمتني غلط
تميم:: مافيش داعي تنحرجي عادي كملي حياتك وبنت زيك اكيده عندها حد ف حياتها عن اذنك
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
