الحلقـة الحادية والأربعون
مريم:: لوكا
ملاك:: صبت وحضنتها وقعدت تبكي
مريم:: قعدت تمسح علي ظهرها خلاص ياروحي معش تبكي
ملاك:: ليش حظي هكي اناا ليش والله حبيته ومعاذ وتمنيته هواا حلالي لييش قوليلي
مريم:: قعدت تهدي فيهاا اهدي بس وكل مشكلة ولها حل وقمعزتها ومسكتلها يديها
ملاك:: في ام ادير هكي ف بنتها ماتبيش تشوفني مرتاحه وفرحانه ولا كيف معش فهمت نا
مريم:: بلكي خايفه عليكي بس
ملاك:: خايفه علي مصالحها مش علياا خايفه بابا يقوللها هضاا تقصيرك تبي تحط الحق علي اي حد غيرها
اماا معاذ ف كان ف سيارته وشاف بات ملاك يطلع ف سيارته من القراج نزل ومشا شوره وشافه بات ملاك ونزل وعداله
معاذ:: السلام عليكم
منصور:: وعليكم السلام شن اخباارك ياوليدي شن داير
معاذ:: بخير الحمدلله شن اخبااركم انتو
منصور:: الحمدلله في نعمة كيف حال الوالدة والاهل
معاذ:: الحمدلله
منصور:: مالا مخطم من هناا
معاذ:: لا ووالله جايب مريم
منصور:: اهااا
معاذ:: بصراحه ياعمي قاصدك ف موضوع
منصور:: تفضل ياوليدي قول
معاذ:: لا مايسيرش هكي لو فاضي بعدين ف العشية نجيك ونحكيلك
منصور:: تفضل ف اي وقت
معاذ:: بارك الله فيك خلاص منعطلش عليك
منصور:: ف امان الله
وركب معاذ ف سيارته وعدا وهوا فرحان ان باتها مش عارف من اللي مكلمته مش عشان خايف علي روحه بس خايف لو عرف ان هواا ميوافقش ياخدها ومشا معاذ دغري للحوش وخش ولقا امه مقمعزة وتهدرز مع مراد ومحمد
معاذ:: السلام عليكم
كلهم:: وعليكم السلام
معاذ:: كويس اللي لقيتكم كلكم
ماما:: خير ان شاء الله
محمد:: شن داير من فالطة
معاذ:: قمعز لا فالطة لا سو
مراد:: احكي باهي
معاذ:: بحت ف ماما امي نبي نخطب
ماما:: ضحكت باهي ماشالله
محمد:: ههههه انت تبي تخطب شن بيسير ف الدنيا
معاذ:: فكني من سماطتك توا انت
ماما:: وتبيني اندورلك ولا ف وحده ف بالك
محمد:: معاذ وادوريله ههههه مش معقوله اكيذ في
مراد:: خلاص يامحمد خليه يكمل كلامه
معاذ:: خليه بارد اصلاً عندي وحده
محمد:: مش قتلك
ماما:: بنت عيت من
معاذ:: ملاك صحبة مريم
محمد:: اوووو
ماما:: سكتت وبحتت ف مراد
مراد:: متأكد من قرارك
معاذ:: عليش مش عاجبتك ياامي
ماما:: لا بالعكس بس
معاذ:: بس شنو
ماما:: ياوليد الناس هضوما وين ونحنا وين
معاذ:: شنو يعني
مراد:: امي قصدها ان مرات يرفضوك او يطلبوا حاجات انت متقدرش عليهن
ماما:: وبنتهم وحيدتهم يعني اكيد مش حيعطوها لاي حد
محمد:: كنكم ركبتوا فيه انتو ماتندروش مرات يوافقوا
ماما:: اناا مض خاسرة شي بس البنت نفسها متربيه ع العز ونحنا وضعنا معروف يعني علي دوبنا
معاذ:: قولي ماتبيش تاخديها لياا وخلاص
ماما:: ريتو كيف فهمها
معاذ:: اناا كلمت باتها امبدري وقتلا نبيك ف موضوع وقالي تفضل ف العشية
ماما:: يمشن الصبايا قبل
معاذ:: مافيش داعي البنت تعريفها وشايفتها شوفو ارواحكم لو قررتوا تخطبوها لياا كلم عمي فرج وانت ومحمد وكان ماتبوش نمشي بروحي وصبا وطلع
ماما:: شن انديرلا توا هضاا
مراد:: نخطبوها لاه وافقوا هضاا اللي نبوه رفضوا عشان يفهم ان ف مجتمعنا الناس مستويات
محمد:: معاذ واثق من روحه الباين متفق معاها وعارف ان مش حيردوه
ماما:: معناها كلم عمك فرج وعلي خير ان شاء الله
مراد:: ان شاء الله
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
