الحلقـة السادسة والخمسون
انس:: جا قرب مني ومسكلي يدي ويده التانيه علي كتوفي
نا:: ماسكة. يده وحاطه يدي ورا ظهري لاني حاسته بينقسم احييه
انس:: بالشويه امشي
نا:: بعد نقمعز معش نقدر نصبي الا بالسيف
انس:: اتعبي ف روحك لانك
نا:: لا والله ورديت الدار ع العيال وخشينا لدارنا
انس:: سكر الباب وساعدني نقمعز ع السرير
نا:: طولت اليوم
انس:: قعد يغير ف دبشه كان عندي موضوع مع صلاح
نا:: خير ان شاءالله
انس:: تو نحكيلك وغير دبشه وجا خش معاياا ف السرير
نا:: احكي شن في
انس:: ياستي هضاا صلاح الباين ان مازال متراسل مع مدير المستشفى الي اشتغلنا فيها ف امريكا
نا:: كيف هواا صلاح مش قاري هناا
انس:: اهاا بعد خشينا للجامعة هوا ورحاب قرو هنا وانا مشيت لامريكا وقعدت غادي وبعدها دار اوراقه وجا حضّر غادي هوا ورحاب وقعد فترة ممكن حاجه 3 سنين
نا:: اهاا
انس:: المهم قالي حكيت مع الدكتور وقاله انتو شاطرين ف مجالكم ولو تجو ف حتردوا اتوفضوا اخرا
نا:: بحتت فيه ومرفعه حاجبي المعنى يعني
انس:: هههههه كنك تحكي هكي
نا:: لا كمل كمل وتو انقولك
انس:: ياستي صلاح عجبه الموضوع وقرر ان يمشي وبيبدا يدير ف اوراقه هواا ورحاب وحاجة شهرين تلاته ويمشو
نا:: وباهي
انس:: بيني وبينك يعني الموضوع قاعد نقلب فيه وبادي يخش راسي لان الفرصة ماتجيش ديما
نا:: ياسلام انت توا مش بروحك عندك مرا وعيال
انس:: علي اساس بنخليكم هناا ونمشي يعني
نا:: مالا شن قصدك
انس:: خذاني ف حضنه هبلة انتي معقوله بنسيبكم تي اناا منقدرش نعيش بعيد عليكم
نا:: ولا نحنا
انس:: باهي شن رايك انتي
نا:: مشعارف موضوع مش ساهل هضا انك تسيب بلادك وعيلتك
انس:: عارف بس غادي احسن لنا وللعيال حيقروا كويس ويكونوا مستقبلهم شوفي وضع البلاد انتي لا مستشفيات لا تعليم فوق هضا كله البطالة بدرجة لا توصف بعدين خير لكي انتي اطوري روحك ف مجالك وتشتغلي
نا:: عارفه الكلام هضا كله ومعاك حق بس صعبه
انس:: لازم نقرروا
نا:: بس اناا حامل ومنقدرش نسافر
انس:: عارف بعد تجيبي بالسلامة ان شاء الله حنسافروا
نا:: يعني انت مقرر
انس:: مش مقرر بس الكفة مايله اكثر للسفر
نا:: حسيت بغصه لاني حنبعد علي هلي الي عمري ماكنت بعيده عليهم وديما قريبين مني ومعايا
انس:: متزعليش
نا:: مش زعلانه
ورقدنا ونضت الصبح علي انس يقربج تالايا
نا:: حبيبي
انس:: سامحيني واعيتك
نا:: لالا بس كنك مانوضتني نوتيلك
انس:: مانبيش نتعبك ارقدي خلاص كملت بنطلع
نا:: فطرت باهي
انس:: تو نوقف علي كافي وناخذ
نا:: باهي رد بالك من روحك
انس:: حاضر يلا كملي نومك ياطشتي وباسني من خدي وطلع
ونا رديت رقدت ومع الساعة 10 ونص جاني يزن ينوض فياا
يزن:: مااامااا
نا:: امممم
يزن:: مااامااا نوزي
نا:: فتحت عيوني نعم حبيبي
يزن:: زعان ابي كاكو
نا:: هياا حبيبي تو انوض
يزن:: ماري ابكي من بدلي بكل
نا:: هياا هي
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
