الحلقـة الثانية والأربعون
معاذ:: تميم
تميم:: نعم
معاذ:: مدله الفون شورك
تميم:: من
معاذ:: مراتك
تميم:: انحرج من معاذ ومقدرش يقوله مانبيش نحكي معاها وخذا الفون وطلع ومشا لداره
مريم:: حبيبي
تميم:: انا مش حبيبك
مريم:: مالا شنو
تميم:: خلصيني شن تبي تواا
مريم:: عليش تحكي هكي
تميم:: وكيف تبيني نحكي ان شاء الله
مريم:: مييمووو عاد مرايفه عليك والله
تميم:: مريم كذا والنبي مش رايقلك راه
مريم:: وليش
تميم:: قعد يهزبوتسألي اخرااا انا متقصدة تقعدي تستغبي هكي ملقيتش مكالماتي وحضرتك ولا هامك حاجه امس ف الليل قعدت نستني فيكي ونقول البنت كنهااا وبعدها نسمع انك ماشيه لمهاا عشان جابت وياريتك حتي عطيتيني العلم لا وبايته اخراا وانرن ع الخرا امتاعك مترديش شن تبيني نقول اه تبيني ناخدك بالاحضان
مريم:: خافت من تميم لان بعد يهرب خلاص وقعدت خانقتها العبرة وتبكي وساكته
تميم:: ساكته طبعاً معندكش رد لكن اللا مبالاة امتاعك هذي حنوريك عليها
مريم:: بتحاول ادس بكيتها والله امس بعد رنت مهاا وقالت جابت روح معاذ وقعد يهدرز ومعش قدرت انرن ونسيت فوني صامت وبعدها من الصبح مشينا غادي وفوني راح ف الحوسة ومعش لقيته لعند امبدري شويه بيش لقاه لياا انس تحت فراش مهااا
تميم:: ماشالله مش حنسألك لابسة حجاب ولالا لاني عارف الرد مسبقاً
مريم:: بس انس راجل اختي
تميم:: لا راجل اختك لا خوك انت مرات راجل تسمعي ولالا ولا مش مالي عينك اناا تطلعي من راسك لا تشاوري لاشي سكري سكري لان شويه اخرا مش عارف شن حندير
مريم:: قعدت تبكي والله ماقصدي باهي وكل شي صار بسرعه
تميم:: لاااااااا اله الااااا الله عليش البكاء تواا عليييش
مريم:: قعدت ساكته
تميم:: ردي نحكي معاكي تهيالي
مريم:: خفت منك
تميم:: وانا انخوف
مريم:: اهاا ماتشوفش ف روحك بعد تهزب
تميم:: سكري باهي
مريم:: بس
تميم:: سكري وتو انرن عليكي من موبايلي
مريم:: باه
وسكر تميم وشال لمعاذ موبايله وقاللهم نبي نرقد ورد خش ف الدار ومريم كان صقع ف الجنان خشت للصالون وسكرت الباب وقمعزت ورن فونها وكان تميم ومسحت دموعها وردت
مريم:: ايواا
تميم:: مزلتي تبكي
مريم:: لا سكتت بس والله كيف ماقتلك انشغلت لا اكثر لا اقل وحق ربي
تميم:: مريم اناا الحاجه الي نبيك تعريفها اني راجلك ولياا حق عليكي نعرف وين ماشيه وامتا مروحه يعني انتي مش زي زمان تطلعي بلا ماتقولي لحد انا اكيده مش حنقولك لا ماتمشيش بس تعطيني العلم المفروض
مريم:: عارفه اني غلطانه بس والله ماكان قصدي
تميم:: خلاص باهي المهم بكرا روحي ماتباتيش
مريم:: بس مهااا تبي من يساعدها
تميم:: امك معاها
مريم:: ماما وراها الحوش نا ماعندي شي بعدين مش حنقعد عندها ديما يعني لعند الاسبوع بس
تميم:: ماشالله مقررة الاخت
مريم:: لا والله بس
تميم:: خلاص باهي بس بعد الاسبوع تروحي وحجابك مينزلش من راسك تسمعي
مريم:: حاضر
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
