الحلقة الحادية عشر
عمتي:: يامهيوة اناا جاية وبنحكي معاكي ف موضوع وانتمني متردينيش
نا:: موضوع شنو خير ان شاء الله
عمتي:: زي ماتعرفي انتي ان خليل كبر خلاص. ولازم يجوز ويفتح حوش
نا:: ربي يهنيه باهي
عمتي:: هواا حكالي وقالي اسألي مهاا وخوذي رايها مرات انا اتحشم مني او حاجه
نا:: علي شنوو تحكيلي
عمتي:: يابنيتي خليل قال بدل مانبني فوق اخرا ولا نشري شقة برا شقة ايهم الله يرحمه قاعده فاضية ومحد قاعد فيهاا وزي ماتعرفي ان الشقة من حقك انتي ولو. تبي يعطيك حتي حقها
نا:: عيوني تعبن دموع وجت قدامي صورة ايهم الله يرحمه
ماما:: العفو الحوش حوشكم ومن حقة ياخذ الشقة
نا:: دموعي نزلن وقعدت نمسح فيهن
عمتي:: يامهيوة من حقك ترفضي انا جاية ناخذ ف رايك مش نفرض عليكي ف رايي لان من وفاة ايهم الله يرحمه والشقة مسكرة ع الي فيها وكيف ماهياا
نا:: جن ف بالي ذكرياتي انا وايهم ف الشقة والايام الي عشناهن فيهاا والدار الي دايرها للبيبي قبل حتي مانحمل وكيف كان خاطره يسمع عياط عيال صغار ف الشقة وحسيت روحي نبي نحقق امنية ايهم
عمتي:: ها شن قلتي
نا:: ديروا الي يريحكم وشقة خوه من اليوم قعدت شقته ومانبيش حتي حقها بس عندي حاجات نبيهن منها
عمتي:: فرحت ربي يجبر بخاطرك خلاص امشي معايا توا وخوذي الي تبيه
نا:: ان شاء الله
وصبيت وخشيت لداري وقعدت نبحت ف صورة ايهم ونبكي ليش مقدرتش نستوعب غيابك ليش غيابك صعب هكي ليش محد قدر يعوضني عليك ليش وقعدت ماما تهدرز مع عمتي وشويه هكي وجا خليل عشان يروح بيهاا وجتني ماما وقالتلي كان بتمشي معاها وصبيت لبست كبوط اسود واشرب اسود وبوت اسود فرو وطلعت معاها وركبت ف السيارة
نا:: السلام عليكم
خليل:: وعليكم السلام شن اخباارك يامهيوة شن دايرة
نا:: بصوت مخنوق الحمدلله علي كل حال
عمتي:: مهاا قالتلك الشقة شقتك بس تبي منها كم حاجة
خليل:: بارك الله فيك عارفك ماتقصريش
وقعدت ساكته طول الطريق لعند وصلنا للحوش ونزلت ولقيت عمي ف الجنان وفرح بعد شافني بست علي يده وراسه وخشيت وركبت دغري فوق ونا حاسه الدروج مايبنش يكملن وقابلني منير ونا راكبة واستغرب جيتي سلم علياا ونزل لوطا لامه وحكتله وصبيت قدام باب الشقة وطلعت المفتاح من جيبي وحطيته ف الباب ويدي ترعش ونا خايفه نفتحه واذكرت اول مره فتحته فيها مع ايهم
قبل سنتين
ايهم:: ماسك يدي هياا حطي المفتاح
نا:: هههه ظلام مانشوف ف شي
ايهم:: حط المفتاح ومسك يدي وفتح بيها الباب
نا:: دفيت الباب بيدي ومسكت ف يده
ايهم:: باليمين ياعيوني
نا:: هههه حاضر
وقعدت نبكي وسميت بإسم الله وفتحت الباي ودفيته بيدي ويدي ترعش وخشيت بكراعي اليمين وسكرت الباب وكان الحوش مظلم وكله غبااار حوش مهجور
نا:: الله يهبببل انت الي درت هكي ( كان الحوش كله مطروح ورد جوري احمر )
ايهم:: اكيده مالا تحسابي روحك رخيصة عندي
نا:: مسكتله خدوده نجك لياا انت
ايهم:: ربي يخليك لياا ياشفشة
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
