الحلقـة الثامنة والثلاثون
الشاب:: دف معاذ وانت شن دخلك
معاذ:: ضربه بوكس تي نعن شكلك مراتي هذي
الشاب:: قعد منصدم ووخر وعدا بسرعة
ملاك:: تبحت ف معاذ ومنصدمة من كلامة شكراً
معاذ:: مافيش داعي كنت حنديرها مع اي وحده غيرك
ملاك:: انحرجت وسكتت وجت بتركب ف السيارة
معاذ:: مسكها من يدها
ملاك:: بحتت فيه
معاذ:: مزلتي عند قرارك
ملاك:: قرار شنو
معاذ:: انتي عارفه مافيش داعي للاستعباط
ملاك:: مشعارف
معاذ:: رقاله منها شنوو مشعارف ماتبيش تفكير هكي تبيني ولالا
ملاك:: ماو انا
معاذ:: الاجابة حرفين ي اه ي لا
ملاك:: قعدت تبحت فيه وساكته
معاذ:: خلاص فهمت اجابتك مافيش داعي تحكي. وجا بيمشي
ملاك:: حست ان بتخصرة معاذ استني
معاذ:: نعم
ملاك:: موافقه
معاذ:: ابتسم قولي هكي م الاول
ملاك:: بس كان ماتفقنش كل واحد ف طريقة
معاذ:: ان شاء الله يلا اركبي ف سيارتك وامشي
ملاك:: ابتسمت ونزلت عيونها وركبت ف سيارتها
معاذ:: قعد يستني لعند مشت ورد خش علي اشرف ف الكافي
.
.
.
.
.
.
.
.
اشرف:: وين مشيت
معاذ:: مشيت لملاك كانت مخطمة من هناا
اشرف:: ياراجل خلاص فوتها البنت واضحه متبيكش
معاذ:: تهدرز انت
اشرف:: عليك تسكير راس
معاذ:: ضحك ع الجنب خلاص سلكت
اشرف:: قصدك وافقت
معاذ:: وفي وحده تقدر ترفضني
اشرف:: يستر الله منك انت
معاذ:: راقيلك مني بس
اشرف:: ههههههه ربي يشفيك وخلاص
اما ملاك ف طول الطريق تفكر. ف معاذ وكيف جا ودافع عليهاا وهوا معصب وقاله مراتي وحست فعلاً ان هوا يحبها مش بيكسد وطول الطريق وهياا تفكر فيه ومبتسمة ووصلت لحوشهم ووقفت قدام الباب ودارت كلاكس فتحلها الغفير
الغفير:: ازي حضرتك يابنتي
ملاك:: الحمدلله ياعموو محتاج حاجة
الغفير:: عايز سلامتك بس
ملاك:: بارك الله فيك
وخشت ودرست سيارتها تحت الظلّاليه ونزلت وخذت الحاجات الي امهاا موصيتها عليهن وفتحت الباب وخشت وقابلتها الشغالة ( ساسي) وخذت منها الاكياس
ملاك:: ماما وين
ساسي:: ماما كبير يروح برا مع بابا
ملاك:: مقالتش امتا مروحه
ساسي:: لا ماما مايقول
ملاك:: باهي انا راكبه لداري بنرقد وبعد تجي ماما قوليلي
ساسي:: حازر
وركبت ملاك فوق وفتحت باب دارها والي كانت كبيرة بكل وسرير ف وسط الدار وقدامه كنبة. ودولاب كبير والزيانة والمكتب الي مليان كتب وبلكوني كبير وفيه كرسي وطاولة والحمام امتاعها وحولت اشربها وحطاته ع السرير وخشت دوشت وطلعت جففت شعرها ولبست شورت ابيض ع الركبة وكت اسود وخشت ف سريرها وقعدت تفكر ف معاذ لعند رقدت
( طبعاً ملاك وحيده هلها معندهش لا خوت ولا خوات وجتهم بعد 8 سنين وباتها مداعها بككل ومافيش حاجة تقولها ملاك ويقول عليها لا وحي عليهم كان حد زعلها وامهاا نفس الشي كلمة بنتها ماتقعدش 2 باتها تاجر كبير وعنده اكثر من مصلحة " عنده محلات ذهب ومعرض سيارات ومصنع دقيق " هضاا عدا المحلات والحواشين الي يأجر فيهن طبعاً بات ملاك عنده 3 خوات بس وباتهم الي هوا جد ملاك اصلاً كان غني وتاجر كبير ومعروف والي عند بات ملاك شي ورثة من باته وشي من شغله وتعبه هواا وامهاا متشتغلش )
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romansرواية ليبية شرقاوية مميزة بقلم الكاتبة Bent_benghazi
