الـــحـلــقـــة الأربـعـون
منى:: كيف مهاا وين
ماما:: جا انس وروحت
منى:: صااح امتا
ماما:: امبدري ف العشية
منى:: اهاا باهي تمام
مريم:: كنك قابله وجك
منى:: ماكني شي
ماما:: صاح جوك شين من اول ماخشيتي
منى:: فجأة هكي قعدت تبكي
ماما:: كنك بسم الله
مريم:: هيييي منيوة كنك
منى:: طلعت حامل اخراا
ماما:: صااح باهي ماشالله
مريم:: كنك مستعجلة يحيى مازال صغير
منى:: مااو هذي اللي قاهرتني ان مازال صغير وانا نبي نعيش مش كل شويه نحمل ونجيب ويعاني
ماما:: هذي نعمة من ربي
مريم:: وعليش اتبكبي تواا ماحد زرك راه كان ماتبيش تحملي را خذيتي احتياطك
منى:: قعدت تمسح ف دموعها تي اسكتي انتي غلطت ف الحسبة شن اندير
مريم:: في حاجه اسمها منع مش غلطت ف الحسبة وقعدت تعايب عليها
منى:: الناس كلها تغلط جت علياا نا يعني
مريم:: معناها ماتجيش واديري مناحه لماما مش ناقصها
ماما:: خلاص يامريم اسكتي
منى:: كنك رايحه حقيره مريم:: لا ياحنه نوري فيكي ان غلطك لو ماتبيش تحملي كنتي انتبهتي
منى:: خالد مايبينيش ناخذ منع
مريم:: ولو كان بعدين احمدي ربك غيرك متمني ومش لاقي
منى:: صبي من وجي امشي
مريم:: حتي نا مصبيه حلوه والله كان ماتبيش تحملي ماحد مسكك علي يدك وقالك ارقدي معاه
ماما:: مريم خلاص
مريم:: ماشية اصلاً وخشت لدارها
منى:: قعدت تبكي
ماما:: خلاص ماتعدليش عليها عارفتيها بعد تعصب تقول كلام وخلاص
منى:: بس معاها الحق كان مفروض ناخذ احتياطي اكثر
ماما:: احمدي ربك وماتبكيش خلاص كلهم يقعدوا سند لكي بعدين اهو اناا عندي 8 ضرّوني. بالعكس ماليين علياا حياتي وكلكم علي روس بعضكم بس كنت عادي
وقعدت ماما تقنع فيهاا وحست روحها تريحت من كلام ماما
اما مريم ف خشت ف دارها وقعدت تقلب ف شيتاتها بملل ورن موبايلها وكان تميم
مريم:: ايواا
تميم:: خيرات بالصوت السمح
مريم:: يانعلياا
تميم:: يعني كان انا مارنيتش انتي ماترنيش
مريم:: والله توا كنت بنرن عليك بس قلت مرات تالاك حد ولا مش فاضي
تميم:: حتي كان مش فاضي نفضالك
مريم:: عارفتك ياروحي
تميم:: باهي كنك تحكي هكي وصوتك غريب
مريم:: والله
تميم:: اهاا في حاجه
مريم:: عادي بس تكيتها من منى شويه
تميم:: ليش
مريم:: موضوع عادي مش مهم بس هياا عصبتني
تميم:: واناا نبي نعرف كل حاجه ف حياتك حتي الاقل من عادي نبي نعرفه
مريم:: كانت تبكي عشان طلعت حامل
تميم:: واللي تطلع حامل تبكي
مريم:: ماني عارفه طروح وخلاص علي قولها عيالها مازال صغار وتبي تعيش حياتها
تميم:: يعني تواا حتي انتي كان طلعتي حامل بتقعدي تبكي
مريم:: هه عنجد نبكي تي نقعد نرقص من الفرحة
تميم:: هههههه تعرفي ترقصي
مريم:: ايييه اناا اللي نعرف نرقص
تميم:: والله بااهي تمام تمام
مريم:: هههههه تحب الاطفال
تميم:: نموت فيهم ونبي عشر عيال
مريم:: من وين بنقدر عليهم 10
تميم:: عادي انا وياكي كيف انتي ماتحبيهمش
مريم:: بالعكس غاليين علياا
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
