الحلقـة الثامنة عشر
وسكتنا نحنا 2 وكل واحد يفكر ف حاجة ووصلنا للحوش ونزلت خشيت للدار وغيرت دبشي ولبست روب سمني طويل وصادا وفيه فتحه لعند الركبه وعليه الطرف امتاعه ومشطت شعري ومشيت فرشيت سنوني وغسلت وجي من اثر الميك اب ودهنت كريمه وبرمت طفيت الضوايا وخشيت لدار النوم وانصدمت. من الي شفته
نا:: حطيت يدي علي فمي مستحيييل
انس:: السلام عليكم ورحمة الله وبركاته , السلام عليكم ورحمة الله وبركاته
نا:: خشيت للدار وقمعزت ع السرير وقعدت نبحت فيه
انس:: كنك تبحتي
نا:: انت كنت تصلي
انس:: وانتي شن شايفه
نا:: لا بجد يعني مش مصدقه جدياات كنت تصلي
انس:: ههههه شن صارلك بسم الله
نا:: من امتا
انس:: شنو هياا الي من امتا
نا:: من امتا تصلي يعني
انس:: مش شورك بيني وبين ربي
نا:: نزلت وقمعزت جنبه ع الارض وحطيت يدي علي يده غييررر هياا والله تقولي من امتا
انس:: وشن يهمك
نا:: نحكي بدلع وبصوت هاادئ انسسسس
انس:: لا هكي بيسير فيهاا كلام اخراا ههههه
نا:: بتقول ولا نصبي
انس:: يهمك تعرفي
نا:: اكيد مالا شنو
انس:: من حاجة اسبوع بلكي
نا:: وكني ماشفتكش
انس:: علي اساس تعبري فياا ولا ادوري فياا عشان تشوفيني بعدين اصلاً اغلب اوقات الصلاة نكون برا الحوش
نا:: باهي وشن حسيت بعد رديت تصلي
انس:: حسيت اني ياتصبي من قدامي يايسير فيها كلام اخراا مازلت ماسك روحي
نا:: هههههههه مانيش مصبيه
انس:: تندمي راه مسكت روحي الا واجد
نا:: متقدرش
انس:: متأكدة
نا:: طبعاً
انس:: جا قرب مني ويبي يشيلني
نا:: لااا وقف وقف
انس:: كنك
نا:: هههه اصلاً مريضة اناا
انس:: كيف يعني مريضة اهو مافيكي شي
نا:: مريضة مريضة ماتعرفش كيف توا
انس:: ونا نقوووول ليش واثقة من روحك
نا:: صبيت ههههه خلاص تصبح علي خير
انس:: صبا ورايا وقرب من وذني وهمسلي نحبببك ياطشتي
نا:: وقتها قعدن عيوني هك O.O اولاً لان متوقتش حبني بعد كل الي درته فيه وتانياً بعد قالي طشتي حسيته ايهم الي يحكي ( مهااا كنك هبلة انتي خلاص ايهم مات خليكي مع انس تواا وركزي معاه)
انس:: كنك قعدتي صنم
نا:: اه لا شي بنطفي الضي تبيه
انس:: لا طفيه
نا:: طفيت الضي وخشيت ف السرير وعطيته بالظهر ورقدت
انس:: استغرب ردة فعلي وحس ان في حاجة غلط بس محبش يحكي وعطاني بالظهر برضوا ورقد
وكل واحد فينا كان يفكر ف حاجة
.
انا كنت نفكر شن الي قاعد يسير معاياا وكيف قربت من انس بالطريقة هذي وكيف اني تعودت علي وجودة ف الحوش ونحكي معاه عادي ونبصر ونضحك
.
وانس كان يفكر ف الحاجز الي بيني وبينه معقوله حيجي يوم وتحبني وتعتبرني زوجها ولا حنعيش طول عمري هكي. معاها كيف حبيتها ياانس بالسرعة هذي براءتها ودمعتها الي تنزل من ابسط حاجة حسها ف الحوش واهتمامها بيك رغم انها تعبتر فيك مش زوجها ضحكتها الي تسحر فيك وتقعد تبحت فيهاا ومعش تنزل عيونك حاجات واجد خلنّك اتعلق بيهاا وانت الي ادير فيه هضاا عشانها ولا عشان روحك تي انت قاعد تنفذ ف طلباتها بلا ماتحس بروحك يكفي ان وقت الي كبّت المشروب مقدرتش حتي تهزبها فاطن لروحك انت انك من يوم ماخشت حوشك المشروب ماخشش فمك اخخخخ يا انننس اخخخ وقعد تمشي ف يده علي وجه وشعره
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
