ﺍﻟﺤﻠﻘـﺔ ﺍﻟـﺴـﺘـﻮﻥ ﻭﺍﻵﺧـﻴـﺮﺓ
ﻭﻏﻴﺮ ﺍﻧﺲ ﺩﺑﺸﻪ ﻭﻃﻠﻊ ﻣﻦ ﺍﻟﺪﺍﺭ ﺟﺘﻨﻲ ﻣﺎﻣﺎ ﺳﺎﻋﺪﺗﻨﻲ ﻧﻐﻴﺮ ﻟﻠﻌﻴﺎﻝ ﻭﻏﻴﺮﺕ ﻫﻴﺎﺍ ﺩﺑﺸﻬﺎ ﻭﻓﻄﺮﻧﺎ ﻭﻃﻠﻌﺖ ﻣﻊ ﺍﻧﺲ ﻭﻧﺰﻟﺖ ﻣﻼﻙ ﻗﻌﺪﺕ ﻣﻌﺎﻳﺎﺍ ﻟﻮﻃﺎ
ﺗﻤﻴﻢ :: ﺣﺒﻴﺒﻲ
ﻣﺮﻳﻢ :: ﻧﻌﻢ
ﺗﻤﻴﻢ :: ﻭﺗﻲ ﺭﻭﺣﻚ ﻫﻴﺎﺍ
ﻣﺮﻳﻢ :: ﻟﻴﺶ
ﺗﻤﻴﻢ :: ﺣﺠﺰﺕ ﻋﻨﺪ ﺩﻛﺘﻮﺭﺓ ﻧﺴﺎﺀ ﻋﺸﺎﻥ ﺗﻤﺸﻲ
ﻣﺮﻳﻢ :: ﺣﺘﻲ ﺍﻧﺖ ﺷﺎﻙ ﺍﻧﻲ ﻣﻨﺠﻴﺒﺶ
ﺗﻤﻴﻢ :: ﻗﺮﺏ ﻣﻨﻬﺎ ﻭﻣﺴﻜﻠﻬﺎ ﻳﺪﻫﺎ ﻫﺒﻠﺔ ﺍﻧﺘﻲ ﺍﻧﺎ ﻣﺎﻳﻬﻤﻨﻴﺶ ﺍﻟﺸﻲ ﻫﻀﺎﺍ ﻭﺣﺠﺰﺗﻠﻚ ﻋﺸﺎﻥ ﺗﻌﺮﻓﻲ ﺍﻥ ﻣﺎﻓﻴﻜﻲ ﺷﻲ ﻭﺍﺗﺮﻳﺤﻲ ﺍﺻﻼً ﺩﻭﺑﻨﺎ ﻣﺘﺰﻭﺟﻴﻦ
ﻣﺮﻳﻢ :: ﺍﺑﺘﺴﻤﺖ ﺣﺎﺿﺮ ﺑﺎﻩ
ﺗﻤﻴﻢ :: ﻣﻄﻮﻟﻴﺶ ﻧﺴﺘﻨﻰ ﻓﻴﻜﻲ
ﻣﺮﻳﻢ :: ﺗﻤﺎﻡ
ﻭﺧﺸﺖ ﻣﺮﻳﻢ ﺗﻐﻴﺮ ﻑ ﺩﺑﺸﻬﺎ ﻭﻟﺒﺴﺖ ﺟﻴﻨﺰ ﻭ ﺑﻠﻮﺯﺓ ﺑﻴﻀﺎ ﺧﻔﻴﻔﻪ ﻟﻠﺮﻛﺒﺔ ﻭﻣﺸﺪﻭﺩﻩ ﺗﺤﺖ ﺍﻟﺼﺪﺭ ﻭﺟﺎﻛﺔ ﺟﻴﻨﺰ ﻗﺼﻴﺮﺓ ﻭﻃﺒﻘﺖ ﻛﻤﺎﻣﻬﺎ ﻭﺍﺷﺮﺏ ﻧﺒﻴﺘﻲ ﻭﺷﻨﻄﺔ ﻧﺒﻴﺘﻴﻪ ﻭﺩﺍﺭﺕ ﻣﻴﻚ ﺍﺏ ﺧﻔﻴﻒ ﺑﻜﻞ ﻭﻟﺒﺴﺖ ﺩﺑﻠﺘﻬﺎ ﻭﺳﺎﻋﺪﺗﻬﺎ ﻭﺍﻧﺴﻴﺎﻟﻪ ﺍﺭﻗﻴﻘﻪ ﺩﻳﻤﺎ ﺗﻠﺒﺲ ﻓﻴﻬﺎ ﻣﻊ ﺍﻟﺴﺎﻋﻪ ﻭﻃﻠﻌﺖ
ﻣﺮﻳﻢ :: ﺣﺒﻴﺒﻲ ﻫﻴﺎﺍ ﻭﺍﺗﻴﻪ ﺍﻧﺎﺍ
ﺗﻤﻴﻢ :: ﻫﻴﺎﺍ ﺑﺎﻩ
ﻣﺮﻳﻢ :: ﺍﻟﻤﻮﻋﺪ ﺍﻟﺴﺎﻋﻪ ﻛﻢ
ﺗﻤﻴﻢ :: 4
ﻣﺮﻳﻢ :: ﻣﺎﻻ ﻋﻠﻴﺶ ﻃﺎﻟﻌﻴﻦ ﻣﻦ ﺗﻮﺍ ﻣﺎﺯﺍﻟﺖ ﺍﻟﺴﺎﻋﻪ 2
ﺗﻤﻴﻢ :: ﺍﻧﺘﻐﺪﻭﺍ ﺑﺮﺍ ﻭﺑﻌﺪﻫﺎ ﻧﻤﺸﻮ
ﻣﺮﻳﻢ :: ﻧﺠﻚ ﻟﻴﺎﺍ ﻭﺑﺎﺳﺎﺗﻪ ﻣﻦ ﺧﺪﻩ ﻧﺤﺒﻚ ﺍﻧﺎﺍ
ﺗﻤﻴﻢ :: ﻫﻬﻬﻬﻪ ﺗﺤﺒﻲ ﺑﻄﻨﻚ ﺍﻛﺜﺮ
ﻣﺮﻳﻢ :: ﻫﻬﻬﻬﻬﻪ ﺑﻼﺵ ﺑﺮﺍﺩﻩ ﻳﺎﺑﺎﺭﺩ ﺍﻃﻠﻊ ﻫﻴﺎﺍ
ﺗﻤﻴﻢ :: ﻫﻴﺎﺍ ﺑﺎﻩ
ﻭﻃﻠﻌﻮﺍ ﻭﺭﻛﺒﻮﺍ ﻑ ﺍﻟﺴﻴﺎﺭﺓ ﻭﻋﺪﻭ ﻭﺳﺘﺮ ﺭﺑﻲ ﻣﺸﺎﻓﺘﻬﻤﺶ ﺍﻡ ﺗﻤﻴﻢ ﻭﻫﻤﺎﺍ ﻃﺎﻟﻌﻴﻦ ﻛﺎﻥ ﻫﻀﺎﺍ ﺭﺍ ﺩﺍﺭﺕ ﻣﻮﺷﺢ ﻭﺩﺭﺳﻮﺍ ﻋﻠﻲ ﻣﻄﻌﻢ ﻭﻧﺰﻟﻮ ﺗﻐﺪﻭ ﻭﻏﻴﺮﻭﺍ ﺟﻮﻫﻢ ﻭﻣﺮﻳﻢ ﺗﻔﻜﺮ ﻭﺑﺎﻟﻬﺎ ﻣﺸﻐﻮﻝ ﻑ ﺍﻥ ﺷﻦ ﻳﻄﻠﻊ ﻋﻨﺪﻫﺎ ﻭﻣﻊ ﺍﻟﺴﺎﻋﻪ 3 ﻭﻧﺺ ﺩﻓﻌﻮﺍ ﺍﻟﺤﺴﺎﺏ ﻭﺻﺒﻮ ﻭﻣﺸﻮ ﺷﻮﻭ ﺍﻟﻌﻴﺎﺩﺓ ﻭﻧﺰﻟﻮ ﻭﻗﻌﺪﺕ ﻣﺮﻳﻢ ﺗﺴﺘﻨﻲ ﻑ ﺩﻭﺭﻫﺎ
ﻧﺎ :: ﺗﻌﺒﻮﻛﻲ ﺑﺎﻫﻲ
ﻣﺎﻣﺎ :: ﺑﺎﻟﻌﻜﺲ ﺳﺎﻛﺘﻴﻦ ﻭﺧﻼﺹ ﻣﺶ ﻋﻴﺎﻃﻴﻦ ﻛﻴﻒ ﻣﺎﺭﻱ
ﻧﺎ :: ﻋﻨﺪﻙ ﺭﻭﺍﺩ ﺣﺼﻠﻪ ﺷﻮﻳﻪ
ﻣﺎﻣﺎ :: ﺍﻫﺎﺍ ﺻﺎﺡ ﺣﺘﻲ ﻃﻮﻝ ﺑﻴﺶ ﺳﻜﺖ ﺑﻌﺪ ﺿﺮﺑﻮﻻ ﺍﻻﺑﺮﺓ
ﻣﻼﻙ :: ﺍﻟﺴﻼﻡ ﻋﻠﻴﻜﻢ
ﻧﺎ ﻭﻣﺎﻣﺎ :: ﻭﻋﻠﻴﻜﻢ ﺍﻟﺴﻼﻡ
ﻣﺎﻣﺎ :: ﻋﻠﻴﺶ ﻧﺰﻟﺘﻲ ﺍﺧﺮﺍﺍ
ﻣﻼﻙ :: ﻣﻌﺎﺫ ﻃﻠﻊ ﻛﺴﺪﺕ ﻓﻮﻕ ﺑﺮﻭﺣﻲ
ﻣﺎﻣﺎ :: ﻣﺶ ﻛﻮﻳﺲ ﻋﻠﻴﻜﻲ ﺍﻟﺪﺭﻭﺝ ﺗﺮﻛﺒﻲ ﻭﺗﻨﺰﻟﻲ ﻭﺍﺟﺪ
ﻣﻼﻙ :: ﻛﺴﺎﺩ ﻣﺎﻭﻭ
ﻧﺎ :: ﺻﺎﺡ ﻭﺍﻋﺮ ﻋﻠﻲ ﻇﻬﺮﻙ ﻭﻳﺎﺭﻳﺘﻪ ﻏﻴﺮ ﺷﻮﻳﻪ ﻑ ﺍﻟﺪﻭﺭ ﺍﻟﺘﺎﻟﺖ
ﻣﻼﻙ :: ﺧﻼﺹ ﺣﺎﺿﺮ ﺗﻮ ﻧﺤﺎﻭﻝ ﻧﺨﻔﻒ
ﻣﺎﻣﺎ :: ﻣﺶ ﻣﺎﻧﺒﻴﻜﺶ ﺗﻨﺰﻟﻲ ﺑﺲ ﺧﺎﻳﻔﻪ ﻋﻠﻴﻜﻲ ﻉ ﺍﻻﻗﻞ ﻛﺎﻥ ﺑﺘﻨﺰﻟﻲ ﻣﻌﺶ ﺗﺮﻛﺒﻲ ﺍﻻ ﺑﻌﺪ ﺗﺒﻲ ﺗﺮﻗﺪﻱ ﻣﺶ ﺗﻘﻌﺪﻱ ﺭﺍﻛﺒﺔ ﻧﺎﺯﻟﻪ
ﻣﻼﻙ :: ﺣﺎﺿﺮ
ﻫﺒﺔ :: ﺍﻟﺴﻼﻡ ﻋﻠﻴﻜﻢ
ﻣﺎﻣﺎ :: ﻣﺮﺣﺒﺎ ﺟﺖ ﺍﻟﻬﺒﻠﺔ ﺍﻟﻠﺨﺮﺓ
ﻫﺒﺔ :: ﻫﻬﻬﻬﻬﻪ ﻋﻠﻴﺶ ﻫﺒﻠﺔ ﻭﺑﺎﺳﺖ ﻋﻠﻲ ﺭﺍﺱ ﻣﺎﻣﺎ ﻭﻗﻤﻌﺰﺕ
ﻣﻼﻙ :: ﻋﻤﻴﻤﻪ ﺧﺎﻳﻔﻪ ﻋﻠﻴﻨﺎ ﻗﺎﻟﺖ ﻣﺶ ﻛﻮﻳﺲ ﺍﻟﺪﺭﻭﺝ ﻧﺎﺯﻻﺕ ﺭﺍﻛﺒﺎﺕ
ﻫﺒﺔ :: ﺷﻦ ﺍﻧﺪﻳﺮﻭﺍ ﺑﺎﻫﻲ ﻛﺴﺎﺩ ﻓﻮﻕ
ﻣﺎﻣﺎ :: ﺣﺘﻲ ﻣﻨﺬﺭ ﻃﻠﻊ
ﻫﺒﺔ :: ﺍﻫﺎﺍ ﻃﻠﻊ ﻭﻋﻨﺪﻩ ﺩﻭﻳﺘﻮ ﺍﻟﻴﻮﻡ
ﻧﺎ :: ﻋﻠﻴﻚ ﺟﻮ ﻳﻌﻨﻲ ﺑﺎﻳﺘﻪ ﻫﻨﺎ ﺍﻟﻴﻮﻡ
ﻫﺒﺔ :: ﺍﻥ ﺷﺎﺀ ﺍﻟﻠﻪ
ﻣﻼﻙ :: ﻛﻴﻒ ﻭﻳﻦ ﺗﻮﺗﻮ
ﻫﺒﺔ :: ﺟﺖ ﺑﺘﻮﻝ ﺍﻣﺒﺪﺭﻱ ﺧﺬﺍﺗﻪ ﻗﺎﻟﺖ ﺑﺎﺑﺎ ﻭﻣﺎﻣﺎ ﻣﺮﺍﻳﻔﻴﻦ ﻋﻠﻴﻪ ﻳﺒﻮﻩ
ﻣﺎﻣﺎ :: ﺷﺨﺒﺎﺭﻩ ﺑﺎﺗﻚ ﻛﻮﻳﺲ
ﻫﺒﺔ :: ﺍﻟﺤﻤﺪﻟﻠﻪ ﺭﺍﻳﺢ ﻣﺘﺤﺴﻦ
ﻣﺎﻣﺎ :: ﺑﺎﻫﻲ ﺍﻟﺤﻤﺪﻟﻠﻪ
ﻣﻼﻙ :: ﻣﺰﺍﻟﻮ ﺭﺍﻗﺪﻳﻦ
ﻫﺒﺔ :: ﺗﻲ ﺍﻣﺘﺎ ﺭﻗﺪﻭ ﻫﻤﺎ ﺍﻣﺒﺪﺭﻱ ﻋﻴﺎﻃﻬﻢ ﻗﺎﻟﺐ ﺍﻟﺪﻧﻴﺎ
ﻧﺎ :: ﻫﻬﻬﻬﻬﻪ ﻗﺼﺪﻙ ﺗﺴﻤﻌﻲ ﻓﻴﻪ
ﻫﺒﺔ :: ﺍﻫﺎﺍ ﻗﻴﺲ ﺍﻟﻈﻬﺮ ﻫﻜﻲ
ﻧﺎ :: ﻛﺎﻧﻮ ﺩﻭﺑﻬﻢ ﻣﺮﻭﺣﻴﻦ ﻣﻦ ﺍﻟﻤﺴﺘﺸﻔﻰ ﻭﻗﺘﻬﺎ
ﻣﺎﻣﺎ :: ﻋﻴﺎﻟﻚ ﻭﻳﻦ ﻣﺶ ﺑﺎﻳﻨﻠﻬﻢ ﺣﺲ
ﻧﺎ :: ﻳﺰﻥ ﻣﻦ ﺍﻭﻝ ﻣﺎﻳﺠﻲ ﻫﻨﺎﺍ ﻭﻫﻮﺍ ﻑ ﺟﺮﺕ ﺣﺎﺗﻢ ﻣﺎﻳﻬﺪﺍ ﺑﻜﻞ ﻭﻣﺎﺭﻱ ﻭﻳﻦ ﻣﺎﻫﻮﺍ ﻭﻳﻦ ﻣﺎﻫﻴﺎﺍ
ﻫﺒﺔ :: ﺻﺎﺡ ﻭﻧﺎ ﻧﺎﺯﻟﺔ ﺳﻤﻌﺖ ﻫﺮﺟﺘﻬﻢ ﻑ ﺷﻘﻪ ﻣﺮﺍﺩ
ﻣﺎﻣﺎ :: ﺭﺍ ﻳﻄﻴﺤﻮ ﻡ ﺍﻟﺪﺭﻭﺝ ﺑﺲ
ﻧﺎ :: ﻻ ﻭﺻﻴﺖ ﻧﺮﺟﺲ ﻋﻠﻴﻬﻢ
ﻣﻨﻰ :: ﺍﻟﺴﻼﻡ ﻋﻠﻴﻜﻢ
ﻛﻠﻨﺎ :: ﻋﻠﻴﻜﻢ ﺍﻟﺴﻼﻡ
ﻣﻨﻰ :: ﺳﻠﻤﺖ ﻋﻠﻲ ﻣﺎﻣﺎ ﻭﺟﺖ ﺳﻠﻤﺖ ﻋﻠﻴﺎﺍ ﺷﻦ ﺩﺍﻳﺮﻳﻦ ﻓﻴﻜﻲ ﺍﻟﻜﺘﺎﻛﻴﺖ
ﻧﺎ :: ﻗﺎﻋﺪﻩ ﺍﻧﺘﻌﺎﻧﺎ ﺍﻧﺎ ﻭﻳﺎﻫﻢ
ﻣﻨﻰ :: ﻛﻴﻒ ﻋﻤﺘﻚ ﻣﺎﺯﺍﻝ ﻣﺎﺟﺖ
ﻧﺎ :: ﻻﻻ
ﻣﻨﻰ :: ﺷﻔﺘﻬﻢ ﻑ ﺍﻟﻄﺮﻳﻖ ﻭﺍﻧﺎ ﺟﺎﻳﻪ ﻫﻴﺎﺍ ﻭﺭﺗﺎﺝ
ﻧﺎ :: ﺍﻫﺎﺍ ﻗﺮﻳﺐ ﻳﻮﺻﻠﻮ ﻣﻌﻨﺎﻫﺎ
ﺍﻟﻤﻤﺮﺿﺔ :: ﻣﺮﻳﻢ ﻣﻔﺘﺎﺡ
ﻣﺮﻳﻢ :: ﺻﺒﺖ ﻫﻴﺎﺍ ﻫﻲ
ﺗﻤﻴﻢ :: ﻧﺨﺶ ﻣﻌﺎﻛﻲ
ﻣﺮﻳﻢ :: ﺑﺎﻩ
.
.
.
.
ﻭﺻﺒﻮ ﺧﺸﻮ ﻉ ﺍﻟﺪﻛﺘﻮﺭﺓ ﻭﺳﻜﺮﺕ ﺍﻟﻤﻤﺮﺿﺔ ﺍﻟﺒﺎﺏ
.
.
.
.
ﺍﻟﺪﻛﺘﻮﺭﺓ :: ﺗﻔﻀﻠﻮ ﻗﻤﻌﺰﻭﺍ
ﻣﺮﻳﻢ :: ﻗﻤﻌﺰﺕ
ﺗﻤﻴﻢ :: ﻳﺒﺤﺖ ﻓﻴﻬﺎ ﻋﺸﺎﻥ ﺗﻬﺪﺍ
ﺍﻟﺪﻛﺘﻮﺭﺓ :: ﺗﺸﻜﻲ ﻣﻦ ﺣﺎﺟﺔ ﻣﻌﻴﻨﻪ
ﻣﺮﻳﻢ :: ﻻ ﻣﻨﺤﺲ ﻑ ﺷﻲ ﺑﺲ ﺍﻧﺎﺍ ﻟﻴﺎﺍ ﺧﻤﺲ ﺷﻬﻮﺭ ﻣﺘﺰﻭﺟﺔ ﻭﻟﺤﺪ ﺍﻻﻥ ﻣﺎﺻﺎﺭﺵ ﺣﻤﻞ
ﺍﻟﺪﻛﺘﻮﺭﺓ :: ﺿﺤﻜﺖ ﺩﻳﻤﺎ ﻣﺴﺘﻌﺠﻼﺕ ﻉ ﺍﻟﺤﻤﻞ ﺍﻧﺘﻦ
ﻣﺮﻳﻢ :: ﻻ ﺑﺲ ﺣﺎﺑﻪ ﺍﻧﺘﺄﻛﺪ ﺍﻧﻲ ﺳﻠﻴﻤﺔ ﻭﻧﻘﺪﺭ ﻧﺤﻤﻞ
ﺗﻤﻴﻢ :: ﻣﺮﺍﺗﻲ ﺧﻮﺍﻓﻪ ﺷﻮﻳﻪ
ﺍﻟﺪﻛﺘﻮﺭﺓ :: ﻻ ﻋﺎﺩﻱ ﻫﺪﻱ ﻏﺮﻳﺰﺓ ﺍﻻﻣﻮﻣﻪ
ﺗﻤﻴﻢ :: ﺍﻫﺎﺍ ﺩﻳﻤﺎ ﻣﺴﺘﻌﺠﻠﺔ
ﺍﻟﺪﻛﺘﻮﺭﺓ :: ﻋﺎﺩﻱ ﻑ ﺣﺎﻻﺕ ﻭﺍﺟﺪ ﻳﺠﻦ ﺍﻟﺸﺨﺼﻴﻦ ﺳﻠﻴﻤﻴﻦ ﻭﻣﺎﻳﺴﻴﺮﺵ ﺣﻤﻞ ﺍﻻ ﺑﻌﺪ ﻓﺘﺮﺓ ﻣﻤﻜﻦ ﺳﻨﺔ ﺍﻭ 2 ﻭﻣﺮﺍﺕ ﺣﺘﻲ ﺍﻛﺜﺮ
ﺗﻤﻴﻢ :: ﺳﻤﻌﺘﻲ
ﻣﺮﻳﻢ :: ﻧﺒﻲ ﻧﻄﻤﻦ ﺑﺎﻫﻲ ﺍﻧﺎﺍ
ﺍﻟﺪﻛﺘﻮﺭﺓ :: ﻻ ﻃﺒﻌﺎً ﺍﻛﻴﺪ ﺣﻘﻚ ﻫﻀﺎﺍ ﺗﻔﻀﻠﻲ ﻣﻌﺎﻳﺎﺍ ﻋﺸﺎﻥ ﻧﻜﺸﻒ ﻋﻠﻴﻜﻲ
ﻣﺮﻳﻢ :: ﺑﺎﻩ
.
.
.
.
.
ﻭﺻﺒﺖ ﻣﺮﻳﻢ ﻭﻛﺸﻔﺖ ﻋﻠﻴﻬﺎﺍ ﺍﻟﺪﻛﺘﻮﺭﺓ ﻭﺗﻤﻴﻢ ﻳﺴﺘﻨﻲ ﻓﻴﻬﻢ ﻭﺷﻮﻳﻪ ﻫﻜﻲ ﻭﺟﻦ ﻗﻤﻌﺰﻥ
.
.
.
.
.
ﺗﻤﻴﻢ :: ﺑﺤﺖ ﻑ ﺍﻟﺪﻛﺘﻮﺭﺓ
ﺍﻟﺪﻛﺘﻮﺭﺓ :: ﻫﻜﻲ ﺑﺎﻳﻦ ﺍﻥ ﺳﻠﻴﻤﺔ ﺑﺲ ﺣﻨﻜﺘﺒﻠﻜﻢ ﻋﻠﻲ ﻣﺠﻤﻮﻋﺔ ﺗﺤﺎﻟﻴﻞ ﻭﻓﺼﻮﺣﺎﺕ ﺍﺩﻳﺮﻭﻫﺎ ﺍﻧﺘﻮ ﺍﻻﺗﻨﻴﻦ ﻭﺗﺠﻴﺒﻮﻫﺎ ﻟﻴﺎﺍ ﻋﺸﺎﻥ ﺍﻧﺘﺄﻛﺪﻭ
ﻣﺮﻳﻢ :: ﺍﻣﺘﺎ ﻧﺠﻴﺒﻮﻫﻦ
ﺍﻟﺪﻛﺘﻮﺭﺓ :: ﺯﻱ ﻣﺎﺗﺤﺒﻮ ﺍﻧﺎ ﻧﻤﺴﻚ ﺑﻜﺮﺍ ﻭﺑﻌﺪ ﺑﻜﺮﺍ
ﺗﻤﻴﻢ :: ﺗﻤﺎﻡ ﺍﻥ ﺷﺎﺀ ﺍﻟﻠﻪ
ﻣﺮﻳﻢ :: ﺑﺎﺭﻙ ﺍﻟﻠﻪ ﻓﻴﻚ
ﺍﻟﺪﻛﺘﻮﺭﺓ :: ﻓﻴﻨﺎ ﻭﻓﻴﻚ
ﻭﺻﺒﻮ ﻣﺮﻳﻢ ﻭﺗﻤﻴﻢ ﻭﻋﻼﻣﺎﺕ ﺍﻟﺮﺿﻰ ﻋﻠﻲ ﻭﺟﻮﻫﻬﻢ ﻭﻃﻠﻌﻮﺍ ﻭﻗﻌﺪﻭﺍ ﻳﺪﻳﺮﻭﺍ ﻑ ﺍﻟﺘﺤﺎﻟﻴﻞ ﺍﻟﻲ ﻛﺘﺒﺘﻬﻦ ﺍﻟﺪﻛﺘﻮﺭﺓ ﻭﺍﻏﻠﺒﻬﻦ ﻳﺎﺧﺪﻥ ﻳﻮﻣﻴﻦ ﺑﻴﺶ ﻳﻄﻠﻌﻦ ﻭﻛﻤﻠﻮﺍ ﺷﻐﻠﻮﻫﻢ ﻭﺗﺤﺎﻟﻴﻠﻬﻢ ﻭﻣﻊ ﺍﻟﻤﻐﺮﺏ ﻫﻜﻲ ﺟﺖ ﻣﺮﻳﻢ ﻟﺤﻮﺵ ﻫﻠﻲ ﻭﻛﺎﻧﺖ ﻗﺎﻋﺪﺓ ﻋﻤﺘﻲ ﻭﺭﺗﺎﺝ ﻭﺻﺒﺎﻳﺎ ﺧﻮﺗﻲ ﻭﺍﻟﺠﺎﺭﺍﺕ
ﻣﺮﻳﻢ :: ﺍﻟﺴﻼﻡ ﻋﻠﻴﻜﻢ
ﻛﻠﻨﺎ :: ﻭﻋﻠﻴﻜﻢ ﺍﻟﺴﻼﻡ
ﻣﺎﻣﺎ :: ﻭﻳﻨﻚ ﻟﻌﻨﺪ ﺗﻮﺍ
ﻣﺮﻳﻢ :: ﻛﺎﻥ ﻋﻨﺪﻱ ﻛﻢ ﺣﺎﺟﻪ ﺍﻧﺪﻳﺮ ﻓﻴﻬﻦ
ﻧﺎ :: ﺭﺍﻣﻲ ﺍﻧﺘﻌﺒﻚ ﻣﻌﺎﻳﺎﺍ
ﻣﺮﻳﻢ :: ﻧﻌﻢ
ﻧﺎ :: ﻑ ﺗﺮﻣﺲ ﻑ ﺍﻟﻤﻄﺒﺦ ﻓﻴﻪ ﺧﻠﻄﺔ ﺟﻴﺒﻴﻠﻲ ﻣﻨﻪ
ﻣﺮﻳﻢ :: ﺣﺎﺿﺮ ﺑﺎﻩ
ﻋﻤﺘﻲ :: ﺍﻧﺲ ﺑﺎﺕ ﻫﻨﺎﺍ ﺍﻣﺲ
ﻧﺎ :: ﺍﻫﺎﺍ ﻗﻌﺪ ﻫﻨﺎﺍ ﺟﺎ ﻣﺘﺄﺧﺮ ﺍﺻﻼً ﻗﺘﻠﻪ ﻣﺎﻓﻴﻚ ﻣﺎﺭﻭﺡ
ﻋﻤﺘﻲ :: ﺍﻫﺎﺍﺍ
ﺭﺗﺎﺝ :: ﻓﺎﻗﺪﻳﻦ ﺣﺴﻜﻢ ﻑ ﺍﻟﺤﻮﺵ
ﻋﻤﺘﻲ :: ﺍﻣﺘﺎ ﺑﺘﺮﻭﺣﻲ
ﻧﺎ :: ﻛﻢ ﻳﻮﻡ ﻭﺍﻧﺮﻭﺡ ﺍﻥ ﺷﺎﺀ ﺍﻟﻠﻪ
ﻋﻤﺘﻲ :: ﺍﺳﺒﻮﻉ ﺍﻟﻌﻴﺎﻝ ﻑ ﺍﻟﺤﻮﺵ ﺍﻥ ﺷﺎﺀ ﺍﻟﻠﻪ
ﻧﺎ :: ﺍﻥ ﺷﺎﺀ ﺍﻟﻠﻪ
ﻣﺮﻳﻢ :: ﻫﺎﻛﻲ
ﻧﺎ :: ﺻﺤﻴﺘﻲ
ﻣﺮﻳﻢ :: ﺳﻠﻤﻚ
ﺳﻠﻴﻢ :: ﻭﻟﻴﺶ ﻗﺮﺭﺗﻮ ﻓﺠﺄﺓ ﻫﻜﻲ
ﺍﻧﺲ :: ﺗﺒﻲ ﺍﻟﺤﻖ ﻣﺶ ﻓﺠﺄﺓ ﻟﻴﺎﺍ ﺍﺭﺑﻊ ﺷﻬﻮﺭ ﻭﻧﺎ ﻧﻔﻜﺮ ﻑ ﺍﻟﻤﻮﺿﻮﻉ ﻭﻟﻘﻴﺖ ﺍﻥ ﺍﻧﺴﺐ ﺣﻞ
ﺳﻠﻴﻢ :: ﻭﺍﻣﻲ ﺑﺎﻫﻲ ﻗﻠﺘﻠﻬﺎ
ﺍﻧﺲ :: ﻣﺎﺯﺍﻝ
ﺳﻠﻴﻢ :: ﻓﻴﺶ ﺗﺮﺍﺟﻲ
ﺍﻧﺲ :: ﺧﺎﻳﻒ ﻣﻦ ﺭﺩﺓ ﻓﻌﻠﻬﺎ
ﺳﻠﻴﻢ :: ﻣﻬﻤﺎ ﻛﺎﻥ ﺑﺲ ﻻﺯﻡ ﺗﻘﻮﻟﻠﻬﺎ
ﺍﻧﺲ :: ﺧﻴﺮ ﺍﻥ ﺷﺎﺀ ﺍﻟﻠﻪ
ﺳﻠﻴﻢ :: ﺯﻳﺪ ﻓﻜﺮ ﺑﺎﻫﻲ
ﺍﻧﺲ :: ﻭﺍﻟﻠﻪ ﻳﺎﺳﻠﻴﻢ ﻓﻜﺮﺕ ﻭﺍﺟﺪ ﻭﻟﻘﻴﺖ ﺍﻥ ﻣﺼﻠﺤﺔ ﻋﻴﺎﻟﻲ ﻏﺎﺩﻱ ﺗﺸﻮﻑ ﻑ ﺍﻟﻮﺿﻊ ﺑﺮﻭﺣﻚ
ﺳﻠﻴﻢ :: ﺑﺎﻫﻲ ﺑﺲ ﻣﻬﻤﺎ ﻛﺎﻥ ﻫﻜﻲ ﺣﺘﺮﺑﻮﺍ ﺑﻌﻴﺪ ﻋﻠﻲ ﻫﻠﻬﻢ
ﺍﻧﺲ :: ﻣﺶ ﻣﺎﺷﻴﻦ ﺑﻜﻞ ﻧﺤﻨﺎ ﺣﻨﻘﻌﺪﻭﺍ ﻧﺠﻮ ﺯﻳﺎﺭﺍﺕ
ﺳﻠﻴﻢ :: ﺑﺮﺍﺣﺘﻚ ﻭﺍﻣﺘﺎ ﻧﺎﻭﻱ ﺗﻤﺸﻲ
ﺍﻧﺲ :: ﻣﺎﺯﺍﻝ ﻣﻤﻜﻦ 3 ﺷﻬﻮﺭ ﺍﺧﺮﺍﺍ ﺍﻧﺘﻢ ﺍﻟﺒﺎﺳﺒﻮﺭﺍﺕ ﻭﺍﻟﺘﺄﺷﻴﺮﺓ
ﺳﻠﻴﻢ :: ﻣﺎﻭ ﺍﻧﺖ ﻭﻳﺰﻥ ﻋﻨﺪﻛﻢ ﺟﻨﺴﻴﻪ
ﺍﻧﺲ :: ﺑﺎﻫﻲ ﺑﺲ ﺍﻧﺎ ﺟﻨﺴﻴﺘﻲ ﺧﺬﻳﺘﻬﺎ ﺑﻌﺪ ﺍﺯﻭﺟﺖ ﺟﻴﻨﺎ ﺍﻟﻠﻪ ﻳﺮﺣﻤﻬﺎ ﻭﻣﻨﻘﺪﺭﺵ ﻧﻌﻄﻴﻬﺎ ﻟﻤﻬﺎﺍ
ﺳﻠﻴﻢ :: ﺍﻫﺎﺍﺍ ﺑﺎﻫﻲ ﺭﺑﻲ ﻳﺴﻬﻞ
ﺍﻧﺲ :: ﺍﻥ ﺷﺎﺀ ﺍﻟﻠﻪ
ﺳﻠﻴﻢ :: ﻛﻠﻤﻨﻲ ﻣﺴﻌﻮﺩ ﻭﻟﺪ ﻋﻴﺖ ﺍﻟﻤﺠﺒﺮﻱ
ﺍﻧﺲ :: ﻛﻨﻪ ﺷﻦ ﻳﺒﻲ
ﺳﻠﻴﻢ :: ﻳﺒﻲ ﻳﺸﺮﻱ ﻣﺤﻞ ﺑﺎﺗﻲ ﺍﻟﻠﻪ ﻳﺮﺣﻤﻪ
ﺍﻧﺲ :: ﻭﻣﻦ ﻗﺎﻟﻪ ﻧﺒﻮ ﻧﺒﻴﻌﻮﻩ
ﺳﻠﻴﻢ :: ﺍﻟﻤﺤﻞ ﻣﺴﻜﺮ ﻣﻦ ﻭﻓﺎﺓ ﺍﻟﻤﺮﺣﻮﻡ
ﺍﻧﺲ :: ﻣﻬﻤﺎ ﻛﺎﻥ ﺑﺲ ﻣﺎﻧﺒﻴﺶ ﻧﺒﻴﻌﻮﻩ ﺗﻌﺐ ﻓﻴﻪ ﺑﺎﺗﻲ ﺍﻟﻤﺤﻞ ﻣﺎﻧﻴﺶ ﺑﺎﻳﻌﻪ
ﺳﻠﻴﻢ :: ﻫﺎ ﻳﻘﻌﺪ ﻫﻜﻲ ﻳﻌﻨﻲ
ﺍﻧﺲ :: ﺗﻮ ﻧﺤﻂ ﻓﻴﻪ ﻭﺍﺣﺪ ﻭﻳﻘﻌﺪ ﺍﻳﺮﺍﺩﻩ ﻳﺠﻲ ﻻﻣﻲ ﺑﺲ ﺑﻴﻊ ﻻ
ﺳﻠﻴﻢ :: ﻋﻠﻲ ﻛﻴﻔﻚ ﺍﻧﺎ ﺍﻟﻲ ﻋﻠﻴﺎ ﺍﻧﻲ ﻗﺘﻠﻚ
ﺍﻧﺲ :: ﺻﺒﺎ
ﺳﻠﻴﻢ :: ﻭﻳﻦ
ﺍﻧﺲ :: ﻣﺎﺷﻲ ﻟﻬﻠﻲ
ﺳﻠﻴﻢ :: ﺟﻴﺐ ﻣﻌﺎﻙ ﺍﻣﻲ ﻭﺭﺗﺎﺝ ﺑﺎﻟﻤﺮﻩ
ﺍﻧﺲ :: ﺑﺎﻩ
ﻟﻴﺚ :: ﻋﻤﻮ ﺑﻨﻤﺸﻲ ﻣﻌﺎﻙ
ﺳﻠﻴﻢ :: ﺧﻠﻴﻚ ﻫﻨﺎﺍ ﻋﻤﻮ ﻣﺶ ﻓﺎﺿﻲ
ﺍﻧﺲ :: ﺧﻠﻴﻪ ﻫﻴﺎﺍ ﺍﻟﺒﺲ ﻛﻨﺪﺭﺗﻚ ﻭﺗﻌﺎﻝ
ﻏﻴﺚ :: ﻫﻴﻴﻲ ﻋﻤﻮ ﻭﻳﻦ ﻣﺎﺷﻲ ﻟﻴﺚ
ﺍﻧﺲ :: ﻫﻬﻬﻬﻬﻪ ﺗﻌﺎﻝ ﺣﺘﻲ ﺍﻧﺖ
ﺳﻠﻴﻢ :: ﻣﺶ ﺣﻴﺮﻳﺤﻮﻙ ﺭﺍﻩ
ﺍﻧﺲ :: ﻣﺎﻋﻠﻴﻚ ﻓﻴﻬﻢ ﻳﻼ ﺍﻟﺒﺴﻮ ﻛﻨﺎﺩﺭﻛﻢ ﻭﺍﻃﻠﻌﻮﺍ ﻑ ﺍﻟﺴﻴﺎﺭﺓ
ﻭﻃﻠﻊ ﺍﻧﺲ ﻫﻮﺍ ﻭﻋﻴﺎﻝ ﺳﻠﻴﻢ ﻭﺧﻄﻤﻮﺍ ﻣﻦ ﻗﺪﺍﻡ ﺣﻠﻮﺍﻧﻲ ﺩﺍﺭﻭﻟﻪ ﻋﻴﺎﻃﺎﺕ ﻳﺒﻮ ﺟﻮﻻﻃﻲ ﻧﺰﻝ ﺧﺬﺍﻟﻬﻢ ﻭﺟﻮ ﻑ ﺍﻟﺤﻮﺵ ﻭﻧﺰﻟﻮ ﻋﻴﺎﻝ ﺳﻠﻴﻢ ﻭﺧﺸﻮ ﻋﻠﻴﻨﺎ ﻳﺠﺮﻭﺍ
ﺭﺗﺎﺝ :: ﻫﻴﻲ ﻣﻦ ﺟﺎﺑﻜﻢ
ﻟﻴﺚ :: ﻋﻤﻮ ﺍﻧﺲ
ﻋﻤﺘﻲ :: ﻭﻳﻨﻪ ﻗﺎﻋﺪ ﺑﺮﺍ
ﻏﻴﺚ :: ﺍﻫﺎﺍ ﻣﻊ ﺧﻮﺕ ﻋﻤﻴﻤﻪ ﻣﻬﺎﺍ
ﻣﺎﻣﺎ :: ﻗﻮﻟﻪ ﺧﺶ ﻣﺎﻓﻴﺶ ﺣﺪ ﻏﺮﻳﺐ
ﻳﺰﻥ :: ﻫﻴﻴﻲ ﺑﺎﺑﺎ ﺫﺍ ﻭﻃﻠﻊ ﻳﺠﺮﻱ
ﻧﺎ :: ﻋﻠﻴﺶ ﺗﻘﻴﺪﻱ ﻑ ﺍﻟﺒﻨﺎﺕ ﺗﻮ ﻧﻄﻠﻊ ﺍﻧﺎ
ﻣﺎﻣﺎ :: ﻻﻻ ﺧﻠﻴﻚ ﻣﻜﺎﻧﻚ ﺧﺸﻦ ﺍﻧﺘﻦ ﺟﻮﺍ ﻛﺎﻥ ﺗﺒﻦ
ﻫﺒﺔ :: ﺣﺎﺿﺮ ﻫﻲ ﻟﻮﻛﺎ ﺻﺒﻴﻨﻲ ﻣﻌﺎﻛﻲ
ﻣﻼﻙ :: ﻫﺎﺗﻲ ﻳﺪﻙ
ﻣﺎﻣﺎ :: ﻧﺮﺟﺲ ﻭﺭﺅﻳﺔ ﻑ ﺍﻟﻤﻄﺒﺦ ﺑﻴﺶ ﺗﻘﻮﻟﻠﻬﻦ ﺍﻥ ﺍﻧﺲ ﺟﻮﺍ
ﻫﺒﺔ :: ﺣﺎﺿﺮ
ﻭﺷﻮﻳﻪ ﻫﻜﻲ ﻭﺧﺶ ﺍﻧﺲ ﻭﻛﻨﺖ ﺍﻧﺎ ﻭﻣﺎﻣﺎ ﻭﻣﺮﻳﻢ ﻭﻣﻨﻰ ﻑ ﺍﻟﺪﺍﺭ
ﺍﻧﺲ :: ﺍﻟﺴﻼﻡ ﻋﻠﻴﻜﻢ
ﻛﻠﻨﺎ :: ﻭﻋﻠﻴﻜﻢ ﺍﻟﺴﻼﻡ
ﺍﻧﺲ :: ﺑﺎﺱ ﻋﻠﻲ ﺭﺍﺱ ﻣﺎﻣﺎ ﻭﻋﻤﺘﻲ ﻭﻗﻤﻌﺰ ﺟﻨﺒﻲ
ﺭﺗﺎﺝ :: ﺍﻧﺖ ﺟﺒﺘﻬﻢ ﻣﻌﺎﻙ ﺍﻟﻌﻴﺎﻝ
ﺍﻧﺲ :: ﺍﻫﺎﺍ ﺷﺎﻓﻮﻧﻲ ﻃﺎﻟﻊ ﻟﺼﻘﻮ ﻓﻴﺎﺍ
ﻳﺰﻥ :: ﺧﺎﺵ ﻳﺒﻜﻲ ﺑﺎﺍﺍﺍﺑﺎﺍﺍﺍ
ﺍﻧﺲ :: ﻛﻨﻚ ﻳﺎﺑﺎﺑﺎ
ﻳﺰﻥ :: ﺍﺑﻲ ﺫﻭﺍﺗﻲ ﻧﺎ
ﻧﺎ :: ﺟﻮﻻﻃﻲ ﺷﻦ ﺩﻭﺗﻪ
ﺍﻧﺲ :: ﺷﻜﻼ ﺷﺎﻓﻪ ﻋﻨﺪ ﻟﻴﺚ ﻭﻏﻴﺚ
ﺭﺗﺎﺝ :: ﻫﺎﺑﺎ ﻋﻠﻴﻬﻢ ﻋﻴﺎﻟﻲ ﺍﻧﻈﺮ ﺷﻦ ﺩﺍﻳﺮﻳﻨﻼ
ﺍﻧﺲ :: ﺗﻮﻭﻧﺠﻴﺒﻠﻚ ﺑﻌﺪﻳﻦ ﺑﺎﻫﻲ
ﻳﺰﻥ :: ﺍﻻ ﺍﻻ ﺍﺑﻲ ﺗﻮ ﺍﻻ
ﺍﻧﺲ :: ﺑﺎﻫﻲ ﻳﺎﺑﺎﺑﺎ ﺧﻼﺹ ﺗﻨﻮﺽ ﺧﻮﺗﻚ ﺣﺮﺍﻡ ﺭﺍﻗﺪﻳﻦ
ﻳﺰﻥ :: ﻫﻤﺎ ﺩﻳﻤﺎ ﻻﻗﺪﻳﻦ ﻭﻋﻮﺵ ﺑﺘﻞ
ﻧﺎ :: ﻫﻬﻬﻬﻬﻬﻪ ﺻﺪﻕ ﻣﺴﻜﻴﻦ ﻛﻠﻤﺔ ﻳﺪﻳﺮ ﻫﺮﺟﺔ ﻳﻘﻮﻟﻮﻻ ﺭﺍﻗﺪﻳﻦ
ﺍﻧﺲ :: ﻣﺎﺭﻱ ﻭﻳﻦ
ﻧﺎ :: ﺍﻫﻲ ﺭﺍﻗﺪﻩ ﺟﻨﺒﻚ
ﺍﻧﺲ :: ﺍﻟﻄﺸﺔ ﻫﺬﻱ ﻣﺸﻔﺘﻬﺶ
ﻣﺮﻳﻢ :: ﺗﻌﺎﻝ ﻳﺰﻭﻧﻪ ﻋﻨﺪﻱ ﺷﻮﻛﻼﻃﺔ ﺷﻮﻑ
ﻳﺰﻥ :: ﻋﺪﺍﻟﻬﺎ ﻳﺠﺮﻱ
ﻣﺎﻣﺎ :: ﻣﻨﻴﻮﻩ ﺻﻮﺕ ﻳﺎﺭﺍ ﺗﻌﻴﻂ ﺭﺍﻩ
ﻣﻨﻰ :: ﻋﻠﻴﻚ ﻗﺼﺔ ﻣﺎﺗﺴﻜﺖ ﺑﻜﻞ ﻭﺻﺒﺖ
ﺍﻧﺲ :: ﺑﺮﻡ ﻋﻠﻴﺎﺍ ﺗﺤﺴﻲ ﻑ ﺣﺎﺟﻪ
ﻧﺎ :: ﻻ ﺍﻟﺤﻤﺪﻟﻠﻪ ﺍﺣﺴﻦ ﻣﻦ ﻗﺒﻞ
ﺍﻧﺲ :: ﺍﻟﺠﺮﺡ ﻳﻮﺟﻊ ﻓﻴﻜﻲ
ﻧﺎ :: ﺷﻮﻳﻪ ﻣﺶ ﻭﺍﺟﺪ
ﺍﻧﺲ :: ﺑﺎﻫﻲ ﺗﻤﺎﻡ
ﻭﺷﻮﻳﻪ ﻫﻜﻲ ﻫﺪﺭﺯ ﺣﺬﺍﻧﺎ ﺍﻧﺲ ﻭﺻﺒﺎ ﺭﻭﺡ ﻫﻮﺍ ﻭﻋﻤﺘﻲ ﻭﺭﺗﺎﺝ ﻭﺟﺎ ﺗﻤﻴﻢ ﺭﻭﺡ ﺑﻤﺮﻳﻢ ﻭﺣﻄﺖ ﻣﻨﻰ ﻋﻠﻲ ﻃﺮﻳﻘﻬﺎ ﻑ ﺣﻮﺷﻬﺎ ﻋﺸﺎﻥ ﺧﺎﻟﺪ ﻣﺮﻭﺡ ﻣﺘﺄﺧﺮ ﻭﺭﻛﺒﻦ ﻣﻼﻙ ﻭﻧﺮﺟﺲ ﻭﺭﺅﻳﺔ ﺍﻟﻲ ﻫﺬﻱ ﻟﺸﻘﺘﻬﺎ ﻭﻗﻌﺪﺕ ﺍﻧﺎ ﻭﻣﺎﻣﺎ ﻭﻫﺒﺔ
ﺗﻤﻴﻢ :: ﺷﻦ ﺍﺩﻳﺮﻱ
ﻣﺮﻳﻢ :: ﺍﻧﺪﻳﺮ ﻑ ﻋﺸﺎﺀ
ﺗﻤﻴﻢ :: ﻣﺎﻓﻴﺶ ﺩﺍﻋﻲ ﻣﺎﻧﻴﺶ ﺟﻌﺎﻥ ﺭﺍﻩ
ﻣﺮﻳﻢ :: ﺍﻧﺎ ﺟﻌﺎﻧﻪ ﺩﺍﺭﻭ ﻣﻜﺮﻭﻧﺔ ﻏﺎﺩﻱ ﻭﺍﻧﺎ ﻣﻨﺤﺒﻬﺶ
ﺗﻤﻴﻢ :: ﺷﻦ ﺍﺩﻳﺮﻱ ﺑﺎﻫﻲ
ﻣﺮﻳﻢ :: ﺳﻜﺎﻟﻮﺏ
ﺗﻤﻴﻢ :: ﺍﻗﻠﻲ ﺣﺘﻲ ﺑﻄﺎﻃﺎ
ﻣﺮﻳﻢ :: ﻫﻬﻬﻪ ﻛﻴﻒ ﺻﺎﺭ ﻣﺶ ﻛﻨﺖ ﻣﺶ ﺟﻌﺎﻥ
ﺗﻤﻴﻢ :: ﺗﻮﺍ ﻗﻌﺪﺕ ﺟﻌﺎﻥ ﺷﻦ ﺩﺧﻠﻚ ﺍﻧﺘﻲ
ﻣﺮﻳﻢ :: ﻫﻬﻬﻬﻬﻬﻪ
ﺗﻤﻴﻢ :: ﺑﺎﺭﺩﻩ ﻫﺬ
ﻣﺮﻳﻢ :: ﻗﻌﺪﺕ ﺗﻘﺮﺻﻼ ﻑ ﺧﺪﻭﺩﻩ ﻧﺠﻴﻪ ﺣﺒﻴﺒﻲ
ﺗﻤﻴﻢ :: ﻗﻌﺪ ﻳﻀﺤﻚ ﺍﻟﻮﻛﺎﻝ ﺍﻧﺤﺮﻕ
ﻣﺮﻳﻢ :: ﺣﻲ ﻋﻠﻴﺎ ﺑﺮﻣﺖ ﻉ ﺍﻟﻐﺎﺯ ﻭﻗﻌﺪﺕ ﺗﻜﻤﻞ
ﺗﻤﻴﻢ :: ﺍﻣﺘﺎ ﺑﻴﻤﺸﻮ ﻣﻬﺎ ﻭﺍﻧﺲ
ﻣﺮﻳﻢ :: ﻣﺸﻌﺎﺭﻑ ﺑﺎﻟﻀﺒﻂ ﺑﺲ ﻉ ﺍﻻﻏﻠﺐ ﺑﻌﺪ ﺭﻣﻀﺎﻥ
ﺗﻤﻴﻢ :: ﺍﻫﺎﺍ ﺍﺣﺴﻦ ﻣﺎﺩﺍﺭﻭ ﻭﺍﻟﻠﻪ ﺑﺬﺍﺕ ﻫﻤﺎ 2 ﺩﻛﺎﺗﺮﺓ
ﻣﺮﻳﻢ :: ﺑﺲ ﻧﺮﺍﻳﻒ ﻋﻠﻴﻬﺎ ﻫﻜﻲ
ﺗﻤﻴﻢ :: ﻣﺶ ﻣﺎﺷﻴﻴﻦ ﻭﻣﻌﺶ ﻳﺠﻮ ﻫﻤﺎﺍ ﺣﻴﻘﻌﺪﻭ ﻳﺪﻳﺮﻭﺍ ﻑ ﺯﻳﺎﺭﺍﺕ
ﻣﺮﻳﻢ :: ﺻﻮﺗﻬﺎ ﺍﻧﺨﻨﻖ ﻭﺩﻣﻮﻋﻬﺎ ﻣﻠﻦ ﻋﻴﻮﻧﻬﺎ ﺍﻧﺖ ﻣﺸﻌﺎﺭﻑ ﻣﻬﺎﺍ ﺷﻨﻮ ﺑﺎﻟﻨﺴﺒﺔ ﻟﻴﺎﺍ ﻣﺶ ﻣﺠﺮﺩ ﺍﺧﺖ ﻣﻨﻘﺪﺭﺵ ﻧﻌﻴﺶ ﺑﻼﺩﻫﺎ
ﺗﻤﻴﻢ :: ﺻﺒﺎﺍ ﻭﺧﺬﺍﻫﺎ ﻑ ﺣﻀﻨﻪ ﺣﺒﻴﺒﻲ ﻛﺒﺮﻱ ﻋﻘﻠﻚ ﻫﻴﺎﺍ ﻣﺼﻠﺤﺘﻬﺎ ﻏﺎﺩﻱ ﻭﺗﻘﺪﺭ ﺍﻃﻮﺭ ﺭﻭﺣﻬﺎ
ﻣﺮﻳﻢ :: ﺑﺲ ﻫﻴﺎﺍ ﺣﺘﻤﺸﻲ ﻭﻧﻘﻌﺪ ﺑﺎﻟﺴﻨﻴﻦ ﻣﺶ ﺣﻨﺸﻮﻓﻬﺎ
ﺗﻤﻴﻢ :: ﻗﻌﺪ ﻳﻤﺴﺤﻠﻬﺎ ﻑ ﺩﻣﻮﻋﻬﺎ ﻣﺎﻭ ﺍﻫﻮ ﺍﻧﺎﺍ ﻣﻌﺎﻛﻲ ﻣﺶ ﺗﻘﻮﻟﻴﻠﻲ ﺍﻥ ﻣﺎﺗﺒﻴﺶ ﺷﻲ ﺍﻻ ﺗﻌﻴﺸﻲ ﻣﻌﺎﻳﺎ
ﻣﺮﻳﻢ :: ﺿﺤﻜﺖ ﺍﻧﺤﺒﻚ ﻻﻥ
ﺗﻤﻴﻢ :: ﺍﺿﺤﻜﻲ ﺧﻼﺹ ﻣﻌﺶ ﺗﺒﻜﻲ ﻭﻣﻬﺎﺍ ﻫﻜﻲ ﻧﺼﻴﺒﻬﺎ ﻣﺎﺗﻨﺪﺭﻳﺶ ﻣﺮﺍﺕ ﺣﺘﻲ ﻧﺤﻨﺎ ﻳﺠﻲ ﻳﻮﻡ ﻭﻧﻤﺸﻮ ﻟﺸﻲ ﻣﻜﺎﻥ
ﻣﺮﻳﻢ :: ﺣﻀﻨﺎﺗﻪ ﺭﺩ ﺑﺎﻟﻚ ﺗﺨﻠﻴﻨﻲ ﻑ ﻳﻮﻡ ﻻﻥ ﻭﻗﺘﻬﺎ ﺣﻨﻤﻮﺕ
ﺗﻤﻴﻢ :: ﻫﺒﻞ ﺍﻧﺎ ﻋﺸﺎﻥ ﻧﺨﻠﻲ ﺭﻭﺣﻲ
ﻭﻣﺮﻥ ﺍﻟﻴﻮﻣﻴﻦ ﻫﺬﻳﻨﺎﺍ ﻭﻭﺿﻌﻲ ﺍﺣﺴﻦ ﻣﻦ ﻗﺒﻞ ﻭﺍﻧﺲ ﻳﺠﻴﻨﻲ ﻛﻞ ﻳﻮﻡ ﻭﺗﻤﻴﻢ ﻳﺮﺍﺟﻲ ﻑ ﻧﺘﻴﺠﺔ ﺍﻟﺘﺤﻠﻴﻞ ﻭﻛﺎﻥ ﻣﻀﺎﻳﻖ ﻭﺣﺎﺱ ﺍﻥ ﺣﺘﺼﻴﺮ ﺣﺎﺟﻪ
ﻣﺮﻳﻢ :: ﺣﺒﻴﺒﻲ ﻭﻳﻨﻚ
ﺗﻤﻴﻢ :: ﻑ ﺍﻟﺸﻐﻞ ﻛﻨﻚ
ﻣﺮﻳﻢ :: ﺭﺍﻙ ﺗﻨﺴﻲ ﺑﻴﺶ ﺗﺠﻴﺐ ﺍﻟﺘﺤﺎﻟﻴﻞ ﻭﺗﺸﻴﻠﻬﻦ ﻟﻠﺪﻛﺘﻮﺭﺓ
ﺗﻤﻴﻢ :: ﺣﺎﺿﺮ ﺑﺎﻩ ﻣﺶ ﻧﺎﺳﻲ
ﻣﺮﻳﻢ :: ﺳﻼﻡ
ﺗﻤﻴﻢ :: ﺳﻼﻡ
ﻭﻃﻠﻊ ﺗﻤﻴﻢ ﻭﻋﺪﺍ ﻟﻠﻤﺨﺘﺒﺮ ﻭﺣﺎﺟﻪ ﺗﺨﻠﻴﻪ ﻳﻘﺪﻡ ﻭﺣﺎﺟﻪ ﺗﻮﺧﺮﻩ ﻭﺧﺬﺍ ﺍﻟﺘﺤﺎﻟﻴﻞ ﻭﻋﺪﺍ ﺑﻴﻬﻦ ﻟﻠﻌﻴﺎﺩﻩ ﻭﻛﺎﻧﺖ ﻓﺎﺿﻴﻪ ﺧﺶ ﺩﻏﺮﻱ ﻉ ﺍﻟﺪﻛﺘﻮﺭﺓ
ﺗﻤﻴﻢ :: ﺍﻟﺴﻼﻡ ﻋﻠﻴﻜﻢ
ﺍﻟﺪﻛﺘﻮﺭﺓ :: ﺗﻔﻀﻞ
ﺗﻤﻴﻢ :: ﺧﺶ ﻭﻗﻤﻌﺰ ﺍﻧﺎ ﺯﻭﺝ ﻣﺮﻳﻢ ﻣﻔﺘﺎﺡ ﺍﻟﻲ ﺟﺖ ﻣﻦ ﻳﻮﻣﻴﻦ
ﺍﻟﺪﻛﺘﻮﺭﺓ :: ﺗﻤﺎﻡ ﺍﺫﻛﺮﺗﻚ ﻛﻴﻒ ﺍﻟﻤﺪﺍﻡ ﻣﺶ ﻣﻌﺎﻙ
ﺗﻤﻴﻢ :: ﻻﻻ ﺣﺒﻴﺖ ﻧﻜﻮﻥ ﺑﺮﻭﺣﻲ ﻋﺸﺎﻥ ﻛﺎﻥ ﻑ ﺣﺎﺟﻪ ﻧﻘﻮﻟﻬﺎ ﺍﻧﺎ ﺧﻴﺮ
ﺍﻟﺪﻛﺘﻮﺭﺓ :: ﺑﺮﺍﺣﺘﻚ ﺟﺒﺖ ﺍﻟﺘﺤﺎﻟﻴﻞ
ﺗﻤﻴﻢ :: ﺍﻫﺎﺍ ﺗﻔﻀﻠﻲ
ﺍﻟﺪﻛﺘﻮﺭﺓ :: ﺧﺪﺕ ﻣﻨﻪ ﺍﻟﺘﺤﺎﻟﻴﻞ ﻭﻗﻌﺪﺕ ﺗﺒﺤﺖ ﻓﻴﻬﻦ ﻭﺗﻘﻠﺐ ﻓﻴﻬﻦ ﺣﺎﺟﺔ ﺭﺑﻊ ﺳﺎﻋﻪ ﻭﺗﻤﻴﻢ ﻋﻠﺐ ﺍﻋﺼﺎﺑﻪ ﻭﻛﻞ ﻣﺮﻩ ﺗﺨﻄﺮ ﻑ ﺑﺎﻟﻪ ﺣﺎﺟﻪ
ﺗﻤﻴﻢ :: ﺷﻨﻮ ﻳﺎﻟﺪﻛﺘﻮﺭﺓ ﻑ ﻣﺸﺎﻛﻞ
ﺍﻟﺪﻛﺘﻮﺭﺓ :: ﺗﺤﺎﻟﻴﻞ ﺯﻭﺟﺘﻚ ﺳﻠﻴﻤﺔ ﻭﻣﺎﻓﻴﺶ ﺍﻱ ﻣﺸﻜﻠﺔ ﺗﻤﻨﻊ ﺍﻻﻧﺠﺎﺏ
ﺗﻤﻴﻢ :: ﺿﺤﻚ ﺑﺎﻫﻲ ﺍﻟﺤﻤﺪﻟﻠﻪ
ﺍﻟﺪﻛﺘﻮﺭﺓ :: ﺑﺲ
ﺗﻤﻴﻢ :: ﺷﻦ ﻓﻲ
ﺍﻟﺪﻛﺘﻮﺭﺓ :: ﺗﺤﺎﻟﻴﻞ ﺣﻀﺮﺗﻚ ﻣﺶ ﺳﻠﻴﻤﺔ ﻭﻋﻨﺪﻙ ﻣﺸﺎﻛﻞ
ﺗﻤﻴﻢ :: ﻭﺟﻪ ﻗﻌﺪ ﺍﺳﻮﺩ ﻣﻤﻜﻦ ﺗﻮﺿﺤﻲ
ﺍﻟﺪﻛﺘﻮﺭﺓ :: ﺍﺳﻔﻪ ﻉ ﺍﻟﻜﻼﻡ ﺍﻟﻲ ﺣﻨﻘﻮﻟﻪ ﺑﺲ ﺣﻀﺮﺗﻚ ﺗﻌﺎﻧﻲ ﻣﻦ ﻣﺸﺎﻛﻞ ﺳﺒﺐ ﻋﻘﻢ
ﺗﻤﻴﻢ :: ﻧﺰﻝ ﻛﻼﻡ ﺍﻟﺪﻛﺘﻮﺭﺓ ﻋﻠﻴﻪ ﻛﻴﻒ ﺍﻟﺼﺎﻋﻘﺔ ﺷﻦ ﻗﺼﺪﻙ ﻳﻌﻨﻲ ﺍﻧﺎ ﻋﻤﺮﻱ ﻣﺎﺣﻴﺠﻮﻧﻲ ﻋﻴﺎﻝ
ﺍﻟﺪﻛﺘﻮﺭﺓ :: ﺍﻟﻄﺐ ﺍﻃﻮﺭ ﺗﻮﺍ ﻭﻟﻜﻞ ﻣﺸﻜﻠﺔ ﻑ ﺣﻞ
ﻭﺗﻤﻴﻢ ﻡ ﺍﻟﺼﺪﻣﺔ ﻣﺎ ﺍﺳﺘﻨﺶ ﺍﻟﺪﻛﺘﻮﺭﺓ ﺗﻜﻤﻞ ﻛﻼﻣﻬﺎ ﻭﺧﺪﺍ ﺍﻟﺘﺤﺎﻟﻴﻞ ﻭﺻﺒﺎ ﻃﻠﻊ ﻣﻦ ﺍﻟﻐﺮﻓﻪ ﻭﻫﻮﺍﺍﺍ ﻣﺼﺪﻭﻡ ﻭﻑ ﺩﻭﺍﻣﻪ ﻣﺶ ﻣﺘﺨﻴﻞ ﺍﻥ ﻛﻼﻣﻬﺎ ﻣﻤﻜﻦ ﻳﻄﻠﻊ ﺻﺎﺡ ﻭﻃﻠﻊ ﻡ ﺍﻟﻌﻴﺎﺩﻩ ﻭﻣﺎﺳﻚ ﺩﻣﻮﻋﻪ ﻭﺭﻛﺐ ﻑ ﺍﻟﺴﻴﺎﺭﺓ ﻭﻛﺎﻧﺖ ﻣﺮﻳﻢ ﺗﺮﻥ ﻣﺎﺑﺶ ﻳﺮﺩ ﻋﻠﻴﻬﺎ ﻻﻥ ﻣﺶ ﻋﺎﺭﻑ ﺷﻦ ﻳﻘﻮﻟﻠﻬﺎ ﻭﺑﻌﺪ ﻓﺼﻠﺖ ﻣﺮﻳﻢ ﺭﻥ ﻋﻠﻲ ﺳﻔﻴﺎﻥ ﺻﺎﺣﺐ ﻣﻨﺬﺭ ﻻﻥ ﻛﺎﻥ ﻣﺘﺨﺼﺺ ﻋﻘﻢ
ﺳﻔﻴﺎﻥ :: ﺍﻭﻭﻭﻭ ﺗﻤﻴﻢ ﻭﻳﻦ ﻣﺨﺘﻔﻲ ﻳﺎﺭﺍﺟﻞ
ﺗﻤﻴﻢ :: ﺻﻮﺗﻪ ﻣﺨﻨﻮﻕ ﻗﺎﻋﺪ ﻑ ﺍﻟﻌﻴﺎﺩﺓ ﺍﻧﺖ
ﺳﻔﻴﺎﻥ :: ﻻ ﻭﺍﻟﻠﻪ ﻛﻨﻚ ﺷﻦ ﻓﻲ
ﺗﻤﻴﻢ :: ﻧﺒﻲ ﻧﺤﻜﻲ ﻣﻌﺎﻙ ﻭﻳﻨﻚ ﺗﻮ ﻧﺠﻴﻚ
ﺳﻔﻴﺎﻥ :: ﻑ ﻛﺎﻓﻲ ﻗﺮﻳﺐ ﻣﻦ ﺣﻮﺷﻨﺎ ﻋﻨﺪ ﺍﻟﺴﻤﺎﻓﺮﻭ
ﺗﻤﻴﻢ :: ﺍﻭﻭﻙ ﻋﺮﻓﺘﻪ ﺷﻮﻳﻪ ﻭﻧﻜﻮﻥ ﻋﻨﺪﻙ
ﺳﻔﻴﺎﻥ :: ﺗﻤﺎﻡ
ﻭﻣﺸﺎ ﺗﻤﻴﻢ ﻟﻠﻜﺎﻓﻲ ﻭﻃﻮﻝ ﺍﻟﻄﺮﻳﻖ ﻭﻫﻮﺍ ﻳﻔﻜﺮ ﻛﻼﻣﻬﺎ ﺻﺎﺡ ﻭﻻ ﻏﺎﻟﻄﺔ ﻛﺎﻥ ﺻﺎﺡ ﺑﺎﻫﻲ ﻣﻌﺶ ﺣﻴﺠﻴﺐ ﻋﻴﺎﻝ ﻣﺴﺘﺤﻴﻞ ﻳﺴﻤﻊ ﻛﻠﻤﺔ ﺑﺎﺑﺎ ﻑ ﺣﻴﺎﺗﻪ ﺑﺎﻫﻲ ﻭﻣﺮﻳﻢ ﺍﻟﻲ ﻣﻴﺘﻪ ﻋﺸﺎﻥ ﻳﻜﻮﻥ ﻋﻨﺪﻫﺎ ﻋﻴﻞ ﻳﻘﺪﺭ ﻳﻜﻮﻥ ﺳﺒﺐ ﻑ ﺣﺮﻣﺎﻧﻬﺎ ﻣﻦ ﻛﻠﻤﺔ ﻣﺎﻣﺎ ﻳﻘﺪﺭ ﻳﺤﺮﻣﻬﺎ ﻣﻦ ﺍﻥ ﻳﻜﻮﻥ ﻋﻨﺪﻫﺎ ﻋﻴﺎﻝ ﻳﺴﻨﺪﻭﻫﺎ ﻑ ﻛﺒﺮﻫﺎ ﻭﻃﻮﻝ ﺍﻟﻄﺮﻳﻖ ﻭﻫﻮﺍﺍ ﺩﻣﻮﻋﻪ ﻳﻨﺰﻟﻦ ﻭﻭﺻﻞ ﻟﻠﻜﺎﻓﻲ ﻣﺴﺢ ﻭﺟﻪ ﻭﺧﺬﺍ ﻣﻌﺎﻩ ﺍﻟﺘﺤﺎﻟﻴﻞ ﻭﻧﺰﻝ ﺧﺶ ﺷﺎﻑ ﺳﻔﻴﺎﻥ ﻣﻘﻤﻌﺰ ﻭﺍﺷﺮﻟﻪ ﻭﻣﺸﺎﻟﻪ
ﺗﻤﻴﻢ :: ﺍﻟﺴﻼﻡ ﻋﻠﻴﻜﻢ
ﺳﻔﻴﺎﻥ :: ﻭﻋﻠﻴﻜﻢ ﺍﻟﺴﻼﻡ ﻛﻨﻪ ﻭﺟﻚ ﻫﻜﻲ ﺧﻴﺮ ﺍﻥ ﺷﺎﺀ ﺍﻟﻠﻪ
ﺗﻤﻴﻢ :: ﺣﻂ ﺍﻟﺘﺤﺎﻟﻴﻞ ﻉ ﺍﻟﻄﺎﻭﻟﺔ ﺷﻮﻑ ﻫﺬﻳﻨﺎ
ﺳﻔﻴﺎﻥ :: ﺷﻨﻮ ﻫﺬﻳﻨﺎ
ﺗﻤﻴﻢ :: ﺷﻮﻓﻬﻦ ﺑﺲ
ﺳﻔﻴﺎﻥ :: ﻓﺘﺢ ﺍﻟﺘﺤﺎﻟﻴﻞ ﻭﻗﻌﺪ ﻳﺸﻮﻑ ﻓﻴﻬﻦ
ﺗﻤﻴﻢ :: ﺷﻦ ﻃﻠﻊ ﻣﻌﺎﻙ
ﺳﻔﻴﺎﻥ :: ﺗﺤﺎﻟﻴﻞ ﺍﻟﻤﺮﺍ ﺳﻠﻴﻤﺎﺕ ﺑﺲ ﺍﻟﺮﺍﺟﻞ ﻋﻨﺪﻩ ﻣﺸﺎﻛﻞ
ﺗﻤﻴﻢ :: ﻣﺸﺎﻛﻞ ﺷﻨﻮ
ﺳﻔﻴﺎﻥ :: ﺍﻟﺮﺍﺟﻞ ﻋﻘﻴﻢ
ﺗﻤﻴﻢ :: ﻧﺰﻟﺖ ﺍﻟﻜﻠﻤﺔ ﻛﻴﻒ ﺍﻟﺴﻢ ﻋﻠﻴﻪ ﻳﻌﻨﻲ ﻣﺎﻓﻴﺶ ﻋﻼﺝ
ﺳﻔﻴﺎﻥ :: ﻫﻮﺍ ﺗﻮﺍ ﺍﻟﻄﺐ ﺍﻃﻮﺭ ﺑﺲ ﻧﺴﺒﺔ ﺍﻻﻧﺠﺎﺏ ﺿﻌﻴﻔﺔ ﺑﻜﻞ ﻭﺍﻟﻠﻪ ﺍﻋﻠﻢ ﻣﻤﻜﻦ ﻋﻠﻲ ﻣﺪﻯ ﺍﻟﺴﻨﻴﻦ ﻳﺴﻴﺮ ﺍﻧﺠﺎﺏ
ﺗﻤﻴﻢ :: ﺧﺒﻂ ﺍﻟﻄﺎﻭﻟﺔ ﺑﻴﺪﻩ ﻳﻌﻨﻲ ﻋﻤﺮﻱ ﻣﺎﺣﻨﻜﻮﻥ ﺑﺎﺕ ﻭﻻ ﺣﻨﺴﻤﻊ ﻛﻠﻤﺔ ﺑﺎﺑﺎ
ﺳﻔﻴﺎﻥ :: ﺍﻧﺼﺪﻡ ﻻﻥ ﻣﻜﻨﺶ ﻳﺤﺴﺎﺑﻬﻦ ﺗﺤﺎﻟﻴﻠﻪ ﻫﺬﻳﻨﺎ ﺗﺤﺎﻟﻴﻠﻚ
ﺗﻤﻴﻢ :: ﻋﻴﻮﻧﻪ ﺣﻤﺮ ﻡ ﺍﻟﺪﻣﻮﻉ ﺍﻫﺎﺍ ﺍﻣﺘﺎﻋﻲ
ﺳﻔﻴﺎﻥ :: ﺑﺲ ﺭﺍﻫﻮ ﺍﻟﻄﺐ ﺗﻮﺍ
ﺗﻤﻴﻢ :: ﺳﻔﻴﺎﻥ ﻣﺎﺗﺤﺎﻭﻟﺶ ﺗﻜﺬﺏ ﻭﺗﻌﻄﻴﻨﻲ ﺍﻣﻞ ﺍﻧﺎ ﺗﻘﺼﺪﺕ ﻧﺤﻮﻝ ﺍﻻﺳﻤﺎﺀ ﻋﺸﺎﻥ ﺗﺤﻜﻲ ﺍﻟﺤﻖ
ﺳﻔﻴﺎﻥ :: ﺑﺲ
ﺗﻤﻴﻢ :: ﺻﺒﺎ ﻭﺧﺬﺍ ﻣﻌﺎﻩ ﺍﻻﻭﺭﺍﻕ ﺧﻠﻲ ﺍﻟﻤﻮﺿﻮﻉ ﺑﻴﻨﺎﺗﻨﺎ
ﺳﻔﻴﺎﻥ :: ﺍﺳﻤﻌﻨﻲ ﻗﺒﻞ ﺑﺎﻫﻲ
ﺗﻤﻴﻢ :: ﻣﺎﻓﻴﺶ ﺩﺍﻋﻲ ﻭﻃﻠﻊ
ﺭﻛﺐ ﻟﻠﺴﻴﺎﺭﺓ ﻭﺭﻣﻲ ﺍﻻﻭﺭﺍﻕ ﻉ ﺍﻟﻜﺮﺳﻲ ﺟﻨﺒﻪ ﻭﺣﻂ ﺭﺍﺳﻪ ﻉ ﺍﻟﺴﺘﻴﺮﺳﻮ ﻭﻗﻌﺪ ﻳﺒﻜﻲ ﺧﺎﻃﺮﻩ ﻳﻘﻮﻟﻮﻻ ﻫﻀﺎﺍ ﺣﻠﻢ ﻭﺣﺘﻨﻮﺽ ﻣﻨﻪ ﻳﻔﻜﺮ ﻛﻴﻒ ﺑﻴﻘﺎﺑﻞ ﻣﺮﻳﻢ ﺍﻻﻧﺴﺎﻧﻪ ﺍﻟﻲ ﺣﺒﺎﺗﻪ ﺑﻜﻞ ﻣﺎﻓﻴﻬﺎ ﻭﺗﻤﻨﺖ ﻳﻜﻮﻥ ﺑﺎﺕ ﻋﻴﺎﻟﻬﺎ ﻛﻴﻒ ﺣﻴﻘﺎﺑﻞ ﺍﻣﻪ ﺍﻟﻲ ﺗﺴﻤﻊ ﻑ ﻣﺮﻳﻢ ﻛﻼﻡ ﻋﺸﺎﻥ ﻣﺤﻤﻠﺘﺶ ﻛﻴﻒ ﺣﻴﺸﻮﻑ ﻋﻴﺎﻝ ﺧﻮﺗﻪ ﻭﺧﻮﺍﺗﻪ ﺍﺻﺤﺎﺑﻪ ﻭﺟﻴﺮﺍﻧﻪ ﻭﻫﻤﺎﺍ ﻳﻘﻮﻟﻮ ﺑﺎﺑﺎ ﻭﻫﻮﺍﺍ ﻋﻤﺮﻩ ﻣﺎﺣﻴﺴﻤﻌﻬﺎ ﻛﻴﻒ ﺣﻴﺘﺤﻤﻞ ﻭﻗﺖ ﺍﻟﻲ ﻣﺮﻳﻢ ﺗﺸﻮﻑ ﺧﻮﺍﺗﻬﺎ ﻭﻋﻴﺎﻟﻬﻦ ﻳﻘﻮﻟﻮ ﻣﺎﻣﺎ ﻭﻫﻴﺎﺍ ﻣﺎﻓﻴﺶ ﻣﻦ ﻳﻘﻮﻟﻠﻬﺎ ﻣﺎﻣﺎ ﻭﻭﻟﻊ ﺍﻟﺴﻴﺎﺭﺓ ﻭﻣﺸﺎ ﻭﻳﺠﺮﻱ ﺣﻂ ﻛﺮﺍﻋﻪ ﻉ ﺍﻟﺒﻨﺰﻳﻦ ﻭﻗﻌﺪ ﻳﻀﺤﻚ ﻭﻳﺼﺮﺥ ﻭﻳﻀﺮﺏ ﻑ ﺍﻟﺴﺘﻴﺮﺳﻮ ﻟﻴﺶ ﺑﺎﺍﺍﻫﻲ ﺷﻦ ﺩﺭﺕ ﺍﻧﺎﺍ ﻋﺸﺎﻥ ﺭﺑﻲ ﻳﻌﺎﻗﺒﻨﻲ ﻛﻴﻒ ﺣﻨﺘﺤﻤﻞ ﻧﻈﻠﻢ ﻣﺮﻳﻢ ﻣﻌﺎﻳﺎ ﻭﻧﺤﺮﻣﻬﺎ ﻣﻦ ﻛﻠﻤﺔ ﻣﺎﻣﺎ ﻛﻴﻴﻴﻴﻒ ﺑﺎﻫﻲ ﺍﻧﺎﺍ ﻛﻴﻒ ﺑﻨﺘﺤﻤﻞ ﻭﺍﻧﺎﺍ ﻧﺤﺐ ﺍﻻﻃﻔﺎﻝ ﻭﻃﻮﻝ ﻋﻤﺮﻱ ﻧﺨﻄﻂ ﺷﻦ ﻧﺒﻲ ﺍﻧﺪﻳﺮ ﻟﻌﻴﺎﻟﻲ ﻣﺶ ﺣﻴﺼﻴﺮ ﺷﻲ ﻡ ﺍﻟﻠﻲ ﺧﻄﻄﺘﺘﻠﻪ ﻣﺶ ﺣﻴﻜﻮﻥ ﻋﻨﺪﻱ ﻋﻴﺎﻝ ﻭﻑ ﻇﻞ ﺍﻷﻓﻜﺎﺭ ﻫﺬﻳﻨﺎ ﻛﻠﻬﻦ ﺭﻧﺖ ﻣﺮﻳﻢ ﻭﻣﺴﻚ ﺍﻟﻔﻮﻥ ﻭﺭﺩ ﻋﻠﻴﻬﺎ
ﻣﺮﻳﻢ :: ﺣﺒﻴﺒﻲ ﻭﻳﻨﻚ ﻟﻌﻨﺪ ﺗﻮﺍ ﺷﻐﻠﺘﻨﻲ ﻋﻠﻴﻚ
ﺗﻤﻴﻢ :: ﺷﻦ ﺗﺒﻲ
ﻣﺮﻳﻢ :: ﻣﺎﻧﺒﻲ ﺷﻲ ﺑﻨﺸﻮﻓﻚ ﻭﻳﻨﻚ
ﺗﻤﻴﻢ :: ﻑ ﺟﻨﻬﻢ ﻭﺳﻜﺮ ﻋﻠﻴﻬﺎ
.
.
ﻣﺮﻳﻢ :: ﺍﺳﺘﻐﺮﺑﺖ ﻛﻴﻒ ﺣﻜﺎ ﻣﻌﺎﻫﺎ ﻛﻨﻪ ﻫﻀﺎﺍ ﺷﻦ ﺩﺭﺗﻼ ﺍﻧﺎﺍ ﻭﺭﺩﺕ ﺭﻧﺖ ﻋﻠﻴﻪ ﺳﻜﺮ ﻋﻠﻴﻬﺎ ﻭﻭﺟﻌﺘﻬﺎ ﺭﻭﺣﻬﺎ
ﻭﻗﻌﺪ ﺗﻤﻴﻢ ﻳﺒﺮﻡ ﻭﺗﺎﻳﻪ ﻣﺶ ﻋﺎﺭﻑ ﺷﻦ ﺍﻳﺪﻳﺮ ﺣﺎﺱ ﺍﻥ ﺣﻴﺎﺗﻪ ﺍﻧﺘﻬﺖ ﺧﻼﺹ ﺣﻴﺎﺗﻪ ﻭﻗﻔﺖ ﻭﺧﺎﻳﻒ ﻣﻦ ﺭﺩﺓ ﻓﻌﻞ ﻣﺮﻳﻢ ﻛﺎﻥ ﻋﺮﻓﺖ ﺣﺘﺴﻴﺒﻪ ﻭﻻ ﺣﺘﻘﻌﺪ ﻭﻛﺎﻥ ﻗﻌﺪﺕ ﻫﻮﺍ ﺣﻴﺤﺲ ﺑﺎﻟﺬﻧﺐ ﻻﻥ ﻫﻮﺍ ﺳﺒﺐ ﺣﺮﻣﺎﻧﻪ ﻣﻦ ﺍﻻﻣﻮﻣﺔ ﻭﻗﻌﺪ ﻳﺒﺮﻡ ﻑ ﺍﻟﺸﻮﺍﺭﻉ ﻭﻳﺒﺮﻡ ﻟﻌﻨﺪ ﻟﻘﺎ ﺭﻭﺣﻪ ﻗﺪﺍﻡ ﺍﻟﺒﺤﺮ ﻧﺰﻝ ﻭﻗﻤﻌﺰ ﻭﻗﻌﺪ ﻳﺒﻜﻲ ﻭﺍﺍﺍﺍﻭ ﻣﺤﺮﻫﻦ ﺩﻣﻮﻉ ﺍﻟﺮﺍﺟﻞ ﻣﻴﻨﺰﻟﻨﺶ ﺩﻳﻤﺎ ﺑﺲ ﻛﺎﻥ ﻧﺰﻟﻦ ﻭﺍﻋﺮﺍﺍﺍﺍﺍﺕ ﺑﻜﻜﻞ ﻭﺍﻟﺮﺍﺟﻞ ﺩﻣﻮﻋﻪ ﻳﻨﺰﻟﻦ ﺑﻌﺪ ﻳﺤﺲ ﺭﻭﺣﻪ ﻣﻜﺘﻮﻑ ﻣﻌﺶ ﻑ ﻳﺪﻩ ﺷﻲ ﻳﺪﻳﺮ ﺑﻌﺪ ﺗﺴﻴﺮﻻ ﺣﺎﺟﻪ ﺗﻜﺴﺮﻩ ﻭﻗﻌﺪ ﻉ ﺍﻟﺒﺤﺮ ﻟﻌﻨﺪ ﻗﺮﻳﺐ ﺍﻟﺴﺎﻋﻪ 2 ﻭﺑﻌﺪﻫﺎ ﺻﺒﺎ ﻭﺭﻛﺐ ﺳﻴﺎﺭﺗﻪ ﻭﻟﻘﺎ ﻓﻮﻧﻪ ﻃﺎﻓﻲ ﺷﺤﻨﻪ ﻭﻣﺸﺎ ﺷﻮﺭ ﺍﻟﺤﻮﺵ ﺧﺸﺶ ﺍﻟﺴﻴﺎﺭﺓ ﻑ ﺍﻟﻘﺮﺍﺝ ﻭﻧﺰﻝ ﻭﻫﻮﺍ ﻳﺮﻛﺐ ﻭﻳﻮﺧﺮ ﻭﺧﺎﻳﻒ ﻳﻘﺎﺑﻞ ﻣﺮﻳﻢ ﻭﻓﺘﺢ ﺍﻟﺒﺎﺏ ﻭﺧﺶ ﻭﻛﺎﻥ ﺍﻟﺤﻮﺵ ﻫﺎﺩﻱ ﻭﺧﺶ ﺟﻮﺍ ﻭﻓﺘﺢ ﺑﺎﺏ ﺍﻟﺪﺍﺭ ﻭﺍﻭﻝ ﻣﺎﻓﺘﺤﻪ ﻣﺮﻳﻢ ﻛﺎﻧﺖ ﺭﺍﻗﺪﻩ ﻭﻧﺎﺿﺖ ﻭﺑﺤﺘﺖ ﻓﻴﻪ ﻭﺗﻤﻴﻢ ﻛﺎﻥ ﻭﺟﻪ ﺷﺎﺣﺐ ﻭﻋﻴﻮﻧﻪ ﺣﻤﺮ ﻭﻣﻨﺘﻔﺨﺎﺕ ﻭﻣﺮﻳﻢ ﺍﻧﻔﺠﻌﺖ ﻭﺻﺒﺖ ﺗﺠﺮﻱ ﻭﻣﺸﺘﻠﻪ
ﻣﺮﻳﻢ :: ﺣﻄﺖ ﻳﺪﻫﺎ ﻋﻠﻲ ﻭﺟﻪ ﺣﺒﻴﺒﻲ ﻛﻨﻚ ﺷﻦ ﻓﻲ
ﺗﻤﻴﻢ :: ﺣﻮﻝ ﻳﺪﻫﺎ ﻣﺎﻛﻨﻲ ﺷﻲ ﻭﻣﺸﺎ ﺷﻮﺭ ﺍﻟﺪﻭﻻﺏ ﻭﻓﺘﺤﻪ ﻭﻃﻠﻊ ﺑﻴﺠﺎﻣﺘﻪ
ﻣﺮﻳﻢ :: ﻣﺸﺘﻠﻪ ﺍﺧﺮﺍﺍ ﺣﺒﻴﺒﻲ ﺷﻦ ﻓﻲ ﺍﺣﻜﻴﻠﻲ ﺷﻜﻠﻚ ﻣﺶ ﻃﺒﻴﻌﻲ
ﺗﻤﻴﻢ :: ﻗﺘﻠﻚ ﻣﺎﻓﻲ ﺷﻲ ﻭﺧﺶ ﻟﻠﺤﻤﺎﻡ ﻭﺳﻜﺮ ﺍﻟﺒﺎﺏ ﻑ ﻭﺟﻬﺎ
ﻣﺮﻳﻢ :: ﺍﺳﺘﻐﺮﺑﺖ ﻭﻗﻠﺒﻬﺎ ﻗﺒﻀﻬﺎ ﻻﻥ ﺗﻤﻴﻢ ﻋﻤﺮﻩ ﻣﺎﻋﺎﻣﻠﻬﺎ ﻫﻜﻲ ﻭﻗﻤﻌﺰﺕ ﻉ ﺍﻟﺴﺮﻳﺮ ﻭﺳﻤﻌﺖ ﺍﻟﺪﻭﺵ ﺍﻧﻔﺘﺢ
ﺗﻤﻴﻢ :: ﺧﺶ ﺗﺤﺖ ﺍﻟﺪﻭﺵ ﻭﺍﻻﻓﻜﺎﺭﺍﺩﻭﺭ ﻑ ﺭﺍﺳﻪ ﻣﺶ ﻋﺎﺭﻑ ﺷﻦ ﻳﺪﻳﺮ ﻭﺗﻌﻤﺪ ﺍﻥ ﻳﻄﻮﻝ ﻋﺸﺎﻥ ﻣﺮﻳﻢ ﺗﺰﻗﺪ
ﻣﺮﻳﻢ :: ﻗﻌﺪﺕ ﻣﺴﺘﻠﻘﻴﻪ ﻉ ﺍﻟﺴﺮﻳﺮ ﻭﺗﺮﺍﺟﻲ ﻓﻴﻪ ﻳﻄﻠﻊ
ﺗﻤﻴﻢ :: ﺳﻜﺮ ﺍﻟﺪﻭﺵ ﻭﻟﺒﺲ ﺑﻴﺠﺎﻣﺘﻪ ﻭﻧﺸﻒ ﺷﻌﺮﻩ ﻭﺣﻂ ﺍﻟﻤﻨﺸﻒ ﻋﻠﻲ ﺭﻗﺒﺘﻪ ﻭﻃﻠﻊ
ﻣﺮﻳﻢ :: ﻗﻤﻌﺰﺕ ﺑﻌﺪ ﻫﻮﺍ ﻃﻠﻊ
ﺗﻤﻴﻢ :: ﺧﺬﺍ ﻣﺨﺪﺗﻪ ﻭﺧﺪﺍ ﻓﻮﻃﻪ ﻭﺟﺎ ﺑﻴﻄﻠﻊ
ﻣﺮﻳﻢ :: ﺻﺒﺖ ﻭﻳﻦ ﻣﺎﺷﻲ
ﺗﻤﻴﻢ :: ﺑﻨﺮﻗﺪ ﺑﺮﺍ
ﻣﺮﻳﻢ :: ﻣﻦ ﺍﻣﺘﺎ ﺗﺤﺐ ﺗﺴﻴﺐ ﺳﺮﻳﺮﻙ
ﺗﻤﻴﻢ :: ﻣﻦ ﺍﻟﻴﻮﻡ
ﻣﺮﻳﻢ :: ﺻﺒﺖ ﻗﺪﺍﻣﻪ ﺍﻧﺖ ﻫﺒﻞ ﻭﻻ ﺷﻦ ﺻﺎﻳﺮﻟﻚ ﺍﻩ ﻛﻨﻚ ﻭﻳﻦ ﻣﺎﺷﻲ
ﺗﻤﻴﻢ :: ﻟﻤﻲ ﺩﺑﺸﻚ ﻋﺸﺎﻥ ﻧﺤﻄﻚ ﺑﻜﺮﺍ ﻋﻨﺪ ﻫﻠﻚ
ﻣﺮﻳﻢ :: ﺍﻧﺼﺪﻣﺖ ﺷﻦ ﻗﺎﻋﺪ ﺗﻘﻮﻝ ﺍﻧﺖ ﺍﻩ
ﺗﻤﻴﻢ :: ﺍﻟﻲ ﺳﻤﻌﺘﻴﻪ ﺧﻼﺹ ﻛﻞ ﻭﺍﺣﺪ ﻳﻤﺸﻲ ﻑ ﻃﺮﻳﻖ
ﻣﺮﻳﻢ :: ﺑﺠﻮﻙ ﻫﻴﺎﺍ ﺑﺠﻮﻙ ﺍﻣﺘﺎ ﻣﺎﺗﺒﻲ ﺗﻘﻮﻟﻲ ﺍﻣﺸﻲ
ﺗﻤﻴﻢ :: ﺍﻫﺎ ﺑﺠﻮﻱ ﻭﺟﺎ ﺑﻴﻄﻠﻊ
ﻣﺮﻳﻢ :: ﺳﻜﺮﺕ ﺑﺎﺏ ﺍﻟﺪﺍﺭ ﻭﺻﺒﺖ ﻋﻠﻴﻪ . ﻭﻋﻴﻮﻧﻬﺎ ﺩﻣﻮﻉ ﻃﻠﻌﺖ ﻋﻘﻴﻤﻪ ﺻﺎﺡ ﻋﺸﺎﻥ ﻫﻜﻲ ﻣﻌﺶ ﺗﺒﻴﻨﻲ ﺗﺒﻲ . ﺍﻃﻠﻘﻨﻲ ﻭﺗﺰﻭﺝ ﻭﺣﺪﻩ ﺗﺠﻴﺐ ﻋﻴﺎﻝ ﺻﺎﺡ
ﺗﻤﻴﻢ :: ﻻ ﻣﺶ ﺻﺎﺡ
ﻣﺮﻳﻢ :: ﻗﻌﺪﺕ ﺗﺒﻜﻲ ﻣﺎﻻ ﻟﻴﺶ ﺍﺩﻳﺮ ﻣﻌﺎﻳﺎﺍ ﻫﻜﻲ ﺍﻩ ﻣﺶ ﺍﻣﺲ ﻗﺘﻠﻲ ﻣﺴﺘﺤﻴﻞ ﻧﺴﻴﺒﻚ ﻭﺟﺎﻱ ﺗﻮﺍ ﺗﻨﻬﻲ ﻑ ﺍﻟﻠﻲ ﺑﻴﻨﺎ ﺑﻜﻞ ﺑﺴﺎﻃﺔ ﻫﻜﻲ
ﺗﻤﻴﻢ :: ﺻﺪﻗﻴﻨﻲ ﻭﺍﻧﺘﻲ ﺑﻌﻴﺪﻩ ﻋﻠﻴﺎﺍ ﺧﻴﺮﻟﻚ
ﻣﺮﻳﻢ :: ﻣﺶ ﺍﻧﺖ ﺍﻟﻲ ﺗﻘﺮﺭ ﺍﻧﺎ ﺍﻟﻲ ﻧﻘﺮﺭ ﻭﻟﻮ ﻳﻘﻮﻟﻮﻟﻲ ﺣﺘﻤﻮﺗﻲ . ﻟﻮ ﻗﻌﺪﺗﻲ ﻣﻌﺎﻩ ﻑ ﺣﻨﻘﻌﺪ ﻭﻧﻤﻮﺕ ﻋﺎﺩﻱ
ﺗﻤﻴﻢ :: ﻳﺎﻣﺮﻳﻢ ﺣﺴﻲ ﺑﻴﺎﺍ ﻭﻣﺘﻌﺬﺑﻴﻨﻴﺶ ﺍﻛﺜﺮ ﻣﻦ ﻫﻜﻲ ﺻﺪﻗﻴﻨﻲ ﻟﻮ ﻗﻌﺪﺗﻲ ﻣﻌﺎﻳﺎﺍ ﺣﺘﻘﻌﺪﻱ ﺩﻳﻤﺎ ﺯﻋﻼﻧﻪ
ﻣﺮﻳﻢ :: ﻣﺶ ﺷﻮﺭﻱ ﺍﻧﺎﺍ ﺑﻨﻘﻌﺪ ﺯﻋﻼﻧﻪ ﻣﺪﺧﻠﻜﺶ ﺍﻧﺖ
ﺗﻤﻴﻢ :: ﺍﻧﻔﺼﻞ ﻋﻠﻴﻬﺎ ﻳﺎﺑﻨﺖ ﺍﻟﻨﺎﺱ ﺍﻧﺎﺍﺍﺍﺍ ﻋﻘﻴﻴﻴﻴﻴﻴﻴﻢ ﻣﻨﺠﻴﺒﺶ ﻑ ﻋﻴﺎﻝ ﺗﻔﻬﻤﻲ ﻭﻻﻻ ﻋﻘﻴﻴﻴﻴﻴﻢ
ﻣﺮﻳﻢ :: ﻛﻼﻡ ﺗﻤﻴﻢ ﺟﺎﻫﺎ ﺯﻱ ﺍﻟﺼﺪﻣﻪ ﻭﺳﻜﺘﺖ ﻭﻗﻌﺪﺕ ﺗﺒﺤﺖ ﻓﻴﻪ ﻭﻣﺴﺘﻜﺔ ﻣﻦ ﻛﻼﻣﻪ
ﺗﻤﻴﻢ :: ﺩﻣﻮﻋﻪ ﻗﻌﺪﻥ ﻳﻨﺰﻟﻦ ﺍﻧﻔﺠﻌﺘﻲ ﺻﺎﺡ ﺑﺲ ﻣﺘﺨﺎﻓﻴﺶ ﻣﺶ ﺣﻨﺤﺮﻣﻚ ﻣﻦ ﺍﻟﻌﻴﺎﻝ ﻋﺸﺎﻥ ﻫﻜﻲ ﺣﻨﻄﻠﻘﻚ ﻭﺗﻘﺪﺭﻱ ﺗﺰﻭﺟﻲ ﻭﺗﺠﻴﺒﻲ ﻋﻴﺎﻝ ﻭﻳﻘﻮﻟﻮﻟﻚ ﻣﺎﻣﺎ
ﻣﺮﻳﻢ :: ﺳﺎﻛﺘﻪ ﻭﺗﺒﺤﺖ ﻓﻴﻪ
ﺗﻤﻴﻢ :: ﻣﺘﺨﺎﻓﻴﺶ ﻋﺎﺩﻱ ﺣﺎﺱ ﺑﻴﻜﻲ ﻣﺶ ﺣﻨﺰﻋﻞ ﻣﻨﻚ
ﻣﺮﻳﻢ :: ﺍﻧﺎﺍ ﻣﻴﻬﻤﻨﻴﺶ ﺍﻟﻌﻴﺎﻝ ﺗﻔﻬﻢ ﻭﻻﻻ ﻭﻣﺎﻧﺒﻴﺶ ﻋﻴﺎﻝ ﺍﻧﺖ ﻣﺶ ﺑﺎﺗﻬﻢ ﻭﻛﺎﻥ ﺭﺑﻲ ﻣﺶ ﻛﺎﺗﺒﻠﻲ ﻳﺠﻴﻨﻲ ﻋﻴﺎﻝ ﻣﻌﻨﺎﻫﺎ ﻣﺶ ﺣﻴﺠﻴﻨﻲ
ﺗﻤﻴﻢ :: ﻣﺘﺤﻜﻴﺶ ﺍﻟﻜﻼﻡ ﻫﻀﺎﺍ ﻋﺸﺎﻥ ﺗﺮﺿﻴﻨﻲ ﺍﻭ ﺗﺎﺧﺬﻱ ﺑﺨﺎﻃﺮﻱ
ﻣﺮﻳﻢ :: ﻣﺴﻜﺖ ﻭﺟﻪ ﺑﻴﻦ ﻳﺪﻳﻬﺎ ﻭﻋﻴﻮﻧﻬﺎ ﺩﻣﻮﻋﻪ ﺣﺒﻴﺒﻲ ﻭﺍﻟﻠﻪ ﻣﺎﻧﺤﻜﻲ ﻫﻜﻲ ﻋﺸﺎﻥ ﻧﻬﻮﻥ ﻋﻠﻴﻚ ﺑﺲ ﺍﻧﺎ ﻣﺎﻧﺒﻴﺶ ﻋﻴﺎﻝ ﺍﻧﺖ ﻣﺶ ﺑﺎﺗﻬﻢ
ﺗﻤﻴﻢ :: ﻋﻴﻮﻧﻪ ﺩﻣﻮﻉ ﻳﺎﻣﺮﻳﻢ
ﻣﺮﻳﻢ :: ﻣﺘﻜﻤﻠﺶ ﻭﺍﻟﻠﻪ ﺍﻟﻜﻼﻡ ﻫﻀﺎﺍ ﻃﺎﻟﻊ ﻣﻦ ﻗﻠﺒﻲ ﻟﻴﺶ ﻣﺎﺗﺒﻴﺶ ﺗﻔﻬﻢ ﺍﻥ ﺣﻴﺎﺗﻲ ﻣﻌﺎﻙ ﻫﻴﺎﺍ ﺍﻟﻲ ﺗﻬﻤﻨﻲ ﻣﺶ ﺍﻟﻌﻴﺎﻝ ﺣﺒﻴﺒﻲ ﺻﺪﻗﻨﻲ ﺣﻴﺎﺗﻲ ﻣﻌﺎﻙ ﺗﺴﻮﺍ ﺍﻟﻌﻴﺎﻝ ﻛﻠﻬﻢ
ﺗﻤﻴﻢ :: ﻣﺶ ﺣﻴﻜﻮﻥ ﻋﻨﺪﻙ ﻋﻴﺎﻝ ﻣﺎﻓﻴﺶ ﺣﺪ ﺣﻴﻘﻮﻟﻚ ﻣﺎﻣﺎ
ﻣﺮﻳﻢ :: ﻛﻠﻤﺔ ﺳﻤﺎﻳﻞ ﻋﻨﺪﻱ ﺍﺣﺴﻦ ﻣﻦ ﻣﻴﻪ ﻛﻠﻤﺔ ﻣﺎﻣﺎ
ﺗﻤﻴﻢ :: ﺿﺤﻚ ﻭﺍﻟﺪﻣﻮﻉ ﻑ ﻋﻴﻮﻧﻪ ﻭﺍﻣﻲ ﺷﻦ ﺣﺘﻘﻮﻟﻴﻠﻬﺎ
ﻣﺮﻳﻢ :: ﺣﺒﻴﺒﻲ ﺍﺳﻤﻌﻨﻲ ﺍﻧﺖ ﻣﺎﻓﻴﻚ ﺷﻲ ﻭﺍﻟﻜﻼﻡ ﻫﻀﺎﺍ ﺣﻴﻘﻌﺪ ﺑﻴﻨﺎﺗﻨﺎ ﻭﺍﻧﺎ ﻣﺶ ﺣﻨﺴﻴﺒﻚ ﻭﻻ ﺍﻧﺖ ﺣﺘﺴﻴﺒﻨﻲ ﻭﺣﻨﻌﻴﺸﻮﺍ ﺍﻟﺤﻴﺎﺓ ﺍﻟﻲ ﺧﻄﻄﻨﺎ ﻧﻌﻴﺸﻮﻫﺎ ﺗﺴﻤﻊ ﻭﻻﻻ
ﺗﻤﻴﻢ :: ﻣﻨﺼﺪﻡ ﻣﻦ ﻛﻼﻣﻬﺎ ﻭﺍﻣﻲ
ﻣﺮﻳﻢ :: ﺍﻣﻚ ﻟﻮ ﺳﺄﻟﺖ ﺣﻨﻘﻮﻟﻠﻬﺎ ﺍﻧﻲ ﺍﻧﺎ ﻋﻘﻴﻤﻪ
ﺗﻤﻴﻢ :: ﻣﺴﺘﺤﻴﻞ ﻧﺮﺿﻲ ﺍﺩﻳﺮﻱ ﻫﻜﻲ
ﻣﺮﻳﻢ :: ﻣﻨﺎﺧﺬﺵ ﻑ ﺭﺍﻳﻚ ﺍﻧﺎﺍ ﻭﻛﺎﻥ ﺗﺒﻲ ﺗﺰﻭﺟﻚ ﻭﻗﺘﻬﺎ ﺣﻨﺼﺮﻑ
ﺗﻤﻴﻢ :: ﻣﺮﻳﻢ ﻻ ﻣﺶ ﻫﻜﻲ
ﻣﺮﻳﻢ :: ﻫﻀﺎﺍ ﺍﻟﻲ ﻋﻨﺪﻱ ﻭﻣﻦ ﺍﻟﺤﻮﺵ ﻫﻀﺎﺍ ﻣﺎﻧﻴﺶ ﻃﺎﻟﻌﻪ ﻭﺣﻴﺎﺗﻨﺎ ﻣﺶ ﺣﻴﺘﻐﻴﺮ ﻓﻴﻬﺎ ﺷﻲ
ﺗﻤﻴﻢ :: ﻣﺴﺤﻠﻬﺎ ﺩﻣﻮﻋﻪ ﺷﻔﺘﻲ ﺣﺒﻲ ﻛﻴﻒ ﺧﻼﻛﻲ ﺣﺰﻳﻨﻪ
ﻣﺮﻳﻢ :: ﺍﻧﺎ ﻧﺒﻜﻲ ﻻﻧﻲ ﺧﺎﻳﻔﻪ ﻧﺨﺴﺮﻙ ﻣﺶ ﺣﺒﻚ ﺧﻼﻧﻲ ﺣﺰﻳﻨﻪ
ﺗﻤﻴﻢ :: ﺧﺬﺍﻫﺎ ﻑ ﺣﻀﻨﻪ ﺭﺑﻲ ﻳﺨﻠﻴﻜﻲ ﻟﻴﺎﺍ
ﻣﺮﻳﻢ :: ﻳﺨﻠﻴﻚ ﺍﻧﺖ ﻟﻴﺎﺍ ﻭﻣﺎﻧﺒﻴﺶ ﻣﻦ ﺍﻟﺪﻧﻴﺎ ﺷﻲ ﺑﻌﺪﻫﺎ
**** ﺑﻌﺪ ﻣﺮﻭﺭ ﺳﻨﺘﻴﻦ ****
ﺍﻧﺲ :: ﺣﺒﻴﺒﻲ ﻳﻼ ﻭﻗﺖ
ﻧﺎ :: ﺑﺎﺍﻫﻲ ﻫﻴﺎﺍ ﻃﺎﻟﻌﻪ ﺍﻫﻮﻭ
ﻳﺰﻥ :: ﺑﺎﺑﺎ ﺍﺳﺘﻨﻲ ﻧﺠﻴﺐ ﺷﻨﻄﺘﻲ
ﺍﻧﺲ :: ﻣﺎﺍﺍﺭﻱ
ﻣﺎﺭﻱ :: ﻧﻌﻢ ﻳﺎﺑﺎﺑﺎ
ﺍﻧﺲ :: ﻳﻼ ﺍﻃﻠﻌﻲ
ﻣﺎﺭﻱ :: ﺟﻴﺖ
ﺭﻳﺎﻥ :: ﺟﺎ ﻳﺠﺮﻱ ﺑﺎﺑﺎ ﺛﻴﻠﻨﻲ
ﺭﻭﺍﺩ :: ﻳﻜﺮ ﻑ ﺍﻧﺲ ﻻ ﺛﻴﻠﻨﻲ ﻧﺎ ﺑﺎﺑﺎ
ﻧﺎ :: ﺗﻌﺎﻟﻮ ﻫﻨﺎﺍ ﺍﻧﺘﻮ ﺍﻻﺗﻨﻴﻦ ﺍﻫﻲ ﺍﻟﻜﺮﻭﺳﺔ
ﻣﺎﺭﻱ :: ﺑﺎﺑﺎ ﻭﻳﻦ ﻣﺎﺷﻴﻴﻦ
ﺍﻧﺲ :: ﺑﻨﻤﺸﻮ ﺍﻟﻴﺒﻴﺎ
ﻣﺎﺭﻱ :: ﻧﺸﻮﻓﻮ ﺍﺟﺪﻳﺪﺍﺗﻲ
ﻳﺰﻥ :: ﺍﻣﺘﺎ ﻧﻮﺻﻠﻮ
ﺑﺎﺑﺎ :: ﺧﻠﻮﻧﺎ ﻧﻄﻠﻌﻮﺍ ﺗﻮ ﻧﻮﺻﻠﻮ
ﻧﺎ :: ﻫﻴﺎﺍ ﺣﺒﻴﺒﻲ
ﺍﻧﺲ :: ﻛﻞ ﺷﻲ ﻭﺍﺗﻲ
ﻧﺎ :: ﺍﻫﺎﺍﺍ ﻭﺍﺗﻲ
ﺍﻧﺲ :: ﺗﺼﺪﻗﻲ ﻣﺎﺣﺴﻴﺘﺶ ﺑﻴﻬﻦ ﺍﻟﺴﻨﺘﻴﻦ ﻫﺬﻳﻨﺎ
ﻧﺎ :: ﻻ ﺍﻧﺎ ﺣﺴﻴﺖ ﺑﻴﻬﻦ ﻭﺭﺍﻳﻔﺖ ﻋﻠﻴﻜﻢ ﻛﻠﻬﻢ
ﺍﻧﺲ :: ﻗﻤﻌﺰ ﻭ ﺧﺪﺍﻧﻲ ﻑ ﺣﻀﻨﻪ
ﻳﺰﻥ :: ﺣﻀﻦ ﺍﻧﺲ .
ﻣﺎﺭﻱ :: ﺟﺖ ﺣﻀﻨﺘﻨﻲ
ﺭﻭﺍﺩ :: ﺣﺘﻲ ﻧﺎ ﻭﺧﺶ ﺑﻴﻨﺎ
ﺭﻳﺎﻥ :: ﻧﺎ ﻧﺎ ﻭﻗﻌﺪ ﻳﺨﺸﺲ ﻑ ﺭﻭﺣﻪ
ﺍﻧﺲ :: ﺣﺘﻲ ﺑﻌﺪ ﻧﺤﻀﻨﻚ ﺿﺮﻭﺭﻱ ﻳﺰﺍﺣﻤﻮﻧﻲ ﻳﻌﻨﻲ
ﻧﺎ :: ﻫﻬﻬﻬﻬﻬﻬﻬﻬﻬﻬﻬﻬﻬﻪ ﻛﻞ ﺷﻲ ﻋﻨﺪﻩ ﺿﺮﻳﺒﺔ
****** ﺍﻟﻨﻬﺎﻳﺔ ******
ﻭﻫﻜﻲ ﻧﻜﻮﻧﻮ ﻛﻤﻠﻨﺎ ﺳﺮﺩ ﻗﺼﺔ ﺍﻧﺲ ﻭﻣﻬﺎﺍ ﺑﺲ ﺍﻛﻴﺪ ﺣﻴﺎﺗﻬﻢ ﺑﺘﺴﺘﻤﺮ ﻣﺶ ﺣﺘﻮﻗﻒ ﻭﻣﻦ ﺍﻟﻘﺼﺔ ﻫﺬﻱ ﺣﺒﻴﺖ ﺍﻧﺒﻴﻦ ﺍﻥ # ﻛﻞ _ ﻧﻬﺎﻳﺔ _ ﺑﺪﺍﻳﺔ _ ﺷﻲ _ ﺍﺟﻤﻞ
ﻭﺗﻌﺬﺑﺖ ﻣﻬﺎﺍ ﺻﺎﺡ ﺑﺲ ﻧﻘﻄﺔ ﺍﻣﻞ ﺑﺴﻴﻄﺔ ﺧﻠﺘﻬﺎ ﺗﺸﺒﺚ ﺑﺎﻟﺤﻴﺎﺓ ﻣﻦ ﺟﺪﻳﺪ ﻭﻗﺪﺭﺕ ﺗﻐﻴﺮ ﺍﻻﻧﺴﺎﻥ ﺍﻟﻲ ﺭﺑﻲ ﻛﺘﺒﻪ ﻟﻬﺎ ﻧﺼﻴﺒﻬﺎ ﻭﺗﻘﺒﻠﻪ ﺑﻜﻞ ﺍﻏﻼﻃﻪ ﻭﺗﻜﻮﻥ ﻣﻌﺎﻩ ﺍﺳﺮﻩ
ﻭﻣﻨﺬﺭ ﺑﺮﺿﻮﺍ ﻗﺪﺭ ﺍﻥ ﻳﻜﻤﻞ ﺣﻴﺎﺗﻪ ﺑﻌﺪ ﺍﻟﻲ ﺻﺎﺭ ﻣﻌﺎﻩ ﻭﺭﺑﻲ ﻋﻮﺿﻪ ﺧﻴﺮ ﻭﺗﻌﻠﻖ ﻑ ﺍﻟﺤﻴﺎﺓ ﺑﻨﻘﻄﺔ ﺍﻣﻞ
ﻭﻣﺮﻳﻢ ﻭﺗﻤﻴﻢ ﺭﻏﻢ ﺣﺒﻬﻢ ﻭﺍﻟﺼﻌﺎﺏ ﺍﻟﻲ ﻭﺍﺟﺘﻬﻢ ﻗﺪﺭﻭﺍ ﻳﻜﻮﻧﻮ ﻋﻴﻠﻪ ﻭﺣﺘﻲ ﻟﻮ ﺭﺑﻲ ﻣﻜﺘﺒﺶ ﻳﻜﻮﻥ ﻋﻨﺪﻫﻢ ﻋﻴﺎﻝ ﺑﺲ ﺣﺒﻬﻢ ﻛﺎﻥ ﺍﻗﻮﺍ ﻣﻦ ﻛﻞ ﺷﻲ
ﻭﻣﻌﺎﺫ ﻭﻣﺎﻣﺎ ﻭﻣﻨﻰ ﻭﻣﺤﻤﺪ ﻭﻣﺮﺍﺩ ﻛﻞ ﺣﺪ ﻑ ﺍﻟﻘﺼﺔ ﻫﺬﻱ ﻧﻘﻄﺔ ﺍﻣﻞ ﺑﺴﻴﻄﺔ ﺧﻼﺗﻪ ﻳﻜﻮﻥ ﻣﻨﻬﺎ ﺣﻴﺎﻩ
ﻭﺍﻥ ﺷﺎﺀ ﺍﻟﻠﻪ ﻧﻜﻮﻥ ﻗﺪﺭﺕ ﻧﺨﻠﻲ ﻓﻴﻜﻢ ﺍﺛﺮ ﻭﻟﻮ ﺑﺴﻴﻂ ﻭﺗﺎﺧﺬﻭ ﻋﺒﺮﺓ ﻣﻦ ﺍﻟﻘﺼﺔ ﻭﺩﻣﺘﻢ ﻑ ﺭﻋﺎﻳﺔ ﺍﻟﻠﻪ
#Bent_benghazi
موعدنا غدا مع رواية جديدة ❤️
هذا رابط رواية #لعبة_القدر لنفس الكاتبة #Bent_benghaziكاتبة #نقطة_أمل
https://my.w.tt/GZsXAOrN0ab
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Любовные романыرواية ليبية شرقاوية مميزة بقلم الكاتبة Bent_benghazi
