الحـلقـة الـثـامـنــة
وقعدنا مقمعزين ونراجوو ومشاا الوقت وبعد شويه طلع منذر ودبشه كله دم امتاع ماما ووجه اسود بككل وصبينا نحنا الاربعة نجروا
مراد:: شن صار
معاذ:: امي وين
محمد:: كنكم طولتو شن في
نا:: نبحت فيه ونبكي
منذر:: عيونه دموع امي في احتمال ان تنشل لان الضربة مكانها خطير جاية قريب من النخاع الشوكي
نا:: قعدت نبكي بصوت عااالي مشعارف كيف طلع مني لااااااا ماماااا مستحيل
مراد:: بحت فيا. ومنصدم مهاا انتي الي حكيتي
منذر:: قرب مني وعيونه دموع مهااا انتي حكيتي
نا:: نبكي والكلام محوتك بيش يطلع م ن ذر متخ ليش يس ير شي ل ماما ت ح ب تممممشي هي ااا
منذر:: حضني وماسك بكيته ادعيلها انتي
معاذ:: حس الدنياا انسودت ف عيونه مفهمتش حاجة اناا
محمد:: يحك ف يديه علي وجه بتوتر ولا انا
منذر:: مفيش حاجة اكيده تواا ضروري امي تنوض عشان نعرفو
معاذ:: يحكي بخرف وتوتر توا شن دخل الرقبة بالكرعين
منذر:: يحكي بحرقة شنو شن دخل ناسي ان العمود الفقري يبدا من الرقبة لعند نهاية الظهر وكله متصل ببعضه واغلب الي يحصلوا ضربه اسفل الراس يااما. يموتو او ينشلو
نا:: زدت نبكي اخراا لا لا مت قو لش هكي
مراد:: تي اسكت اززف خلاص خوفت البنت
معاذ:: حضني وقعد يهدي فياا وهوا بروحه يبي من يهديه مش حيسيرلها شي امي اهدي خلاص. حتنوض وحتفرح بعد تسمع صوتك
نا:: قعدت نسمح ف دموعي
م ن ق درش بل ا ها نا
محمد:: قمعز ع الكرسي وساكت ويهز ف كراعه
وقمعزنا ع الكراسي وقعدنا نستنو ونا طول الوقت نبكي ومنذر خش للمكتب امتاعه ومر الوقت ومشت ساعة ورا ساعة ومريم ترن علي مراد ومفجوعة وتبي تجي بس هوا كان يقوللها مافيش داعي نحنا شويه ومروحين وشويه هكي قالو ماما ناضت وشفنا منذر خاش للدار امتاع ماما ومعاه دكتور الاعصاب وقعدنا نستنو وندعو وخايفين وبعد شويه طلع علينا منذر وهوا يضحك صبينا كلنا
مراد:: ها بشر
نا:: نبحت فيه ومن كثر الخوف الكلام مايبيش يطلع
معاذ:: شن صار
محمد:: تي احكي
منذر:: تي اسكتو عشان نحكي
مراد:: يافرخ ماتخلينيش نفلم عليك توا
منذر:: ههههه امي بخير ومافيهش شي والضربة الحمدلله ماجتش شور اي حاجة بس لانها ضربت عرق ف هضا عليش نزفت واجد
معاذ:: حضن محمد وقعدوا يضحكو هما الاثنين
نا:: قعدت نضحك ونبكي ولفني مراد شوره
منذر:: حضن مراد الحمدلله ياربي الحمدلله
نا:: ن بي ن شو فها
منذر:: هياا 5 دقايق وتو تخشولها
وقعدنا نستنوا برا كانت فرحتنا بأن ماما ماصرلها شي مستحيل حد يتخيلها وكأن حد ردلنا حياتنا مم جديد لان التعب والمعاناة الي عشناها ف مرض بابا الله يرحمه مكنش مستعدين نعيشوه مره اخراا ومرض بابا اكتشفناه متأخر وكان منتشر وقعد 3 سنين وهواا من مستشفى لمستشفى وياخذ ف الكيماوي وعملياات وخوتي يلموا ف فلوس بيش يسفروه برا بس بابا عدا وسيبنا قبل مانقدروا نسفروه ف مكنتش قادرين انتحملوا نخسروا حتي ماما وشويه هكي وقالنا منذر يلا خشو وخشينا كلنا وكانت ماما راقده ع السرير وراسها ملفوف ومركبيلها تغذيه وقربت منهاا ونا عيوني دموع ونضحك ومسكت يدها وقعد نبوس فيااا
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romantikرواية ليبية شرقاوية مميزة بقلم الكاتبة Bent_benghazi
