الحلقة السادسة والأربعون
وخشت ماما رقدت ومريم غيرت دبشها وفرشت سنونها وخشت لسريرها ورن عليها تميم
ونا كنت ناعسة وسمعت حاجة انكسرت انفجعت صبيت وخفت وفتحت باب الدار ونمشي ف الممر بالشويه ووصلت للصالة ونلقى انس طايح ع الارض وفي دم يالاه انفجعت ومشيتله نجري وطبست عليه وكانت يده مفتوحه كلها والمرايا قدامه مكسرة وطبست عليه وقعدت انوض فيه وريحته كانت كلها مشروب
نا:: انننس حبيبي تسمع فيااا
انس:: فتح عيونه وكانن حمر بكل وراسه دايخ
نا:: حبيبي نوض معاياا صبي وقعدت نصبي فيه
انس:: قمعز وانهار بالبكاء وقعد يبكي كيف العيل الصغير ودوب مايحكي لان دايخ عدااا وسيبنا ياامهاا عداا
نا:: قول لا اله الا الله هضاا قدر ربي
انس:: باتي هضاا باتي مكانش فيه شي قبلها يهدرز ويضحك وبعدها دفتنه بيديا حطيت عليه التراب بيديا
نا:: حطيت يدي علي وجه حبيبي خليك قوي هذي الحياة ماو اناا اهو خسرت بابا وقاعدة عايشه
انس:: حضني وقعد يبكي
نا:: شدة وتهون صدقني
وقعد انس يبكي ف حضني ونا قعدت نبكي ع الحالة اللي هوا فيهاا وبعدها بالسيف بيش حايلت عليه صبيته دوشتله ولفيتله يده بالقارزا ودرت قهوة عشان يصحصح شويه وقعد يشرب ونا قمعزت قدامه
نا:: ماتقعدش ضعيف هكي وتسلم روحك للشيطان
انس:: الدنيا انسودت ف عيوني
نا:: انت مش عايش بروحك عندك مسؤولية مرا وبنت مفكرتش فيناا يعني
انس:: اسف
نا:: مفروض وقت تضعف تلجأ لربي يهون عليك مش تمشي تسكر وانت عارف ان قتلك وقت اللي ترد تشرب معش تلقاني ف حياتك
انس:: بس اناا كنت يائس
نا:: ولو كان انا قدرت ظرفك بس لو مره اخراا اديرها صدقني مش حتلقاني
انس:: اتخلي علياا
نا:: خنقتني العبرة انت لكي اسبوع مادورتنيش لا اناا لا ماري ولا سألت علياا اسبوع ونا نسأل عليك ف الناس كيف الهبلة واخرتها تجيني ف الليل سكران اناا مأمنة علي روحي معاك بس انت تشرب لا مستحيل نسمح للموضوع يتعاود
انس:: سامحيني عارف روحي غلطت ومش حيتعاود
نا:: ييييه هذي ماري تعيط وصبيت
ومشيت خشيت عليها ف الدار وخذيتها وقعدت انرضع فيهااا وسارحه وشويه هكي خش علياا انس وقمعز جنبي وقعد يبحت فياا وسرحان ووقتها حس ان فعلاً لازم يقوي روحه لان في ناس بحاجته وبلاه توقف حياتهم وطبس علي ماري وباسها ورفع راسه وبحت فيااا وقرب وجه مني يبي يبوسني برمت وجي
انس:: معقوله تصديني
نا:: ماتحكيش معاياا
انس:: نهون عليكي
نا:: ماتهونش بس اللي ادير فيه يجرح فيااا
انس:: قتلك اني كنت ضعيف والدنيا سودا ف عيوني
نا:: دموعي نزلن وقعدت نمسح فيهن
انس:: مسحلي دموعي اشششش خلاص اسف والله بس معش تبكي منقدرش نشوف دموعك
نا:: انت معش تخليني ونا بحاجتك ماليش غيرك ف الدنيااا هذي اناا
انس:: وعد مش حنخليكي ولفني ف حضنه اناا وماري
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romantizmرواية ليبية شرقاوية مميزة بقلم الكاتبة Bent_benghazi
