الحلقـة الخامسة والخمسون
تميم:: يلا ياسمايل نوضي الساعة 12
مريم:: باهي تو انوض
تميم:: حولي باهي بنصبي اندوش
مريم:: هاه وحولت وحطت راسها علي المخدة ورقدت
تميم:: تي نوضي ياخموجه
مريم:: عدي دوش وتو انوض
تميم:: مافيش منك امل انتي
وباسها علي خدها وصبا طلع من الدار وخش يدوش ويسمع ف الباب يدق والباين ان مريم مازال راقده مناضتش لبس الروب امتاع الحمام وطلع ( طبعاً شقتها عندها باب ع الشارع بس ف نفس الوقت ف باب من حوش عيت عمها يخش علي جنانهم ) وفتح باب الشقه ولقى قدامه هدى
هدى:: انحرجت بعد شافاته بالروب ونزلت راسها
تميم:: تبي حاجة
هدى:: ماما دزتني عشان نقوللكم ان غداكم لوطا
تميم:: باه
وسكر الباب ونزلت وهواا خش كمل الدوش امتاعه وطلع وخش علي مريم ولقاها مازال راقده مشا فتح الستارة والروشن لعند خشت عليها الشمس
مريم:: غطت وجها حبيبي عاااد
تميم:: تي نوضي سادك الظهر ع الاذان
مريم:: بااهي والله لياا اسبوع مارقدت كويس
تميم:: حول من عليها الفوطة نوضي ياخموجه
مريم:: بحتت فيه وابتسمت نعيماً
تميم:: الله ينعم عليك يلا ياسمحه هي نوضي دوشي
مريم:: والله ماعندي نيه نصبي
تميم:: نصبيكي نا
مريم:: ههههههه لالا شكراً
تميم:: مالا نوضي هي
مريم:: نضت اهو خلاص وصبت
وخشت ادوش وتميم لبس شورت ابيض وكنتيره سودا وطلع عدا للمطبخ فتح الثلاجه وحط عسل وقشطة ومربى وزبدة ولانشون وجبنة ولبنة وقرض طماطم وخيار وحط عصير ومريم لبست روب الحمام. ودارت بدي لوشن وطلعت وخشت للدار فتحت الدولاب ولبست استرتش قصير عند الركبة لونه احمر وكت ابيض وسمعت تميم يقربج ف المطبخ مشتله
مريم:: حبيبي ليش ماراجيتني
تميم:: اهو خليلتك القهوة والدحي تقليه
مريم:: حاضر هي
وحطت مريم القهوة ع النار وقلت الدحي عيون وحطاته ع الطاولة وبدو يفطروا
تميم:: جت هبة امبدري وانتي راقده
مريم:: كنها
تميم:: قالت غداكم لوطا
مريم:: اهااا
تميم:: الباسبورت امتاعك وينه
مريم:: ليش
تميم:: بعد بكرا مسافرين
مريم:: حي صااااح وليش ماقتلي
تميم:: اهو قتلك
مريم:: وين باهي
تميم:: قبرص
مريم:: لا نبي تركيا اناا
تميم:: حاجز علي قبرص اناا تو نقعدوا كم يوم ونمشوا لتركيا بعدها
مريم:: ضحكت وبحتت فيه نحبك وحق ربي
تميم:: نجك لياا انتي وضحكتك
مريم:: تثاوب قعدت
تميم:: مزلتي نعسانه قصدك
مريم:: ههههه انا كان تخليني براحتي نرقد اليوم كله عادي
تميم:: كنتي تحكيلي انك تحبي النوم بس متخيلتش هكي
مريم:: ههههه لالا هكي واكثر
تميم:: انسيه تواا النوم خلاص
مريم:: وعليش
تميم:: عشان مش حترقدي بكل وغمزلها
مريم:: صايع خزي
تميم:: انا صايع ولا عقلك المسوس
مريم:: لا انت صايع
تميم:: هههههه حلالي مش شورك
مريم:: قعدت تضحك
تميم:: صبا بنمشي نشوف امي شويه
مريم:: باه
تميم:: وتي روحك انتي عشان تنزلي
مريم:: حاضر
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
