الحلقـة الثانية والثلاثون
سفيان:: منذر يامنذر
منذر:: كنك
سفيان:: تعال بسرعة يااراجل
منذر:: خااف ومشا يجري شن في
سفيان:: تعال الدكتور عند هبة وقال انهاا ناضت
منذر:: نزلت دمعته الي طول اليوم حابسها ووخر ع الساس الحمدلله ياربي الحمدلله
سفيان:: هياا تعال
وخشو منذر وسفيان ومشو دغري للعناية وقعدوا قدامها ويستنو حد يطلع عليهم ويقوللهم شن صار وكان الوقت يمر بالبطىء ومعش يمر بككل وطلع عليهم الدكتور ومشاله منذر وهوا علامات الخوف كلها علي وجه
منذر:: شنو يادكتور
الدكتور:: الحمدلله المريضة ناضت وبعد التحاليل والفحوصات تبين انهاا معندهش نزيف
سفيان:: وشنو الاضرار الي صارن يادكتور
الدكتور:: عندها كسر ف يدها وفك ف الكتف ورقبتها برضوا متضررة وجروح وكدمان بسيطة بس هذينا كلهن ساهلات واهون من حاجات اخراا
منذر:: الحمدلله يااربي وواعيه هياا توا
الدكتور:: اهاا ناضت وتعدت مرحلة الخطر بس ف حاجة
منذر:: توتر وبان عليه الخوف شن في
الدكتور:: المريضة الباين ان مكنتش لابسة الحزام ومن اثر الضربة الي كانت من الجهة امتاعها تحركت من مكانها والشي هضاا سبب بشكل سلبي ع الظهر وفقرات العمود الفقري والنخاع
سفيان:: يعني شنوو
الدكتور:: انا مش حندس عليك شي بس المريضة احساسها بكرعيها ضعيف بكل وصعوبه ف الاستجابة
منذر:: دموعه ملن عيونه يعني شنووو هبة حتنشل
الدكتور:: هياا مفقدتش الاحساس بس اعصابها ضعفن واجد ومع العلاج الفيزيائي ان شاء الله حتحسن
منذر:: حط يده علي جبهته ومسح بيها علي وجه يااربي ليش هكي
سفيان:: منذر وسع بالك واهدا
الدكتور:: محبيتش ندس عليك يامنذر وصدقني لو مافيش امل كنت قتلك وانت دكتور وتقدر تبحت وتعرف اكثر علي حالتهاا بس الحالة النفسية تأثر واجد ع العلاج وانت تعرف الشي هضاا
منذر:: لاحول ولا قوة الا بالله نقدر نشوفها باهي
الدكتور:: اكيد بس يفضل ماتعرفش ف الوقت هضاا منذر:: ان شاء الله خير
وخش منذر علي هبة وكانت راقده ع السرير وراسها مربوط ودايريلها امتاع الرقبة ويدها مجبسة وكراعها مجبسة ووجها جروح ويديها ضمادات وقعد يبحت فيهاا ومتألم وواجعه حالها ويذكر ف كلام الدكتور وقرب منهاا بالشويه وصبا عند راسها وهياا بحتت فيه وعيونها دموع
منذر:: حط يده علي شعرها وباسها علي جبهتها الحمدلله علي سلامتك حبيبي
هبة:: الله يسلمك
منذر:: عيونه دموع ومصنطع الضحكة هكي معقوله تخوفيني عليك
هبة:: عارفتك زعلان مني اسفه والله
منذر:: اششش خلاص نبيش نسمع شي اهم حاجة انك تواا كويسه
هبة:: بتول وينها كويسه صاح
منذر:: اهاا كويسه وقاعده راقده هياا وامك
هبة:: ماما هناا
منذر:: اهاا هناا هكي تخوفينا عليك معقوله
هبة:: عيونها دموع اسفه والله
منذر:: انحبك ياشينه ولو صارتلك حاجة كنت حنموت وراك
هبة:: حطت يديها يده بعيد السو حبيبي
منذر:: نجك لياا شنو تحسي ف روحك احسن توا
هبة:: الحمدلله علي كل حال بس كرعياا نبي نحركهن ثقاال بكل مش قادرة انتحكم فيهن ولا نرفعهن
منذر:: توتر وبان عليه الشي هضاا عادي حبيبي مرتخيات م الحادث والجبس وهكي
هبة:: باهي الحمدلله قبل خفت نحساب روحي انشليت
منذر:: عيونه تعبن دموع وخنقاته العبرة متقوليش هكي
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
