الحـلقـة الحادية والخمسون
معاذ:: تو نلقو حل
ملاك:: وين قاعد انت
معاذ:: ف شقتنا
ملاك:: والله شن ادير
معاذ:: راقد فيها ماو لوطا يزوقو
ملاك:: اهاا صورها لياا باهي
معاذ:: لالا خليها ف العرس
ملاك:: غير هياا حبيبي
معاذ:: متحاوليش قلت لا خلاص
مريم:: حبيبي عاد
تميم:: ههههه كنك
مريم:: انتحشم انا هكي
تميم:: مراتي عادي
مريم:: متقدرش تمسك روحك يعني
تميم:: لالا
مريم:: صايع خزي
تميم:: ههههههه مع حلالي
وفجأة ينفتح الباب ويخش مراد ومريم انفجعت ووقعدت حاطه الفون علي وذنها ومستكة ومراد حس روحه بايخ ان فتح الباب بلا مايدق وعرفها تكلم ف تميم ماعنده مايقول راجلها وكلها شهر وتكون عنده
مريم:: تبي حاجه
مراد:: اه لا نبي امي غير عقلي يدوي خشيت هناا بالغلط
مريم:: اهاا ماما خشت رقدت ملهش واجد
مراد:: اهاا باهي تصبحي علي خير
مريم:: تلاقي الخير
وطلع مراد وهوا منحرج ومريم كملت دوتها ولا كأنهاا صارت حاجه ( بارده حتي الحشم مااتحشم )
ومشن الايام عاد ونحسو فيهن يجرن لان نحسبوا فيهن باليوم وكملوا هلي زواق الحوش وجددوا الصالونات ومريم حايسه عاد ونطلع معاها اناا نخلي ف يزن وماري عند رتاج ونمشي معاها وبرضوا ملاك كانت توتي ومعاذ يشطب ف شقته يعني عالنين الطوارئ ف حوشنا
مريم:: عليك قصة تواا
نا:: كنك
مريم:: مازال ماخذيت الفيلو والايجار كلهن معجبنيش
نرجس:: بالعكس والله اللي يرمتها حلو
مريم:: مطلعني ارقيقه واجد
هبة:: لا والله مطلعك كيف الباربي
رؤية:: ف محل خذت منه مرات خويا الفترة اللي فاتت عدي شوفيه
مريم:: ماعنديش الا نشوفه محلات بنغازي كلهن برمتهن مافيش حاجة حلوه وكلهن ستايلات معادة
نا:: ها مالا تبي شرا تحطي فيه 7000 ولا 8000 ويقعد
مريم:: ع اساس قلت نبي نشري تواا يعني
هبة:: بتبغي شعرك
مريم:: لا بنخليه اسود تميم قالي متغيريش
رؤية:: صدق صاح خايل معاكي اصلاً
نرجس:: نكلمك الحناية اللي قتلك عليها
مريم:: ييييييه نسيتها بكل الحناية
نا:: حتي نا نبي نحني من عرسي معش حنيت
رؤية:: تسميها حنه اللي ف عرسك
نا:: اهوو عاد
هبة:: بس عادي تحني وانتي حامل
نا:: وشن فيها عاد ساد ف عرسكم محنيتيش بسبب انس ويقولي حامل
مريم:: قصدك بتحني من وراه
نا:: اهاا وتقوليها لاه نهارك
نرجس:: شكلا يحبها
نا:: يعشقها هذا عليش بنحني
مريم:: الله الله
ماما:: ياانرجس
نرجس:: نعم ياعمتي
ماما:: تعالي كلمي المرا ع الموالح
نرجس:: كلمتها امس وقالتلي بكرا تعالي خوذي نوعين وبعد 4 ايام النوعين التانيات
نا:: حصلتو طباخة
هبة:: اهاا اناا اتفقت مع وحده
مريم:: فكوني من الوجيج راه نبيه يوم واحد ف الصالة وخفيف ظريف
منى:: قصدك ماتبيش اديري حفلة حنة
مريم:: بسم الله من وين طلعتي
منى:: توا جيت
نا:: نجككك لياا كبرت فرختك
منى:: كبرت وبتهبلني
نا:: رايحه تشبهلك هاتيها كذا
منى:: خوذيها فكيني من هرجتها
هبة:: صاح فيها شبه منها
نا:: ازززك لياا حبيبة خويله انتي
منذر:: جا منفصل هببببة ياااااهبة
هبة:: صبت مفجوعة نعم نعم
منذر:: ماسك فوفو ف يده ويعيط تعالي خوذكي ولدك حايسين فيه الفروخ
هبة:: خداته منه وكان منسحن بكاء خلاص ياماماخلاص
منذر:: وين مادة وجك عليه قريب قتلوه كنك عديمة المسؤولية انتي
هبة:: تحكي بصوت واطي. كان راقد ف الدار بعدين خلاص مافيش داعي للموشح هذا قدام خواتك
منذر :: تي
هبة:: وجعتها روحها وعيونها تعبن دموع
منذر:: طلع وراقيله
هبة:: جتنا ووجها متلخبط وف يدها ولدها
نا:: متعدليش عليه ديما هكي هوا
هبة:: لاعادي
مريم:: تواا قوللي شن اندير
منى:: حفلة حنة
مريم:: حفلة راسك قلت يوم واحد نا خلاص
نا:: خليها براحتها بعدين مازال عرس معاذ وسريبه سريب
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
