الحلقـة الخامسة والثلاثون
نا:: فتحت عيوني وكانن حمر وقعدت نبحت فيه منقدرش بلاك
انس:: يارووحي ولا اناا بس عشان وليدنا يعيش كويس لازم نشتغل واجد وحط يده علي بطني
نا:: بسته من خده ربي يحفظك لياا ولاه
انس:: ويحفظك انتي يادنيتي كلهاااا
ورقدت ونا ف حضنه وطول الليل نبحت فيه وكأني نبي نملا عيوني منه ونضت ف الصبح علي انس يلعب علي شعري ويبحت فياا وتلقائياً لقيت روحي مبتسمة
نا:: صباح الخير
انس:: صباح الورد والضحكة السمحة
نا:: من امتا واعي
انس:: مش واجد بلكي ساعة هك
نا:: وشن كنت ادير مالا
انس:: طبس علياا وباسني ف خدي كنت انتفرج عليكي
نا:: نجك لياا وصبيت
انس:: وين ماشيه
نا:: انديرلك فطور
انس:: هياا تو نجي معاكي
نا:: هياا نخش للحمام بس
انس:: باهي
وخشيت للحمام( حشاكم) غسلت وجي وفرشيت سنوني وتوضيت وطلعت صليت ومشطت شعري ومشيت للمطبخ القيت انس يوتي ف الحاجات قعدت اندير اناا ويااه وقمعزنا نفطروا ونضحكوا وجونا سمح وكنت متريحة بككل مشعارف ليش ولميت المواعين وغسلتهن وبرمت ع المطبخ ومسحت الثلاجة لان بنمشي لهلي اليوم وانس مقمعز حذايا ويتفرج عليااا. ويهدرز
انس:: خلاص كملتي
نا:: اهاا كملت
انس:: يلا معناهاا تعالي عشان نلبسوا
نا:: قصدك ماعندكش شي اديره
انس:: لالا
نا:: باهي مفهمتش اناا قصدك خذيت اجازة من المستشفى ولا كيف
انس:: اهاا مدير العيادة الي دازنا هواا الي دارلنا واسطة
نا:: اهااا
انس:: هضاا هوا دبشك
نا:: اهاا هضاا هواا
انس:: باهي البسي يلا
نا:: قصدك بتمشي توا
انس:: اهااا خلاص شويه ونمشي للمطار
نا:: قمعزت قدام الزيانه وقعدت اندير ف الميك اب امتاعي وكيف حتحطني وتمشي للمطار بعدها
انس:: لا حيحطك سليم تواا قبل مايمشي ونا جايني صلاح
نا:: قصدك ماتبيش تمشي معاياا لهلي
انس:: مافيش داعي اول امس شفتهم بعدين مانبيش انتأخر
نا:: كنت نكحل ف عيني ودموعي عبن عيوني لان. حيمشي للمطار بلايا مكنتش مستوعبة الفكرة كنت نحس ف روحي عيل صغير وانس امي الي مانبيش نقعد بلاها
انس:: تبكي ان شاء الله
نا:: لالا عيوني دارن م الكحل بس
انس:: عرفني نكذب بس مابش يحكي
وكملت الميك اب امتاعي ولبست سروال طيني وبلوزة قطنيه سودا فيها خيط من الوسط واشرب تايقر ولبست دبلتي وساعتي وانس لبس سروال بيج وقميص بولو نبيتي كاروهات وحط جاكة خفيفه علي كتوفه لونها بيج اغمق من السروال وكندرة بنيه وخذا فونه ودخانه ولبس ساعته وبخ برفانه ومشط شعره فوق ونظارته وقعد يطلع ف الشناطي امتاعي وامتاعي وامتاعه ف الصالة وخذا شنطة اللاب امتاعه وحط فيها الباسبورت امتاعه والتذكرة وطلعت نا ف الصالة وقفل دار النوم ونا نبحت فيه وزعلانه بس ف نفس الوقت في حاجة مخليتني متريحه ان هواا راجلي
انس:: هيااا تو انطلع شنطتك نحطها ف السيارة
نا:: حاظر تو نطلع
وطلع انس حط الشنطة امتاعي ف سيارة سليم وخذا الشنطة امتاعه وطلعها ف الجنان وطلعت نا وسكرت الباب ورايااا وقعدت مصبيه قدامه ونقفل فيه وقفلته وخذيت المفتاح وجاني انس ويبحت فياا بنظرة غريبه وقرب مني وعيني ف عينه
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romantizmرواية ليبية شرقاوية مميزة بقلم الكاتبة Bent_benghazi
