الحلقـة الحادية والعشرون
نرجس:: عارفتيهم انتي كل واحد ف مكان
رؤية:: تشربوا قهوة
نا:: ياريت
رؤية:: صبت
نا:: صبيت وراها تو نجي
ماما:: وين ماشيه
نا:: لحظة بس
رؤية:: تبي حاجة
نا:: ههههه وسعي بالك خليني ناخذ نفسي
رؤية:: هههه احكي
نا:: نبيكي توصي محمد وهوا جاي علي جهاز كشف حمل
رؤية:: ابتسمت كيف حامل؟
نا:: لالا بس نبي انتأكد
رؤية:: خلاص ولا يهمك تو نقوله
نا:: نجك لياا نعني مانفقدك
رؤية:: هـ الحاجة الكبيرة هياا
ودرنا القهوة وشلناها برا وقعدنا نشربوا ورنت رؤية علي محمد وقالتله وشويه هكي خش معاذ ومريم
معاذ:: اووو الطشة عندنا
نا:: ههههه خيرات
معاذ:: سلم علياا شن اخباارك
نا:: الحمدلله وينك لا تسأل لا شي
معاذ:: مشاغل مشاغل
ماما:: الي يسمعك يصدقك
كلنا:: هههههههههههههه
معاذ:: قمعز جنب ماما وباسها من خدها كنك معايا يانونو
ماما:: لا ماكني
معاذ:: شفتيها يانرجس شفتيها
نرجس:: هههههه كنك معاه ياعمتي
ماما:: لسان مصريه الفرخ هضا انظر من وين جايبه
معاذ:: هههههههه ليه بئا يانونو هوا انتي لائية حد يدلعك كدا غيري ولا اي
كلنا:: هههههههه
نا:: مريم كنك ساكته
مريم:: اه لا شي نغير دبشي ونجي وصبت
نا:: صبيت وراها وخشيت وسكرت الباب كنك شن في
مريم:: تحاول ماتبينش مافي شي كنك
نا:: تي بطلي كذب مانيش عيل صغير
مريم:: تغير ف دبشها وساكته
نا:: تعاركتي معاه
مريم:: اهاا
نا:: عليش
مريم:: علي لبسي سكنلي يقولي طوليه طوليه
نا:: تبي الصراحه الراجل معاه حق لبسك قصير
مريم:: طول عمري نلبس هكي وخوتي ساكتين
نا:: ع اساس ساكتين بارادتهم واحلين فيكي بس مريم :: بحتي للبنات مكياج ولبس وشعر طالع نا حتي مكياج منديرش جت علي لبسي يعني
نا:: ياميمي ياحبيبتي جسمك ملفت وبالذات لما تلبسي هكي شن خاسرة انتي طوليه شويه خير لكي واحسن ماتخسريه وف النهاية هوا راجل ومن حقه يغار
مريم:: بس انتي عارفتيني منحبش حد يفرض علياا حاجة
نا:: بس هواا مفرضهش عليكي هضاا حبيبك والمفروض تفرحي ان يغار عليكي ها تبيه يقعد مش مدورك بكل ومش معبرك ولا يغار ميقعدش راجل
مريم:: لبست ديشها وقعدت تمشط ف شعرها
نا:: فونك يرن
مريم:: شافاته تميم هضاا هوا
نا:: ردي باهي
.
.
.
.
.
مريم:: بصوت زعلان ايواا
تميم:: وصلتي
مريم:: اهاا
تميم:: باهي سلام
مريم:: تميم استني
تميم:: مش فاضي سلام
مريم:: سلام
.
.
.
.
نا:: كنك سكرتي
مريم:: تحكي وزعلانه هواا الي سكر مش اناا
نا:: تو شويه ويهدا اكيد واخذ علي خاطره منك
مريم:: طبعه صعب يامهيّا صعب
نا:: معلش تحمليه مافيش حد كامل الا الله عز وجل
مريم:: باهي شن جوك مع انس
نا:: تمام
مريم:: بديتي اتعودي عليه
نا:: تعودت عليه وحبيته قعدت نحس ف حياتي متكملش بلاه
مريم:: ايواا ع الحب
نا:: هياا باهي خلينا نطلعوا
مريم:: هياا
.
.
.
.
وطلعنا ولقينا حتي مراد ومحمد مروحين ومقمعزين كلهم ويهدرزوا
.
.
.
.
مراد:: اووو مهيوة هناا
نا:: سلمت عليه بالاحضان شن اخباارك
مراد:: الحمدلله انتي شن دايره
نا:: الحمدلله
محمد:: حضني والله مكانك فاضي
نا:: هههه البركة ف الي قاعدين
مريم:: قمعزت كيف مش عاجبينك
معاذ:: جت الغيورة جت
كلنا:: هههههههههههههه
فتوحي :: يابابا الباب يدق
مراد:: عدي افتح يابابا
فتوحي:: باهي وطلع فتح ولقاه انس
.
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
